Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

مه‌جید ساڵح



پێم وایە زۆربەی هەرە زۆرتان ئەو ڤیدۆیەتان بینیوە کە کاک نەوشیروان بەر لە هەڵبژاردنەکانی١٩٩٢ سەردانی مامۆستا عوسمان عەبدولعەزیز دەکات لە بارەگاکەی خۆی. بەڵام پێم وایە کەم کەسێک بە وردی گوێی بۆ دوا قسەکانی گرتووە کە تێدا هانای بۆ ئیسلامیەکان بردوە کە پشتیوانی بکەن لە دوو  پرۆژەی زۆ گرنگ, لەوانە یەکخستنی پێشمەرگە و هەڵبژاردن ئەو دەڵێت:

(جا ئیتر من پێم باشە ئێوە، بە راستی زۆر زۆر تاکید لەسەر ئەوە بکەن کە حزبەکان ئیجبار بکەن پێشمەرگە یەک بخەن، هێزی پێشمەرگە تەوحید بێ، وە بکرێ بە جەیشێ بۆ هەمو کورد، دیفاعی لە حدودی کورستان پێ بکرێ. زۆر تاکید لە سەر ئەوە بکەن کە هەڵبژاردن زۆر زۆر زەروری‌یە، چونکە خوا نە خواستە هەڵبژاردن نەکرێ، ئەبێ بە حەرب و.....) 

پرسیارەکە ئەوەیە بۆ کک نەوشیروان هێندە جەخت لەو دوو پرۆژەیە دەکاتەوە, بۆ ئەو داوایە لە ئیسلامیەکان دەکات..؟!

یەکخستنی هیزی پێشمەرگەی کوردستان هەمیشە بەلای کاک نەوشیروانەوە پرۆژەیەکی ستراتیژی خەباتی نەتەوەیی بووە, چی پێش راپەڕین و چی دوای راپەڕین و تەنانەت دوای دروستکردنی بزوتنەوەی گۆڕانیش.. کاتێک وەزارەتی پێشمەرگەی وەرگرد چەندین پرۆژی نوسراوی دا بە خودی کاک مەسعود, لەوانە پرۆژەی یاسای تەجنیدی ئیجباری.. لە دانشتنێکیش لە گەڵ سالح موسلم زور باسی یەک سوپایی کرد و وتی: ئەزمونی ئێمە زۆر تاڵە لە فرە هیزیدا, ئەوەندەی شەڕی یەکمان کردوە و یەکمان سەرقاڵ کردوە, گەر یەک هێزمان هەبوایە شۆرشی کوردستان شتێکی دیکە دەبوو.. بۆیە تا پێتان دەکرێت رێگە بە هێزی دیکە مەدەن..

مەسەلەی هەڵبـژاردنیش دوای راپەڕین, کە پرۆژەی کاک نەوشیروان بوو, تەنها بو پیشاندانی حەجم و قەبارەی هێزەکان نەبوو, وەک هەندی سیاسەتمەداری دیکە دەیانویست, بەڵکو دەیویست روخسارێکی دیموکراسیانە و مەدەنیانە بدات بە دۆست و دوژمنی کوردستان, بۆیە بە هەموو توانایەکەوە کاری بۆ سەرخستنی دەکرد...

بەڵام بۆ ئەم داوایە لە رابەری بزوتنەوەی ئیسلامی دەکات؟ لە سادەترین وەڵامدا دەکرێت بڵێن لەبەر ئەوەی لەو سەردەمەدا بەشی زۆری هاوڕێکانی شاخ و حزبەکەی خۆی و هاوپەیمانەکانی لە بەرەی کوردستانی, سەرقاڵی راورووت و ئاودیوکردنی ژێرخان وسەرخانی کوردستان بوون.. تەنها بزوتنەوەی ئیسلامی نەبێت کە لەو کاتەدا سەرقاڵی سیاسەت و کارکردن بوو لە ناو خەڵکدا.. بەو پێیەی کاک نەوشیروانیش کەسێک نەبوو ئەسیری ئایدۆلۆژیا بێت و هەمیشە بەدوای کەسانی پاک و خاوەن دیسپلینی ئەخلاقی و نەزاهەتدا دەگەڕا, بۆیە بۆ پشتیوانی کردن لە پرۆژەکەی, بە بێ سازشکردن لە بەها سیاسی و ئەخلاقیەکانی خۆی, پشت لە هاوڕێکانی خۆی دەکات کە کەسیان نەهاتن بە دەنگەیەوە و مەستی ئاودیوکردنی کوردستان بوون. بۆیە روو لەو کەسانە دەکات کە خاوەن بەهاو و پرەنسیپی ئەخلاقین..

ئەم ئەزموونە لە دوای دامەزراندنی بزوتنەوەی گۆڕانیش دووبارە بویەوە کاتێک لە گەڵ کۆمەڵی ئیسلامی و یەکگرتووی ئیسلامی کوردستاندا لە رێگەی پاکێجە چاکسازییەکانەوە لە پەرلەمان, ئۆپۆزسیۆنێکی بەهێزی پێکهێنا... لەم هاوپەیمانیەشدا دیسانەوە دژێ تالانچیەکانی دوێنێ شوفڵ  گرێدەر و.... و ئەمڕۆی نەوت و غاز وەستایەوە, بەڵام ئەمجارەش بێ ئەوەی سازش لەسەر باوەڕەکانی خۆی بکات..

جارێک هاوڕێیەک لێی پرسی کەس نەما لەگەڵ ئیسلامیەکاندا نەبێ هاوپەیمانی ببەستی.. ئەوانە کار بۆ دەوڵەتی خەلافەت دەکەن و تۆ بۆ دەوڵەتی یاسا و مەدەنی.

 ئەویش پێکەنی و وتی:
- تۆ پاکێجە هاوبەشەکانی ئێمەت خویندوەتەوە لە گەڵ ئیسلامیەکاندا؟ 
هاورێکەش وتی: بەڵێ!
کاکەش وتی: لەکامیاندا باسی شەریعەت و دەوڵەتی خەلافەت و پرەنیسپە ئیسلامیەکانمان کردوە, هەمووی باس لە چاک سازی و دیموکراسی و کۆمەڵی مەدەنی و ئەخلاقی سیاسی و نیشتمان پەروەری دەکات..

کاک نەوشیروان بەدرێژایی تەمەنی دژی ئیسلام و ئیسلامیەکان نەبووە. ئەو هەمیشە بەها ئەخلاقی و ئینسانیەکانی ئاینیەکانی نەک لا پەسەند بوو, بەڵکو کاری بۆ دەکردن, بەڵام بێ سازش کردن بۆ پرەنسیپە فکریەکانی خۆی.. پێی وابوو لەم وڵاتەدا کە یاسا کاری پێ ناکرێت, بەها ئەخلاقیەکانی ئیسلام ریگریەکی باشە بۆ مرۆڤەکان کە کاری نا ئینسانی نەکەن...

2839 جار خوێندراوەتەوە
06/06/2017

هەموو وتارەکانی ئەم نوسەرە