Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

هێمن عه‌بدولقادر


وه‌کو ئێستا له‌ بیرمه‌, دوای نیوه‌ڕۆیه‌کی گه‌رم بوو. تاک شه‌رواڵێکم له‌پێ کرد و کراسێکی ئوتو نه‌کراوی سپی چڵکنم کرده‌ به‌رم و ته‌سبیحێکی قه‌زوانم کرده‌ ملم و جوتێک قۆنه‌ره‌ی دڕاوم کرد به‌سه‌ر پێوه‌، ده‌سته‌سڕێکی ئاوریشمم له‌ گیرفانی شه‌رواڵه‌که‌م هێنابووه‌ ده‌ره‌وه‌، ڕووم کرده‌ یه‌کێک له‌ بنکه‌کانی ده‌نگدان، ئوتومبێلێکی (یارس)ی بچووکم پێ بوو، هه‌ر که‌ گه‌شتمه‌ ئه‌وێ، جارێ سه‌ره‌تا له‌به‌ر ئه‌وه‌ی ئوتومبێله‌که‌م بچووک بوو، به‌ دووری سه‌دان مه‌تر نه‌یانهێشت ئوتومبێله‌که‌م له‌و نزیکانه‌ رابگرم، به‌ڵام هه‌ر ئوتومبێلێکی مۆدێل به‌رز و قه‌به‌ ئه‌هات، تا به‌رده‌رگای وێستگه‌ی ده‌نگدانه‌که‌ ئه‌چوو، گه‌رچی من زۆر تکام کرد که‌ منداڵم پێیه‌ ناتوانێ بڕوات، به‌ڵام وتیان: نابێت ته‌علیمات و یاسا رێگا نادات.

که‌چوومه‌ ژووره‌وه، له‌ پرسگه‌که‌وه‌ شێوازی ته‌فتیشکردنی من له‌گه‌ڵ ئه‌وانه‌ی که‌ قات و بۆینباخیان له‌به‌ردا بوو ئه‌رز و ئاسمانیان فه‌رق بوو، ئه‌وانه‌ی که‌ له‌ رواڵه‌تدا (ده‌وڵه‌مه‌ند و که‌شخه‌ و ئوتومبێلی قه‌به‌ و گه‌وره‌یان پێبوو) ته‌نها سه‌یری مۆبایله‌کانیان ئه‌کرد، به‌ڵام ئه‌وانه‌ی وه‌ک ئێمه‌ به‌ ئوتومبێلی بچووک و جلی دڕاوه‌وه‌ ئه‌هاتن (جیهازی کاشیفه) یان لێئه‌دا.

خۆی له‌ راستیدا ئه‌مه‌ له‌ کۆمه‌ڵگای شه‌رقیدا دۆخێکی ته‌واو سایکۆلۆژییه‌ (هه‌تا ساده‌ بیت، هه‌تا رێزی خه‌ڵک بگریت، هه‌تا به‌ئیحترام و به‌رێز بیت، هه‌تا که‌مترین گرفت و ئاسته‌نگ بۆ موراجیع و خه‌ڵک دروست بکه‌یت, خه‌ڵکی به‌چاوێکی سووک ته‌ماشات ده‌کات، وه‌لێ هه‌تا کیبرت هه‌بێت، سه‌یاره‌ی گه‌وره‌ت هه‌بێت  حیمایه‌ی زۆرت به‌شوێنه‌وه‌ بێت، کاری خه‌ڵک رانه‌په‌رێنی خه‌ڵک زیاتر رێزت لێئه‌گرن) 

که‌ چوومه‌ ژووره‌وه‌ بۆ بنکه‌ی ده‌نگدان ریزێکی درێژ وه‌ستابوو, هه‌رکه‌س ئه‌هات و قۆڵی ناسیاوێکی خۆی ئه‌گرت و ئه‌ی برده‌ ژووره‌وه‌، ئێمه‌ش زه‌قه‌ی چاومان ئه‌هات هه‌تا سه‌ره‌مان هات، که‌ سه‌ره‌شمان هات، لێپرسراوی ژووره‌که‌ و تێکڕای چاودێری لایه‌نه‌ سیاسیه‌کان که‌ جل و به‌رگ و پێڵاو و کراسه‌که‌میان بینی ووتیان:"کاکه‌ ئه‌گه‌ر خوێنه‌واریت نییه‌ ئه‌توانین یارمه‌تیت بده‌ین"، به‌مه‌رجێ بڕوانامه‌ و پۆستی من, له‌ هه‌موو ئه‌وانه‌ی له‌وێ ئاماده‌بوون, ته‌نانه‌ت له‌مدیری وێستگه‌که‌شیان به‌رزتربوو، ئیتر وه‌ک هه‌میشه‌ خه‌مێکی قووڵ بێده‌نگی کردم, رێک قسه‌که‌ی عه‌لی وه‌ردیم بیرکه‌وته‌وه‌ که‌ له‌ کتێبی (که‌سێتی تاکی عێراقی)دا ده‌ڵێت:

سایکۆلۆژیا و سروشتی خه‌ڵکی عێراق وایه‌، ئه‌گه‌ر چه‌ند منداڵێک له‌ کۆڵان یاری بکه‌ن، په‌نجه‌ره‌ی ماڵێک بشکێنن، کابرای خاوه‌ن ماڵ که‌دێته‌ ده‌ره‌وه‌، بێ سێ و دوو, ده‌ستبه‌جێ هێرش ده‌کاته‌ سه‌ر ئه‌و منداڵه‌ی که‌ له‌هه‌موویان ناشیرینتر و هه‌ژارتر دیاره‌، گه‌رچی منداڵێکی جوان و پۆشته‌ ئه‌وکاره‌شی کردبێت".

1682 جار خوێندراوەتەوە
29/09/2016

هەموو وتارەکانی ئەم نوسەرە