داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

ئه‌وکاته‌ی به‌بێ گوناهـ ته‌كفیر ده‌كرێم!؟

فاروق عه‌لی‌


من فارووق عه‌لی، به‌ڕێوه‌به‌ری که‌ناڵی ئاسمانیی په‌یام (شاهێدی ده‌ده‌م و باوه‌ڕی ته‌واوم هه‌یه‌ که‌ جگه‌ له‌ الله که‌ به‌دیهێنه‌رو و په‌روه‌ردگاری جیهان و جیهانیانه‌، هیچ په‌رستراوێکی دیكه‌ نییه‌، باوه‌ڕم هه‌یه‌ که‌ محه‌ممه‌دی کوڕی عه‌بدوڵڵا نێردراوی خوایه‌ و صادق المصدوقه‌ و ئه‌وه‌ی فه‌رموویه‌تی وه‌حیی په‌روه‌رگاره‌، قه‌ناعه‌تیشم وایه‌ به‌بێ فه‌رمووده‌کانی پێغه‌مبه‌ر، ناتوانین له‌ قورئان بگه‌ین و له‌ ئه‌حکامی دین شاره‌زا بین، ئه‌مه‌ی که‌وتوومه‌، له‌ ژیانی ڕۆژانه‌مدا به‌ کرده‌وه‌ ئه‌نجامم داوه‌).

