داخستن
بەرنامە کاتی پەخش دووبارە
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 3:17
نیوه‌ڕۆ 12:17
عه‌سر 4:05
ئێواره‌ 7:29
خه‌وتنان 8:44

په‌یوه‌ندیی نێوان بانگه‌وازو سیاسه‌ت

مامۆستا عه‌لی‌ باپیر

‌په‌یوه‌ندیی نێوان بانگه‌وازو سیاسه‌ت
الحمدلله والصلاه‌ والسلام علی‌ رسول الله محمد وێ‌له المهتدین بهداه، من الصحب واڵ‌زواج والقرابه‌ والتابعین لهم بإحسان الی‌ یوم اللقا‌و.
له‌باره‌ی (بانگه‌واز‌و سیاسه‌ت)‌و پێكه‌وه‌ بوون، یان له‌یه‌ك جیابوونیانه‌وه‌، به‌كورتیی‌و پوختیی ده‌ڵێم:
یه‌كه‌م: 
جوانیی‌و ڕه‌ونه‌قی ئایین‌و به‌رنامه‌ی كۆتایی خوا بۆبه‌شه‌ر، له‌گشتگیریی‌و هاوسه‌نگییه‌كه‌یدایه‌، وه‌ك خوا فه‌رموویه‌تی: (الْێوْمَ أَكْمَلْتُ ڵكُمْ دِینَكُمْ....) المائده‌ -3-، واته‌: ئێستاكه‌ "حه‌جی ماڵئاوایی له‌ساڵی ده‌یه‌می كۆچییدا" به‌رنامه‌كه‌تانم بۆ ته‌واو كردن... هه‌روه‌ها فه‌رموویه‌تی: (إِنَّ هَژَا الْقُرْێ‌نَ ێهْدِی لِلَّتِی هِێ أَقْوَمُ...) الإسرا‌و -9-، واته‌: بێگومان ئه‌م قوڕئانه‌ به‌ره‌و ڕاستترین‌و چاكترین حاڵه‌ت (له‌هه‌موو بواره‌كاندا) ڕێنمایی خه‌ڵكی ده‌كات.... بۆیه‌ هه‌میشه‌ ده‌بێ‌ جه‌خت له‌سه‌ر ئه‌و ڕاستییه‌ بكرێته‌وه‌‌و، به‌هیچ بیانوویه‌كه‌وه‌، ئیسلام به‌پێچه‌وانه‌ی سرووشتی گشتگیرو هاوسه‌نگانه‌ی خۆیه‌وه‌ نه‌خرێته‌ ڕوو.
دووه‌م:
خوای كارزان هۆشداریی داوه‌ته‌ مسوڵمانان‌و ئاگاداری كردوونه‌وه‌، كه‌ گیرۆده‌ی ده‌ردی كوشنده‌ی به‌ش به‌ش كردنی ئایین نه‌بن، چونكه‌ ئه‌وه‌ حاڵه‌تی كافره‌ هاوبه‌شدانه‌ره‌كانه‌ وه‌ك خوای به‌رزو مه‌زن فه‌رموویه‌تی: (وَڵا تَكُونُوا مِنَ الْمُشْڕكِینَ ، مِنَ الَّژِینَ فَرَّقُوا دِینَهُمْ وَكَانُوا شِێعًا كُلُّ حِزْبٍ بِمَا ڵدَیْهِمْ فَڕحُونَ) الروم -31و32-، واته‌: وه‌ له‌هاوبه‌شدانه‌ره‌كان مه‌بن، ئه‌وانه‌ی ئایینه‌كه‌یانیان به‌ش به‌شكرد‌و، بوونه‌ ده‌سته‌ ده‌سته‌، هه‌ر كۆمه‌ڵه‌ دڵخۆشه‌ به‌وه‌ كه‌ خۆی له‌لایه‌تی...
سێیه‌م:
هه‌روه‌ها خوای زاناو شاره‌زا به‌ پێغه‌مبه‌ره‌كه‌ی خۆی صلی الله علیه‌ وسلم ڕاگه‌یاندوه‌ كه‌ ئه‌وانه‌ی ئایینه‌كه‌یان "كه‌ ئیسلامه‌" پارچه‌پارچه‌ ده‌كه‌ن‌و، سه‌ره‌نجام ده‌بنه‌ ده‌سته‌‌و تاقمی جیاجیاو جۆراوجۆر، هیچ په‌یوه‌ندییان به‌پێغه‌مبه‌ره‌وه‌ نامێنێ‌: ( إِنَّ الَّژِینَ فَرَّقُوا دِینَهُمْ وَكَانُوا شِێعًا ڵسْتَ مِنْهُمْ فِی شَیْ‌وٍ ...) اڵ‌نعام -159-، واته‌: بێگومان ئه‌وانه‌ی ئایینه‌كه‌یانیان پارچه‌پارچه‌ كردو په‌رته‌وازه‌ بوون، تۆ هیچ په‌یوه‌ندییت پێیانه‌وه‌ نیه‌...
