Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

وشیار عه‌بدوڵا


پرسیاری یەکەم :

حیدر العبادی ، لەبەر چاوی تێکڕای ئەندامانی لیژنەی ئەمن ودیفاع و بەشێک لە فەرماندە و بەرپرسە سەربازیەکانی عێراقدا ڕون و ڕاشکاو وتی ، هەموو حزبەکان بێ جیاوازی پشکیان لە داهاتی نەوتی هەرێمدا هەیە بۆیە قسە ناکەن ، ئایا هیچ وەڵامێکتان نیە بۆ قسەکانی ؟ گریمان وەڵامی ئەو نادەنەوە ، ئەی هیچ قسە و ڕونکردنەوەیەکتان نابێت بۆ دەنگدەر و لایەنگرانتان ؟ حیکمەت چیە لەو بێدەنگیە !؟

پرسیاری دوەم:

حکومەتی هەرێم کە هەر چوارتان بەتەنیشت پارتیەوە بەشدارن تیایدا،یاسای موازەنەی ساڵی ۲۰۱۷ ی ڕەتکردۆتەوە و دەڵێت پابەند نابم پێوەی ، پرسیار ؛

یەک: هاوڕای پارتین و ئێوەش یاساکە ڕەتدەکەنەوە ؟ 

دو: هەڵوێستتان لە فرۆشتنی زیاتر لە ملێۆنێ بەرمیل نەوتی ڕۆژانەی هەرێم چیە ؟ ئایا هێشتا لەگەڵ ئەوەن پارتی بە چاودێری و کۆنتڕۆڵی تەواوەتی تورکیا بیفرۆشێت ، یاخود لە ڕێگەی بەغدا و سۆمۆوە ؟

بانێکە و دو هەوا ؟!

ئێمە کە یاساکەمان پەسەندکردوە و لەگەڵ ئەوەین داهاتی نەوتی هەرێم لەڕێگەی سۆمۆوە بگەڕێتەوە بۆ موچە و گیرفانی خەڵک ، وا مانگی یەک لە ساڵی نوێ تێدەپەڕێت و لە هەرێمەوە بە هەندێ بەڵێن و دروشم دەربارەی چاککردنی موچە و ڕێژەی پاشەکەوت مەبەستێک هەیە یاساکە تەواو فەرامۆش بکرێ و سیاسەتی پێشوی فرۆشتنی نەوت بەردەوام بێت ، ئێمە ئەو پەڕی مۆڵەتی مانگێک یا دومانگ بدەینە هەرێم وەگەرنا دەست بە هەنگاوەکانی چاودێری پەرلەمانی بۆ جێبەجێکردنی یاسای موازەنە دەکەین و پەنا دەبەینە بەر دادگا.

ڕوڵی ئێمە خۆ تەنها بە دەرچواندنی یاساکە کۆتایی نایەت و هەموو ڕێگەکانی فشار لە ناو پەرلەمان و حکومەتی عێراقی تا دەگاتە شکات لە دادگای فیدڕاڵی لەبەردەستدان و دەشیانکەین ، بەڵام مەگەر دەکرێ ئێمە لە بەغداد ئەو هەنگاوانە بنێین و حزبەکانمان لە کوردستان هەڵوێستێکی ڕون و ڕاشکاو یا فشارێکیان لەسەر پارتی نەبێت ؟!

ئایا ڕەوایە حکومەتی هەرێم بە ناوی چوار حزبەکەشەوە ڕاگەیەندراومان لە دژ دەربکات و ئەوان هیچ نەڵێن . کورد وتەنی ئاخر ئەمە چەندی بە چەند بانێکە و دو هەوا، ئەو سیاسەتە چیە حەزدەکەین تێبگەین ؟!

ئێستا بێدەنگی ئەو چوار حزبە لەو هەموو فەشەلە ( هەر یەکە و بە گوێرەی حەجم و ڕۆڵی خۆی ) تەنێ قسەی ئێمە و لایەنگر و دەنگدەرانیان نیە ، ئێستا گومان و پرسیاری خەڵکی وەک العبادی و زۆرینەی هەرە زۆری کوتلە و پەرلەمانتارە عێراقیەکانیشەوە و سەریان لەوە سوڕماوە ئێمە کە لە بەغداد وا دەنگمان لێهێناوە و هاواردەکەین بۆچی لە هەرێم بێدەنگیە و خشەیی لێنایەت ؟!

کێشەکە هەر نەوت نیە ، ژیانی خەڵکیشه، کێشەکە هەر ئێستا نیە ئایندە و مستقبلیشە ، ئەرکی هەمومانە بێینه سەر خەت، بەو ئامانجەش وەک نوێنەرێکی خەڵک و پەرلەمانتارێکی گۆڕان ئەو پرسیارانەم ئاراستەی ئەو چوار حزبەکردوە بەهیوام وەڵامی من نا بەڵکو وەڵامی خەڵکی کوردستان و ئازار و نەهامەتی و بێموچەیی و بێهواییان بدەنەوە.

با ئەوەش ڕون بێت هەڵوێستی حزبەکان هەر چیەک بێت ئێمە وەک نوێنەری خەڵکی کوردستان لە بەغداد تا دوا وێستگە لە هەوڵەکانمان بەو ئاراستانەی لەسەرەوە باسمانکردن، بەردەوام ئەبین .

خوا پشتیوانی ئەو گەله بەشمەینەتە بێت.

2749 جار خوێندراوەتەوە
16/01/2017

هەموو وتارەکانی ئەم نوسەرە