ئه‌م پێشه‌كییه‌ بۆ هه‌موو ئه‌و که‌سانه‌یه‌ كه‌ نه‌ك به‌ سته‌م و ناڕه‌وا، به‌ڵكوو به‌ غلو و تێپه‌ڕاندن هێرشیان كرده‌ سه‌رم، پاش بڵاوبوونه‌وه‌ی به‌رنامه‌ی (پارسه‌نگ) که‌ ته‌وه‌ری به‌رنامه‌که‌ بریتی بوو له‌ (کلتووری نه‌ته‌وه‌کان که‌تێکه‌ڵ به‌ ئیسلام بووه‌، چۆن له‌ ئیسلامیان جیابکه‌ینه‌وه‌). پێم وانییه‌ هیچ که‌س گومانی له‌و ڕاستییه‌ هه‌بێت که‌ له‌گه‌ڵ به‌رفراوانبوونی قه‌ڵه‌مڕه‌وی ئیسلام و مسوڵمانبوونی نه‌ته‌وه‌ جیاوازه‌کان، هه‌ندێ له‌ کلتووری نه‌ته‌وه‌کان تێکه‌ڵ به‌ ئیسلام بووه‌، ئه‌مه‌ نه‌ك شتێكی ئاساییه‌، به‌ڵكوو ئه‌گه‌ر وانه‌بێت ئه‌وه‌ گه‌واهیی ئه‌وه‌ ده‌بێت كه‌ ئیسلام سه‌پێنراوه‌، نه‌ك میلله‌تان به‌ خواهیشی خۆیان وه‌ریانگرتبێت. به‌ڵی‌ ئیسلام تێكه‌ڵ به‌ كلتوور و نه‌ریتی میلله‌تان بووه‌ و ته‌نانه‌ت فه‌رهه‌نگ و كلتووره‌كه‌ی بۆ بژارده‌ كردوون، باشه‌ كه‌ ئێمه‌ ده‌ڵێین ئاینداری له‌ فڵانه‌ شوێن لاواز بووه‌، واته‌ چی؟ به‌و مانایه‌ی پێشتر به‌هێز بووه‌، به‌ڵام له‌ ئه‌نجامی كارلێك كردنیدا له‌گه‌ڵ نه‌ریت و كلتووره‌كانی ناوی لاواز بووه‌، واته‌ سێبه‌ری كلتووری كه‌وتووه‌ته‌ سه‌ر، به‌ تایبه‌تی هه‌موو مێژوونووسانی ئیسلامی ئاگاداری ئه‌وه‌ن له‌ سه‌رده‌می وه‌رگێڕاندا، كه‌ فیكر و فه‌لسه‌فه‌ وه‌رگێڕدرایه‌ سه‌ر زمانی عه‌ره‌بی و هاته‌ ناو جوگرافیای ئیسلامی، كاریگه‌ریی گه‌وره‌ی دروستكرد، غه‌زوی فیكری ده‌ستی پێكرد، بۆیه‌ پێویستییه‌كی ئه‌م سه‌رده‌مه‌ هه‌وڵدانه‌ بۆ ئه‌وه‌ی کلتوور و که‌له‌پووری نه‌ته‌وه‌کان له‌ خودی ئیسلام جیابکرێته‌وه‌، چوونکه‌ زۆربه‌ی لادانه‌کان له‌وه‌وه‌ سه‌رچاوه‌ی گرتووه‌، به‌ڵام دیاره‌ به‌رنامه‌که‌ ئه‌و ئامانجه‌ی نه‌پێکا که‌ ئێمه‌ مه‌به‌ستمان بوو. مامۆستا (بیلال)یش وه‌ک پێشکه‌شکاری به‌رنامه‌که‌، جگه‌ له‌ دڵسۆزی بۆ ئیسلام و مسوڵمانان، هیچی تری پێوه‌ نابینم، دروستكردنی تۆمه‌ت بۆ ئه‌و به‌ڕێزه‌ش، ته‌سكبینی و نالۆژیكیی بكه‌ره‌كانی نه‌بێ‌، شتێكی دیكه‌ نییه‌. كاری پێشكه‌شكار ئه‌وه‌ی میوانه‌كه‌ بێنێته‌وه‌ سه‌ر ته‌وه‌ره‌ سه‌ره‌كییه‌كانی، كه‌ مامۆستا بیلال ئه‌وه‌ی كرد، به‌ڵام له‌ عورفی ڕۆنامه‌وانیدا قسه‌ی میوان یه‌كسان ناكرێت به‌ بۆچوونی پێشكه‌شكاره‌كه‌ی و میدیاکه‌ش. ڕاسته‌ له‌و به‌رنامه‌یه‌دا ڕه‌نگه‌ شتێك گوترابێت نه‌ من و نه‌ مامۆستا بیلال و نه‌ ئێوه‌ش پێی ڕازی نه‌بن، به‌ڵام ئه‌م ڕه‌ئیانه‌ هه‌ن، شاردنه‌وه‌یان له‌ناو داكه‌وته‌ی ئیسلامیدا نه‌ك هیچ ده‌ردێك ده‌رمان ناكات، به‌ڵكوو دۆخێكی زۆر خراپ دروست ده‌كات، وه‌ك ئاگری ژێر خۆڵه‌مێش.