چواره‌م:
كارو پڕۆژه‌ی ئیسلامیی زۆر له‌وه‌ فراوانتره‌ كه‌ له‌دوو موفڕه‌ده‌ی: بانگه‌واز‌و سیاسه‌ت (الدعوه‌ والسیاسه‌)دا كورت هه‌ڵبێ‌، چونكه‌ هه‌ركام له‌: فێركردن، په‌روه‌رده‌، فه‌رمانكردن به‌په‌سندو، ڕێگریی كردن له‌ ناپه‌سند، ڕاگه‌یاندن، هه‌قگوتن له‌به‌رانبه‌ر ده‌سته‌ڵاتدارانی سته‌مكاردا، به‌رگریی كردن له‌سته‌ملێكراوان، جه‌نگ‌و فیداكاریی "كه‌ هه‌ركامیان چه‌ندان ئایه‌ت‌و فه‌رمووده‌ی له‌باره‌وه‌ هاتوون" له‌موفڕه‌ده‌ گرنگه‌كانی كارو پڕۆژه‌ی ئیسلامیین!، هه‌ركامیان له‌حاڵا‌و مه‌قامی خۆیدا‌و به‌مه‌رجه‌كانی خۆی‌و، به‌شێوازی گونجاوو شایسته‌ی خۆی.
پێنجه‌م:
به‌ڵام به‌پێی بنچینه‌ی: (ڵا یُكَلِّفُ اللَّهُ نَفْسًا إِلَّا وُسْعَهَا) البقره‌ -286-، واته‌: خوا جگه‌ له‌وه‌ی له‌تواناو بڕستی دایه‌ له‌هیچ كه‌س داواناكات.
كه‌سێك توانه‌یه‌كه‌ی، یان هه‌ل‌و مه‌رجه‌كه‌ی، سنووردار بێ‌‌و، نه‌توانێ‌ له‌هه‌موو ئه‌وبوارو مه‌یدانانه‌دا ئه‌سپی خۆی تاو بدات، ئه‌وه‌ چه‌نده‌ی پێده‌كرێ‌، بابیكات.
وه‌ك هه‌ركام له‌ كۆمه‌ڵی (ته‌بلیغ)و بزووتنه‌وه‌ی (نوور)و زۆرێك له‌ ئه‌هلی ته‌صه‌ووف‌و ته‌وژمی سه‌له‌فیی، وایانكردوه‌.
شه‌شه‌م:
هه‌ڵبه‌ته‌ ئه‌وه‌ی گوتراش، مه‌به‌ست پێی ئه‌وه‌ نیه‌، كه‌ نابێ‌ ئه‌ندامانی لایه‌نێكی ئیسلامیی له‌نێوان خۆیاندا كاروچالاكییه‌كان دابه‌ش بكه‌ن، له‌سه‌ر بناغه‌ی پسپۆریِی‌و شاره‌زایی، وه‌ك خوا فه‌رموویه‌تی: (قُلْ كُلٌّ ێعْمَلُ عَڵی‌ شَاكِڵتِهِ) الإسرا‌و -84-، واته‌ بڵێ‌ هه‌ركه‌س به‌شێوه‌ی خۆی‌و له‌قه‌ده‌ر خۆی كارده‌كات.
هه‌روه‌ها (علی بن أبی گالب) خوا لێی ڕازی بێ‌ جوانی گوتوه‌: (قیمه‌ كلّ امری‌وٍ فیما یُحْسِنُه) واته‌: نرخی هه‌ر مرۆڤێك له‌وه‌دایه‌ كه‌ باشی لێده‌زانێ‌.
حه‌وته‌م:
كاری سیاسیی‌و گۆڕانكاریی سیاسییش له‌كۆمه‌ڵگادا، پێویسته‌ له‌قه‌باره‌ی خۆی زلتر نه‌كرێ‌‌و، كاروپڕۆژه‌ی فراوانی ئیسلامی تێدا كورت هه‌ڵنه‌هێندرێ‌، چونكه‌ سه‌ره‌نجام ئه‌وه‌ موفڕه‌ده‌‌و بواره‌كانی دیكه‌ی كارو چالاكی ئیسلامیین، كه‌ گۆڕانكاریی سیاسییان لێ‌ ده‌كه‌وێته‌وه‌، وه‌ك شوێنه‌واری دنیایی‌و، وه‌ك ئامانجی قیامه‌تیی‌و پاداشتی لای خواش، پاداشت له‌قه‌ده‌ر نیه‌تی باش‌و، چاك ئه‌نجامدانی كاره‌كه‌یه‌.
هه‌شته‌م:
