داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

دەسەڵات و ڕیفراندۆم و هەڕەشە دەرەکییەکان!

هاوژین عومەر کەریم


ئەگەر بە وردی گوتاری میدیای پارتی دیموکراتی کوردستان سەبارەت بە گرفتەکانی دوای ڕیفراندۆم و دەرکەوتەکانی ئەو پڕۆسەیە لێکبدەینەوە، دوو خاڵی گرنگ زۆر هەست پێدەکەین:

یەکەم: ئەگەری دەستوەردانی سەربازیی بۆ سەر هەرێم لە ئارادایە و ئەگەرێکی چاوەڕوانکراوە، بە تایبەتیش لە لایەن عێراق و تورکیاوە، ڕەنگە ئەم ڕاستییەش سەرانی پارتی و دەسەڵاتدارانی هەرێم دەمێک بێت لە وردەکارییەکانی ئاگادار بن، بەڵام لە خەڵکی و هێزەکانی دیکەشیان شاردۆتەوە.

دووەم: بێئیرادەیی و تەنازولکردنێکی زۆر لە لایەن دەسەڵاتدارانی کوردەوە بەرانبەر عیراق و تورکیا بەدی دەکرێت.. ئەم بەڕێزانە بەر لە ڕاگەیاندنی ئەنجامی ڕیفراندۆمەکە و هەر لە سەرەتای بەکردارییکردنی هەڕەشەکانەوە، کەوتنە تەنازولی گەورە و پەشیمانبوونەوە لەو قسە و بەڵێن و گوتارانەی سێ مانگ زیاترە مێشکی ئێمەیان پێ بردووە و خەریکی موزایەدەکردنن پیێیانەوە.

کاتێک گوتاری بەشێک لە میدیای نزیک لە دەسەڵات گوێبیست دەبیت، تێدەگەیت ئەم دەسەڵاتەی هەرێم چەند دەسەڵاتێکی بوودەڵە، ئەو هەموو تەنازولەی لە دوای ۲۵ی ئەیلوولەوە بۆ تورکیا و عێراق کردوونی، ئەگەر نیوهێندەی ئەوەی بۆ هێزەکانی ناوخۆی هەرێم بکردایە، ئێستا شوێنەواری هیچ قەیرانێکی سیاسی و دارایی و فەرمانڕەوایی لە هەرێم بوونی نەمابوو.

سەیر لەوەدایە، دەسەڵاتدارانی هەرێم لە دوای یەک چارەکە سەدە لە حوکمڕانی، تا ئێستاش ناتوانن خوێندنەوەی دروست بۆ هەڵوێست و سیاسەتەکانی کۆمەڵگەی نێودەوڵەتی و زلهێزان بکەن و لێیان تێبگەن، ئەگەر لێشی تێدەگەن، ئەوە بە پێچەوانەوە بە خەڵکییان ڕاگەیاندووە و خەڵکییان پێ چەواشە کردووە، هەر ئەوەش وای کرد زۆر بە زەقی بکەونە هەڵەی گەورەوە لە بەرانبەر هەڵوێستی ئەو دەوڵەتە زلهێزانە لە بەرانبەر پرسێکی وەکو ڕیفراندۆم.

من لای خۆمەوە هیوادارم هەڕەشە و گوڕەشە و ڕێکارەکانی عێراق و تورکیا و وڵاتانی دیکە بەرانبەر هەرێمی کوردستان بەکۆتا بگەن و خەڵکی بەشمەینەتی هەرێم لێیان زیانمەند نەبن. هەروەک هیواخوازیشم ئەمجارەیان ئەو فاکتەرە بابەتی و ئەو فشارە هەرێمییانە دەرئەنجامی پێچەوانە بۆ دەسەڵاتدارانی کورد بدەن بە دەستەوە و ببنە هۆکاری چارەسەری کێشە ناوخۆییەکان و کۆتاییهاتن بەو قۆرخکاریی و تاکڕەویی و یاساشکێنییەی ساڵانێکی زۆرە لە لایەن گرووپە باڵادەستەکانەوە ئەنجام دەدرێن، چونکە مێژوو سەلماندوویەتی ئەوەندەی دەسەڵاتدارانی کورد گوێ بە داوا و فشاری دەرەکی دەدەن، نیوهێندە ئەرزش بۆ داوا و فشاری هێزەکانی ناوخۆ دانانێن.

570 جار خوێندراوەتەوە
30/09/2017

هەموو وتارەکانی ئەم نوسەرە