ئهم به‌رنامه‌یه‌ کاردانه‌وه‌ی زۆری لێکه‌وته‌وه‌، تا گه‌یشته‌ ته‌کفیرکردنی ئێمه‌! ‌ئه‌مه‌ جێگه‌ی سه‌رسوڕمان بوو! من پرسیارێك ڕووبه‌ڕووی ئه‌و به‌ڕێزانه‌ ده‌كه‌مه‌وه‌ (ته‌كفیركردنی ئێمه‌ ترسناكتره‌ یان ئه‌و شتانه‌ی له‌به‌رنامه‌كه‌دا وتراوه‌؟ ئه‌وه‌ی له‌و به‌رنامه‌یه‌دا وتراوه‌ ڕه‌ئییه‌ك زیاتر نه‌بووه‌، كه‌ ڕه‌نگه‌ هیچمان پابه‌ند نه‌بین پێیه‌وه‌ و کاریگه‌ریشمان له‌سه‌ر دروست نه‌کات، ئیتر ده‌ڕوا و به‌بێ‌ كاریگه‌ری ته‌واو ده‌بێت، به‌ڵام ته‌كفیری ئێمه‌ چی لێدێ؟ ئه‌ی ئه‌گه‌ر كه‌سێك له‌ شوێنێكدا چه‌قۆیه‌كی كرد به‌ ورگماندا خوێنمان له‌ دونیا و قیامه‌تدا ده‌چێته‌ ملی كێ؟ ئه‌مه‌ نه‌ك شكی پێ ناڕه‌وێته‌وه‌، به‌ڵكوو جگه‌ له‌ نه‌شاره‌زایی ئه‌و که‌سانه‌ له‌ جه‌وهه‌ری ئیسلام، هیچی تر ناگه‌یه‌نێت. نازانم چۆن جورئه‌تیان هه‌یه‌ و ڕێگه‌ به‌ خۆیان ده‌ده‌ن له‌سه‌ر بۆچوونی که‌سێک ئێمه‌ تکفیر بکه‌ن! ئه‌وه‌ بیرکردنه‌وه‌ی داعشیانه‌یه‌، چوونکه‌ داعش که‌ حوکمی ته‌کفیریی که‌سێکی ده‌رکرد، واته‌ شه‌رعیه‌تدان به‌ کوشتنی و حوکمه‌که‌شی جێبه‌جێ ده‌کات، چوونکه‌ ده‌سه‌ڵاتی جێبه‌جێکردنیان هه‌یه‌، به‌ڵام ئه‌مانه‌ی ئێمه‌ ته‌کفیر ده‌که‌ن، ده‌سه‌ڵاتیان هه‌بوایه‌ ئه‌وانیش جێبه‌جێیان ده‌کرد و به‌ ناوی پاشگه‌زبوونه‌وه‌ سه‌ریان له‌ له‌شمان جیاده‌کرده‌وه‌.

