Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

دانا دارا


لەخوارەوە بەچەند ئاماژەیەکی خێرا لەسەر پرسی ڕاپرسیەکەی ئەم دواییەی هەرێمی کوردستان لەڕووی یاساییەوە دەخەمە ڕوو:
1-پرسی راپرسی بۆ (جیابونەوە) لەعێراق وەک ووڵاتێکی فیدڕاڵ لە دەستوری هەمیشەیی عێراق ساڵی 2005 هیچ باس نەکراوە، بەڵکو تەنها لە دیباجەی دەستورەکەدا تەنها ئەم دەستەواژەیە هاتووە کەبریتی یە لە ( نحن شعب العراق الژی الی علی نفسه بکل مکوناته واگیافه ان یقرر بحریته واختیاره الاتحاد بنفسه ).

-2راپرسی وەک مافێک جێگیر کراوە لە پڕۆژە دەستوری هەرێمی کوردستان لەساڵی 2009 بەم شێوەیە: (لشعب کوردستان العراق الحق فی تقریر مصیره بنفسه گالما التزم باالنڤام الاتحادی الدیموقراگی....).

3-یاسای هەڵبژاردنی پەرلەمانی کوردستان ژمارە 1ی ساڵی 1992 هەموارکراو لەمادەی56 بڕگە 2 داهاتووە وەک دەسەڵاتی ئەم دامەزراوەیە : (بڕیاردان و یەکلاکردنەوەی کێشە چارەنوسسازەکانی گەلی کوردستان عێراق و دیاردیکردنی پێوەندی یاسایی لەگەڵ دەستەڵاتی ناوەندی( مەرکەزی). 

4-راپرسی لەیاسای کۆمسیۆنی سەرخۆیی هەڵبژاردن و ڕاپرسی هەرێمی کوردستان ژمارە4 ی ساڵی 2014 هەروەک لەمادەی 4 بڕگەی یەکەم دا هاتووە: (دانانی بنەماو ڕێسای کار پێکراوی نێو دەوڵەتی بۆ هەڵبژاردنەکان و ڕاپرسیە گشتیەکان کەلەسەر تاسەری کوردستان _عێراق دا ئەنجام دەدرێت).

5-لەیاسای سەرۆکایەتی هەرێم ژمارە 1ی ساڵی 2005ی هەموارکراو هیچ یەکێک لە14 دەسەڵاتەکەی سەرۆکی هەرێم ئاماژە نەکراوە بەوەی سەرۆک دەتوانێت مەڕسوم یاخود ئیعلان یاخود تەکلیف بەم پڕۆسەیە بکات.

6-هیچ دەقێک لە یاسای ئەنجومەنی وەزیرانی هەرێمی کوردستان ژمارە3ی 1992 ی هەموارکراودا نەهاتوە کەنیشان بدات دەستەڵاتی جێبەجێ کردن دەتوانێت ئەم مافە پیادە بکات.

7- گەورەترین بەڵگە نامەی یاسایی کەلە غیابی نەبونی دەستورێکی سەر بەخۆ بۆ هەرێمی کوردستان نیشانی بدات کەپێویستە ئەم بڕیارە لە پەرلەمانی کوردستانەوە بدرێت بریتی یە لەبڕیاری ژمارە1ی ساڵی 2005 کەتێیدا هاتووە: 

مادەی یەکەم: -پەرلەمان تاکە مەرجەعی یاسایی و دەستوریە بۆ بڕیاردان لەسەر پرسە چارەنوس سازەکانی گەلی کوردستان.

8-ئەم پرسە لەپەرلەمان بەیاسا ڕیکبخرێت یاخود دەستەڵاتێک لە دەستەڵاتەکانی دیکە ئەنجامی بدات هەرپرسێکی یاساییە وەگەرەنتی یاسای پێویستە، تەنانەت تاکە فراکسیۆنی پەرلەمانی کەفرکسیۆنی زەردە پڕۆژە یاسایەکیان بۆ ڕاپرسی لەهەرێمی کوردستان دا پێشکەشی پەرلەمان کردووە لەمانگی 9ی 2015.

9- پڕۆسەکە زۆر ناڕونە ،پەلەیی و نازانستی زۆری پێوە دیارە ، یەکریزی و ناوخۆیی تێدانیە، بێ متتمانەیەکی جەماوەری لەئێستادا هەیە.

10-ئەم پرسە ئەنجامانەکەی(اجرائی و تنفیزیە)بەڵام تەواوی ووردەکاری پڕوسەکە پێویستی بەیاساو ڕێنمایی زۆر هەیە هەروەها شارەزاییەکی باشی یاسای نێو دەوڵەتی پێویستە.

-11دەستەواژەی یاسایی دروست بۆدۆخی هەرێمی کوردستان بۆ یەکلاکردنەوەی چارەنوسی بریتی یە لە(جیابونەوە-انفێال) نەک سەربەخۆیی یان هەر دەستەواژیەکی دیکە.

12-نەتەوە یەکگرتوەکان لە پڕۆتۆکۆلەکانی خۆیدا ڕەوایەتی و ئیعترافی بەستۆتەوە بە ڕەزامەندی دەوڵەتی مەرکەزەوە ،هەربۆیە پێویستە هەرێم لەگەڵ ناوەندا ئەم پرسە یەکلای بکاتەوە پێش هەر ووڵاتێکی دیکە.

13-دۆخی کوردستان ڕێک لەهەرێمی کۆسۆڤۆ دەچێ کە بۆجیابونەوەی خۆی ڕاپرسی ئەنجام دا لەکاتێکدا ووڵاتی ێڕبیا رەزامەند نەبو وەپاشان کۆسۆڤۆ پرسەکەی بردە دادگای لاهای نێو دەوڵەتی.

14-سەرجەم هەرێمەکان کەپیادەی مافی چارەنوسیان کردووە بەشێوەی ڕاپرسی بەیاسا ڕێکخراون کەدیارترینیان بریتین لە( باشوری سودان، تەیموری خۆرهەڵات، هەرێمی کەتەلۆنیا لەئیسپانیا، هەرێمی کیوبیک لە کەندەدا هەروەها سکۆتلەندا لەبەریتانیا).

15-بەهیچ شێوەیەک هیچ دەقێکی یاساییمان نیە کە ماف بدات بە حزبی سیاسی لەدەرەوەی مەرجەعی ڕەسمی پڕۆسەیەکی وەها گرنگ ئەنجام بدات،ئەمە ولەکاتێکدا ڕون نیە ئایا ڕاپرسیەکەی هەرێمی کوردستان چۆن و بەکێ ئەنجام دەدرێت، پارتی و یەکێتی بەنیازن پڕۆسەکە بەکۆمسیۆنی سەربەخۆی هەڵبژاردنی عێراق بسپێرن وەئەگەر ئەویش نەیتوانی ئەوا بەکۆمسیۆنی کوردستانی بسپێرن کەتەنها سەرۆکەکەی لەهەردوو ڕۆژنامەی( باس، ووشە) دا ڕایگەیاندووە کەدەتوانن ئەم سالڕ پڕۆسەکە ئەنجام بدەن،بەڵام ئەم زانیاریە بەهیچ شێوەیەک لەزاری ووتە بێژەکەیەوە ڕانەگەیەنراوە.

2242 جار خوێندراوەتەوە
10/06/2017

هەموو وتارەکانی ئەم نوسەرە