داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

كۆمه‌ڵی‌ ئیسلامیی‌ و به‌رژه‌وه‌ندی‌ جه‌ماوه‌ری‌ كوردستان

محه‌مه‌د حه‌كیم

 كۆمه‌ڵی‌ ئیسلامیی‌ و به‌رژه‌وه‌ندی‌ جه‌ماوه‌ری‌ كوردستان

مه‌حه‌ممه‌د حه‌كیم جه‌بار

جه‌ماوه‌ری‌ كوردستان له‌ ئازاری‌ (1991)، بۆ ڕزگاربوون له‌ جه‌ورو سته‌م و بونیاتنانی‌ سیسته‌مێكی‌ حوكمڕانی‌ ته‌ندروست، به‌هاوكاری‌ هێزه‌كانی‌ پێشمه‌رگه‌ی‌ كوردستان ڕاپه‌ڕی‌و هه‌مو تاكێكی‌ كورد ئومێدی‌ گه‌وره‌ی‌ به‌ ئاینده‌ی‌ كوردستان ده‌خواست، ئومێدی‌ گه‌وره‌یان ئه‌وه‌بوو كه‌ حیزب و لایه‌نه‌ سیاسیه‌كانی‌ هه‌رێم له‌به‌ره‌ی‌ جه‌ماوه‌ربن و هه‌وڵ و كۆششیان بۆ به‌رژه‌وه‌ندی‌ جه‌ماوه‌ری‌ كوردستان بێت، كۆمه‌ڵی‌ ئیسلامیی‌ كوردستان، كه‌ له‌ ڕێی به‌شداری كارای سه‌ركرده‌ و ئه‌ندام و پێشمه‌رگه‌ دێرین و دلێره‌كانیه‌وه‌  خاوه‌نی خه‌رمانێك له‌ خه‌بات و قوربانیدانه‌ و شانبه‌شانی‌ هێزه‌كانی‌ كوردستان رۆڵی دیار و كاریگه‌ی هه‌بووه‌ له‌ ڕاپه‌ڕینه‌ مه‌زن و شكۆداره‌كه‌ماندا، به‌رده‌وام بیری‌ لای‌ به‌رژه‌وه‌ندی‌ گشتیی‌ خه‌ڵكی‌ كوردستان بووه‌و زۆرجار له‌نێوان به‌رژه‌وه‌ندی‌ خۆیی‌ و به‌رژه‌وه‌ندی‌ گشتییدا، به‌رژه‌وه‌ندیه‌ گشتییه‌كه‌ی‌ هه‌ڵبژاردووه‌، له‌ڕۆژی‌ ڕاگه‌یاندنی‌ (كۆمه‌ڵ)یشه‌وه‌ چه‌ند وێستگه‌یه‌كی‌ گرنگ شاهیدی‌ ئه‌و سیاسه‌ته‌ی‌ كۆمه‌ڵی‌ ئیسلامیین، هه‌ر له‌سه‌ره‌تاوه‌ سه‌ركردایه‌تی‌ كۆمه‌ڵی‌ ئیسلامیی‌ به‌رژه‌وه‌ندی‌ خه‌ڵكی‌ كوردستانی‌ كرده‌ میحوه‌رو سه‌نته‌ری‌ كاركردنی‌، جه‌ماوه‌ری ناوچه‌ی‌ شاره‌زوورو خورماڵ شاهیدی‌ هه‌ڵوێسته‌كانی‌ كۆمه‌ڵن له‌ ڕووداوه‌كانی‌ سیروان و خورماڵ، پاشان شه‌هیدكردنی‌ به‌ناحه‌قی‌ (مامۆستا عه‌بدوڵلاَی‌ قه‌سرێ‌ و هاوه‌لاَنی‌)، كه‌ چاوه‌ڕوانیه‌كانی خه‌ڵكانێك له‌نێو