سوێن به‌ په‌روه‌ردگاری جیهانیان، خۆمم ناسیوه‌ له‌گه‌ڵ مسوڵمانادا بووم، سه‌رده‌می جاهیلیم له‌ ته‌مه‌نی خۆمدا نه‌بینیوه‌، به‌ قه‌ناعه‌ته‌وه‌ تێکه‌ڵ به‌ کاری ئیسلامی بووم و شه‌ونخوونیی زۆرم تیایدا کێشاوه‌، چه‌ندان جار له‌ که‌ناری مه‌رگ گه‌ڕاومه‌ته‌وه‌، قوربانیی زۆرم تیا داوه‌، هه‌ر کارێکم کردبێت، به‌ ئه‌رکی خۆمم زانیوه‌ و دڵسۆزیم تێدا به‌خه‌رج داوه‌ و منه‌تم به‌سه‌ر که‌سدا نه‌کردووه‌ و چاوه‌ڕێی پاداشتم له‌ خوا کردووه‌، ئه‌وه‌ی زانیبێتم گوناهه‌ له‌ که‌بیره‌ و سه‌غیره‌، لێی دوورکه‌وتوومه‌ته‌وه‌، واجباته‌کانم جێبه‌جێ کردوه‌ و به‌پێی توانا سوننه‌ته‌کانم ئه‌نجام داوه‌، به‌ سه‌رکه‌وتنی مسوڵمانان خۆشحاڵ بووم و به‌شکستیان نیگه‌ران بووم، به‌رژه‌وه‌ندیی ئیسلام و مسوڵمانان له‌ چیدا بووبێ، ئه‌وه‌م کردووه‌، له‌ کوێدا بووبێ خۆم پێگه‌یاندووه‌ و سه‌یری به‌رژه‌وه‌ندیی خۆمم نه‌کردووه‌، ئیتر به‌ کافر دانانمان له‌پای چی؟! سوێند به‌ خوا سکاڵای خۆم له‌ په‌روه‌ردگارم ده‌که‌م، سوێند به‌ خوا له‌به‌رده‌می په‌روه‌ردگارم یه‌خه‌ی ئه‌وانه‌ ده‌گرم که‌ به‌ ناوی خواوه‌ ڕۆژانه‌ خه‌ڵک ده‌نێرن بۆ دۆزه‌خ. بۆ ئێمه‌ مایه‌ی زیانین بۆ ئیسلام و مسوڵمانان، كه‌ دین تێکه‌ڵ به‌‌ ژینی خه‌ڵك ده‌كه‌ین، یان ئه‌وانه‌ی دینیان كردووه‌ به‌ چاڵێك له‌ دۆزه‌خ، بۆ ته‌كفیركردن و كافركردنی مسوڵمانێكی مولته‌زیم كه‌ خوا و پێغه‌مبه‌ره‌كه‌ی خۆشده‌وێ‌؟ ئه‌وه‌نده‌ ئاسانه‌ و بێ‌ لێپرسینه‌وه‌ ده‌ڕوات؟ ئه‌وه‌ی له‌ ماوه‌ی حه‌وت ساڵی ته‌مه‌نه‌یدا که‌ناڵی په‌یام خزمه‌تی ئیسلام و مسوڵمانانی کردووه‌، چۆن حه‌ق به‌ خۆتان ده‌ده‌ن نادیده‌ی بگرن. ئه‌و كاته‌ی ئێمه‌ ئه‌م كه‌ناڵه‌مان كرد به‌ یه‌كه‌م مینبه‌ری ئیسلامی و گه‌ردنی مناره‌ی مزگه‌وته‌كانمان تێدا نمایش ده‌كرد، ئه‌و ته‌كفیرییانه‌ له‌ كوێ‌ بوون؟ ئه‌و كاته‌ی ئێمه‌ و كه‌ناڵی په‌یام ڕووبه‌ڕووی ته‌قه‌كردن و سووتاندن بووبووه‌وه‌ له‌سه‌ر وتنی‌ حه‌ق، ئه‌مانه‌ چه‌پڵه‌یان بۆ کام وه‌لیئه‌مر لێ ده‌دا؟ که‌ناڵی په‌یام مینبه‌ری هه‌موان بووه‌ و ته‌نیا ناسنامه‌ی کۆمه‌ڵی ئیسلامی نه‌بووه‌، زۆرجار ته‌وه‌ری به‌رنامه‌ و میوانه‌کانی جیاواز له‌ بۆچوونی ئێمه‌ بوون و ته‌حه‌مولمان کردووه‌، هه‌موو که‌س مافی ڕه‌خنه‌ و پێشنیاری هه‌بووه‌ و گوێمان بۆ شلکردووه‌.

له‌ شه‌وی ڕابردووه‌وه‌ هه‌ندێ برا و خۆشه‌ویست ته‌له‌فۆنیان کردووه‌ و به‌ ڕێزه‌وه‌ قسه‌ی خۆیانیان کردووه‌ و ڕه‌خنه‌یان گرتووه‌، ئێمه‌ش گوێمان لێیان گرتووه‌ و فه‌رمایشته‌کانیان له‌سه‌ر سه‌رمان و له‌ پێش چاومان داده‌نێین، به‌ڵام هه‌ندێک كه‌س له‌ په‌نای ئایینی ئیسلامه‌وه‌ شه‌ڕی نه‌فسیی خۆیمان له‌گه‌ڵ ده‌کات، له‌ په‌نادیوار و لاڕێگه‌وه‌ ته‌شهیر ده‌کات و په‌لامار ده‌دات، ئه‌وانه‌ ئه‌وه‌نده‌ ده‌نگیان نزمه‌ نایبیستین تا ئاوڕیان لێبده‌ینه‌وه‌. هیوام وایه‌ خه‌مخۆرانی فه‌رمووده‌کانی رسول الله‌ (صلی الله علیه وسلم) پێغه‌مبه‌ر بکه‌نه‌ پێشه‌نگی خۆیان بۆ ڕاستکردنه‌وه‌ی هه‌ڵه‌کان....

1103 جار خوێندراوەتەوە
25/03/2015

هەموو وتارەکانی ئەم نوسەرە