داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

ئاتاجی‌ دڵنیایین

عه‌باس محه‌مه‌د


له‌مێژووی‌ سه‌د ساڵه‌ماندا دڵره‌قی‌ و دڕنده‌یی و بێ ره‌شتی‌ و خیانه‌ت نه‌ماوه‌ به‌رامبه‌ر به‌ گه‌لی‌ كورد نه‌كرابێ  ، هه‌ركاتێك خه‌بات و قوربانیدانی‌ ئه‌م گه‌له‌ نزیك بوبێ له‌وه‌ی‌ به‌ر بگرێ تێكیان شكاندوین، هه‌ركاتێك گۆڕانه‌ ناوچه‌یی و نێودوڵه‌تیه‌كان بایان به‌ئاراسته‌ی‌ به‌رژه‌وه‌ندیه‌كانی‌ ئێمه‌ هه‌ڵیكردبێ  بێدوودڵی‌ په‌راوێزیان خستوین .
سه‌یرێكی‌ خێرای‌ ژیانی‌ سیاسی و سه‌ربازی‌ میر و میرنشینه‌كان و په‌یوه‌ندی  دۆستایه‌تی‌ و دژایه‌تیان له‌نێوان خۆیان و هه‌ریه‌كه‌و له‌گه‌ڵ ئه‌وی‌ دیكه‌ و عوسمانی‌ و سه‌فه‌ویه‌كان و هاتن و دنه‌دانی‌ نێردراوه‌كانی‌ به‌ریتانیاو فه‌ره‌نسا  ،له‌وێوه‌ بیگره‌ بۆ له‌شكركێشی‌ هاوپه‌یمانه‌كان له‌ رۆژهه‌ڵاتی‌ ناوه‌راست و دارشتنی‌ سنوری‌ نێو ده‌وڵه‌تی‌ ناوچه‌كه‌و رێكه‌وتنامه‌ی‌ سایكس بیكۆ و لۆزان و به‌ڵێندان به‌شێخ محمودی‌ نه‌مر و دواتر ده‌ستگیركردن و دورخستنه‌وه‌ی‌ بۆ تاراوگه‌ ، دژایه‌تی‌ و شكستپپێهینانی‌ كۆماری‌ كوردستان و له‌پشتوه‌ستانی‌ حكومه‌ته‌ یه‌كله‌دوای یه‌كه‌كانی‌ عیراق بۆ روبه‌ڕوبونه‌وه‌ی‌ شۆرشه‌كانی‌ ئه‌یلولو گوڵان و رێككه‌وتننامه‌ی‌ یازده‌ی‌ ئادار و شۆرشی‌ نوێ و هه‌زاران مه‌ینه‌تی‌ گه‌وره‌ی‌ وه‌ك ئه‌نفال و تعریب و كیمیاییباران و كوشتن و راوه‌دونان و كۆڕه‌وی‌ ملیۆنی‌  و گرانی‌ و برسیه‌تی‌ و شه‌ره‌نه‌گریسه‌كانی‌ ناوخۆ هه‌ر له‌شه‌سته‌كانه‌وه‌ تا دوای‌ راپه‌رین دواهەمینیان كارەساتی شەنگال پێمان ده‌ڵێن ئێمه‌ ئاتاجی‌ دڵنیایین .
پێش هه‌ر كه‌س و لایه‌نێك گومانمان له‌ كۆبونه‌وه‌ی‌ ژوره‌ داخراوه‌كان و وه‌فده‌ حیزبی و تاكه‌كه‌سیه‌كان و كڵۆمدانی‌ په‌رله‌مان و په‌یمانه‌ نهێنیه‌تایبه‌تیه‌كان له‌گه‌ڵ و‌ڵاتانی‌ ناوچه‌كه‌و زلهێزانی‌ نێودوڵه‌تیتان هه‌یه‌ ،ترسمان له‌ وڵاتانی‌ ناوچه‌كه‌یه‌، دژایه‌تی‌ و دۆستایه‌تیان له‌ خواست و نیازیان له‌ ده‌ستتێوه‌ردانیان له‌ پلان و شه‌ره‌نگێزیان ، ترسمان هه‌یه‌ وه‌ك ده‌یان جاری‌ تر  به‌رژوه‌وندیه‌ هه‌میشه‌یه‌كانیان كۆیانكاته‌وه‌و ناوی‌ شارێكی‌ تر بنێن له‌ رێككه‌وتننامه‌یه‌كی‌ نه‌گریس بۆ له‌ناوبردنی‌ خه‌ونه‌كانمان  .
هیشتا كاتیش له‌به‌رژوه‌ندیزلهێه‌كان تێده‌په‌رێ وپێمان ده‌ڵێن كاتی‌ خواسته‌كانی‌ ئێوه‌ نیه‌ ، ئه‌وان به‌به‌رچاوی‌ دونیاوه‌  خوێن و سه‌روه‌ت و سامانی‌ وڵاته‌ خاوه‌ن سه‌روه‌ریه‌كانیش  ده‌مژن چجای‌ ئێمه‌ی‌ بێكه‌س و ده‌س ، شاری‌ ئاوه‌دان وێران ده‌كه‌ن  نه‌ویژدان و نه‌ئه‌خلاق و نه‌ دۆستایه‌تی ده‌زانن ، بۆیه‌ نیگه‌رانین .
ئیتر بێده‌نگی‌ به‌سه‌ ، كێ خۆی‌ به‌خه‌مخۆر و رێبه‌ر و حكومه‌ت و ده‌سه‌ڵات و شۆرشگێڕی‌ ئه‌م خه‌ڵك و هه‌رێمه‌ ده‌زانێ ، بابێته‌ ده‌نگ وبه‌رپرسیاری‌ سه‌ره‌تاو كۆتایی هه‌ڵبگرێ و له‌وه‌ی‌ كه‌ خه‌ریكه‌ رووبدات  له‌وه‌ی‌ كه‌ رابردوو روی‌ داوه‌ له‌ نه‌هامه‌تی‌ و سه‌رگه‌ردانی‌ و شكست و ژێرده‌سته‌یی و نه‌بونی‌ و نه‌داری‌ و گرانی‌ و به‌دبه‌ختی‌ كه‌ دووباره‌ نابێته‌وه‌  دڵنیامان بكاته‌وه‌

918 جار خوێندراوەتەوە
28/07/2017

هەموو وتارەکانی ئەم نوسەرە