بێگومان ئامانج له‌كۆی كارو پڕۆژه‌ی ئیسلامیی به‌تێكڕای موفڕه‌ده‌كانیه‌وه‌، به‌خته‌وه‌ركردنی خه‌ڵك له‌دنیاداو، سه‌رفرازكردنیانه‌ له‌دواڕۆژدا، به‌هۆی خوا ناسیی‌و خوا په‌رستیی‌و دینداریی كردنی ڕاست‌و دروستیانه‌وه‌، وه‌ك خوا فه‌رموویه‌تی: (ێا أَیُّهَا الَّژِینَ ێ‌مَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَیْرَ ڵعَلَّكُمْ تُفْلِحُونَ) الحج -77-، واته‌: ئه‌ی بڕوا دارینه‌! ڕكووع -بۆخوا- به‌رن‌و، كڕنووش ببه‌ن‌و، په‌روه‌ردگارتان بپه‌رستن‌و، چاكه‌ بكه‌ن، به‌ڵكو سه‌رفرازبن.
نۆیه‌م:
به‌دڵنیایی: تێكڕای موفڕه‌ده‌كانی كارو پڕۆژه‌ی ئیسلامیی، كارلێك (تفاعل)یان له‌گه‌ڵا یه‌كدیدا هه‌یه‌‌و، كاروچالاكی سیاسیی، هه‌ناو‌و هه‌وێنه‌كه‌ی‌و ڕووح‌و جه‌وهه‌ره‌كه‌ی، بریتیه‌ له‌ ئیخڵاص‌و بۆخوا صوڵحان‌و، دڵسۆزیی‌و ڕاستیی له‌گه‌ڵا خوا‌و خه‌ڵكدا، وه‌ك پێغه‌مبه‌ر صلی الله علیه‌ وسلم فه‌رموویه‌تی: (الدین النصیحه‌، قلنا: لمن یا رسول الله؟ قال: لله ولكتابه ولرسوله وڵ‌ئمه‌ المسلمین وعامتهم) رواه‌ مسلم، واته‌: دینداریی بریتیه‌ له‌دڵسۆزیی‌و به‌ته‌نگه‌وه‌بوون، پاشان له‌درێژه‌ی فه‌رمووده‌كه‌دا ڕوونی ده‌كاته‌وه‌ كه‌ دڵسۆزییه‌كه‌ ده‌بێ‌ بۆخوا‌و قوڕئان‌و پێغه‌مبه‌ر‌و به‌رپرسان‌و خه‌ڵك بێ‌ به‌گشتی.
ده‌یه‌م: 
له‌كۆتایی دا ده‌ڵێم:
كارو پڕۆژه‌ی ئیسلامیی كاتێك ڕه‌سه‌ن (أصیل)‌و پڕبه‌پێستی واقع ده‌بێ‌، كه‌ هه‌ڵقوڵاوی قوڕئان‌و سوننه‌ت بێ‌، به‌تێگه‌یشتنی عه‌قڵێكی كراوه‌ی ئازادی، ئازای دوور له‌لاسایی كردنه‌وه‌ی ئه‌ملا‌و لا‌و، كۆپی كردنه‌وه‌ی ئه‌زموونی وڵاتان‌و كۆمه‌ڵگایانه‌ی دیكه‌ی جیاوازه‌وه‌، هه‌ڵبه‌ته‌ پێغه‌مبه‌ری خواش صلی الله علیه‌ وسلم تاكه‌ سه‌رمه‌شق‌و چاوساغی بێ‌ چه‌ندوچوونی مسوڵمانانه‌، له‌هه‌موو بواره‌كانی دیندارییدا، وه‌ك خوا فه‌رموویه‌تی: (ڵقَدْ كَانَ ڵكُمْ فِی رَسُولِ اللَّهِ أُسْوَه‌ٌ حَسَنَه‌ٌ) اڵ‌حزاب -21-، واته‌: به‌دڵنیایی له‌پێغه‌مبه‌ری خوادا باشترین سه‌رمه‌شقتان هه‌یه‌.
ئاشكراشه‌ پێغه‌مبه‌ری خوا‌و چوار خه‌لیفه‌ راشیده‌كانیشی، بانگه‌واز‌و كاری سیاسیی‌و، سه‌رجه‌م موفڕه‌ده‌كانی كارو پڕۆژه‌ی دینداریی‌و ئیسلامییان، پێكه‌وه‌ ئاوێته‌ كردبوون‌و، به‌شێوه‌یه‌كی هاوسه‌نگ‌و ڕێك هه‌ركام له‌به‌شه‌كانی دینداریی یان له‌جێی خۆیدا داده‌ناو به‌كاردێنا، نه‌ك له‌یه‌كیان داببڕن‌و، هه‌ركه‌سه‌ به‌باریكه‌ ڕێیه‌كدا بڕوات‌و سه‌ره‌نجام ببنه‌ چه‌ند كۆمه‌ڵ‌و گرووپێكی جراوجۆری دژ به‌یه‌ك‌و پێكه‌وه‌ ناكۆك!

18 شه‌عبانی 1438 ك
14 مایسی 2017 ز
هه‌ولێر


2241 جار خوێندراوەتەوە
15/06/2017

هەموو وتارەکانی ئەم نوسەرە