كوردستاندا وابوون كه‌ (كۆمه‌ڵ‌)ی خاوه‌ن هه‌زاره‌ها چه‌كدار ده‌چێته‌ پاڵ شه‌ڕی‌ ئه‌نصار دژی‌ یه‌كێتی‌ و به‌وه‌ش پانتایی‌ شه‌ڕه‌كه‌ گه‌وره‌تر ده‌بوو، به‌ڵام سه‌ركردایه‌تی‌ كۆمه‌ڵ به‌رژه‌وه‌ندی‌ گشتی‌ به‌سه‌ر عاتیفه‌و به‌رژه‌وه‌ندی‌ حیزبیدا زاڵكرد، به‌مه‌ش به‌شێكی‌ زۆری‌ جه‌ماوه‌ری‌ كوردستانی‌ له‌مه‌ترسی‌ و دڵه‌ڕاوكێ‌ پاراست، هه‌روه‌ها بڕیاری‌ چۆڵكردنی‌ ناوچه‌ی‌ خورماڵ و شاره‌زوور له‌پاش تۆپبارانكردنی‌ ئه‌و ناوچانه‌، بۆ ئه‌وه‌بوو كه‌ زیانی‌ زیاتر به‌ دانیشتوانی‌ شارو دێهاتی‌ ئه‌و ناوچه‌یه‌ نه‌كه‌وێت، كه‌ له‌ئه‌نجامدا ئه‌و بڕیاره‌ قورسه‌ی‌ دا، پاش ڕووخانی‌ ڕژێمی‌ دیكتارتۆری‌ به‌غداش كۆمه‌ڵی‌ ئیسلامیی‌ بڕیاریدا كه‌ وه‌ك هێزێكی‌ سیاسی له‌ناو شاره‌كانی‌ كوردستان درێژه‌ به‌ خه‌باتی‌ بدات، وێڕای‌ ده‌ستگیركردنی‌ (جه‌نابی‌ ئه‌میرو هاوه‌لاَنی‌) بڕیاری‌ درێژه‌دانی‌ به‌و سیاسه‌ته‌ حه‌كیمانه‌یه‌ له‌ به‌رژه‌وه‌ندی‌ خه‌ڵكی‌ كوردستان بوو، له‌جیاتی‌ سیاسه‌تی‌ تۆڵه‌سه‌ندنه‌وه‌و دژایه‌تی‌ داگیركه‌ر به‌رده‌وامیی‌ به‌و سیاسه‌ته‌ی‌ دا وه‌ك حیزبێكی‌ سیاسی و، هه‌رێمی‌ كوردستانی‌ له‌ دۆخێكی‌ مه‌ترسیدار پاراست، كه‌ هۆكاری‌ به‌رقه‌راركردنی‌ ئه‌منیه‌تی‌ خه‌ڵكی‌ كوردستان بوو، هه‌روه‌ها ڕێگای‌ مه‌ده‌نی‌ و جه‌ماوه‌ریی‌ گرته‌به‌ر بۆ ده‌ربڕینی‌ ناڕه‌زایه‌تی‌ له‌ ده‌ستگیركردنی‌ ئه‌میری‌ كۆمه‌ڵ و هاوه‌ڵانی‌، دیاره‌ جه‌ماوه‌ریش پاداشتی‌ دایه‌وه‌ به‌ به‌شداریكردنی‌ به‌رچاوی‌ هاوڵاتیانی‌ سلێمانی‌ و هه‌ولێر له‌ ڕێپێوانی‌ پشتیوانیی‌ بۆ ئازادكردنیان، له‌ یه‌كه‌م هه‌ڵبژاردنی‌ عێراق و كوردستاندا كۆمه‌ڵ وه‌ك تاكه‌ لایه‌نێك له‌ده‌ره‌وه‌ی‌ لیستی‌ هاوپه‌یمانی‌ كوردستان توانی‌ (2)كورسی‌ له‌ به‌غداد به‌ده‌ست بهێنێت، سه‌ركردایه‌تی‌ كۆمه‌ڵ بڕیاریدا كه‌ كورد خاوه‌نی‌ (77) كورسیه‌ له‌ به‌غداد نه‌ك (75)كورسی‌، ئه‌م هه‌ڵوێسته‌ش ته‌نها بۆ به‌رژه‌وه‌ندی‌ خه‌ڵكی‌ كوردستان و به‌رزكردنه‌وه‌ی‌ ده‌نگی‌ كورد بوو، كۆمه‌ڵ له‌م سیاسه‌ته‌ی‌ به‌رده‌وام بوو، له‌كوردستانیش هه‌ڵوێستی‌ كۆمه‌ڵ له‌پاڵ سێ‌ لایه‌نه‌كه‌ی‌ تر (سۆشیالیست و زه‌حمه‌تكێشان و یه‌كگرتوو) كه‌ پێیان ده‌وترا چوار حیزبه‌كه‌، بۆ پشتگیری‌ له‌ ده‌نگی‌ خه‌ڵك و پێش په‌یدابوونی‌ ئۆپۆزسیۆنی‌ په‌رله‌مانی‌، كۆمه‌ڵ‌ و ئه‌و سێ‌ لایه‌نه‌ی‌ تر بوون كه‌ له‌به‌ره‌ی‌ خه‌ڵكیدا بوون بۆ داكۆكیی له‌ شه‌فافیه‌ت و دژایه‌تیكردنی‌ گه‌نده‌ڵی‌، چوار ساڵی‌ خولی‌ دووه‌م كه‌ له‌ كابینه‌ی‌ حكومه‌تیشدا به‌شداربووین به‌ڵام له‌ په‌رله‌مانی‌ كوردستان به‌ شاهیدی‌ فراكسیۆنه‌كان داكۆكیكار بووین له‌ به‌رژه‌وه‌ندی‌ خه‌ڵكی‌ له‌سه‌ر حسابی‌ به‌شداریمان له‌حكومه‌ت، له‌ ناهه‌قی‌‌و دژایه‌تیكردنی‌ گه‌نده‌ڵی‌ بێده‌نگ نه‌بووین و چوارساڵی‌ خولی‌ سێیه‌میش وه‌كو ئۆپۆزسیۆن هه‌م له‌ په‌رله‌مان و هه‌م له‌ پارێزگاكان له‌ شه‌قام‌و له‌ ڕاگه‌یاندن له‌به‌ره‌ی‌ خه‌ڵكی‌ مه‌زڵومدا بووین، ئێستاش هه‌موو كوردستان ده‌زانن كه‌ كۆمه‌ڵ هه‌ڵوێستی‌ له‌م ڕووداوانه‌ی‌ ئه‌م دواییه‌دا ته‌نها له‌به‌ر خه‌ڵكی‌ كوردستانه‌و گێڕانه‌وه‌ی‌ هه‌یبه‌تی‌ دامه‌زراوه‌كانه‌ به‌تایبه‌ت په‌رله‌مانی‌ كوردستان، كه‌ هیچ به‌رژه‌وه‌ندی‌ حیزبیی‌ تێدا نیه‌ بۆی‌ و ئاماده‌یه‌ هه‌موو قوربانیه‌ك بدات بۆئه‌وه‌ی‌ خه‌ونی‌ گه‌له‌كه‌مان له‌ سه‌ربه‌خۆیی‌ ‌و شه‌فافیه‌ت و نه‌هێشتنی‌ گه‌نده‌ڵی‌ و به‌دیهێنانی‌ دادگه‌ری‌ كۆمه‌ڵایه‌تی‌ و سه‌روه‌ریی‌ یاساو به‌ دامه‌زراوه‌كردنی‌ دامه‌زراوه‌كان بهێنێته‌ دی‌ به‌ پشتیوانی‌ خودا.



1520 جار خوێندراوەتەوە
05/03/2016

هەموو وتارەکانی ئەم نوسەرە