داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

كاممان ده‌ستی پێوه‌ بگرین تۆ یان ئێمه‌

لەتیف فاتیح فەرەج


له‌تیف فاتیح فه‌ره‌ج

داوا كردن له‌ خه‌ڵك بۆ ئه‌وه‌ی ده‌ست به‌ كاره‌باوه‌ بگرێت ، ته‌نیا له‌ فه‌رهه‌نگی سیاسیه‌كانی كوردا هه‌یه‌ ، 200 ساڵه‌ كاره‌بای له‌ به‌ریتانیا هه‌یه‌ ، بڕواناكه‌م بۆ یه‌كجار ئه‌و داوایه‌ له‌ خه‌ڵك كرابێت ، كه‌چی هه‌ر جاره‌و به‌رپرسێكی حكومی یان سیاسی ئه‌و داوایه‌ له‌ ئێمه‌ ده‌كه‌ن و گله‌ی ئه‌وه‌شمان لێده‌كه‌ن كه‌ ده‌ستی پێوه‌ ناگرین ، هه‌ڵبه‌ت دیاره‌ ئه‌گه‌ر ده‌ستی پێوه‌ بگرین ، نامانكوژێ‌ چونكه‌ نیه‌ .
ئاخر ده‌ستگرتن به‌ كاره‌باوه‌ به‌ كێ‌ بگوترێ‌ ، به‌ ئه‌نجومه‌نی وه‌زیران و ماڵی سه‌رۆكی حكومه‌ت و مه‌كته‌ب سیاسی و باره‌گاكانی  حزبه‌كه‌ی سه‌رۆكی حكومه‌ت یان خه‌ڵكی قه‌ره‌جاوه‌و ته‌یراوه‌ ,كاره‌با له‌كوێ‌ به‌ فیڕۆ ده‌چێت له‌ ماڵی مه‌سئوله‌كان یان ماڵه‌ هه‌ژاره‌كان .
سه‌ریڕه‌ش و ته‌لاره‌كانی سه‌ریڕه‌ش ده‌ست به‌ كاره‌باوه‌ بگرن ، یان خانوه‌ قوڕه‌كانی گه‌ڕه‌كی بێكه‌سی چه‌مچه‌ماڵ ،كارگه‌و كارخانه‌و مانیفاكتۆره‌ گه‌وره‌كان ، یان ئه‌و دوكانانه‌ی كه‌ شڕو شیتاڵه‌كه‌ی ناویان بای 500 هه‌زار دینار نابێت .
داوای ده‌ستبه‌ كاره‌باوه‌ گرتن بۆ حكومه‌تێك ، كه‌ پێشتر نوێنه‌ره‌كه‌ی ئه‌مه‌ریكای بانگه‌شه‌ی ئه‌وه‌ی ده‌كرد له‌ ئاینده‌دا ئه‌وه‌نده‌ كاره‌بان لێزیاد ده‌بێت ده‌توانین به‌ ده‌ره‌وه‌ی بفرۆشین عه‌یب و كێماسیه‌كی گه‌وره‌یه‌ ، ناكرێ‌ حكومه‌ت داوای ده‌ستگرتن به‌ كاره‌باوه‌ بكات ، له‌ بری ئه‌وه‌ كاره‌بای 24 سه‌عاتی بده‌خه‌ڵك و له‌ به‌رانبه‌ر زۆر خه‌رجكردنی كاره‌بادا پاره‌ی زیاد وه‌ربگره‌.
ئه‌و براده‌ره‌ی داوای ئه‌وه‌ له‌ خه‌ڵك ده‌كات ده‌ستبگرنه‌ كاره‌باوه‌ ، لانی كه‌م ده‌بێت په‌نجه‌وانه‌ی كاره‌بای بۆ هه‌موو ماڵێك دابین بكات ، هه‌رنا هه‌قه‌ ئه‌و راستیه‌ بزانێ‌ كه‌ میله‌ت 26 ساڵه‌ ده‌ست ده‌گرێت به‌ كاره‌باوه‌ ، به‌ نه‌وته‌وه‌ ، به‌ خواردنه‌وه‌ ، ئیتر به‌س نه‌بێت ، دوای 26 ساڵ ئێستا ئه‌و كاره‌بایه‌ی ناویان ناوه‌ نیشتمانی كاتژمێر 12ی شه‌و دێت و كاتژمێر 7ی به‌ یانی به‌ په‌له‌ ده‌ڕواته‌وه‌ ، ئه‌مه‌ زیاتر له‌وه‌ی له‌ كاره‌با بچێت له‌ نیگابان و ئیشكگری شه‌وان ده‌چێت ، ئه‌مه‌ چ لۆژیكێكه‌ ته‌نیا له‌ كاتی خه‌ودا كاره‌بای نیشتمانی هه‌بێت.
ئه‌رێ‌ بیرتانه‌ براده‌رێك وتی ئه‌گه‌ر ساڵی داهاتوو كاره‌با چاك نه‌بوو ، یه‌خه‌ی من بگرن ، ئه‌وه‌ چه‌ندین ساڵ تێپه‌ڕی و كاره‌با خراپتره‌ ، پێی بڵێن با یه‌خه‌ی خۆی نه‌داته‌ ده‌ستمانه‌وه‌ ده‌ست له‌ یه‌خه‌مان كاته‌وه‌ ، جگه‌ له‌و براده‌ره‌ خه‌می كا ئاشتی هه‌ورامیشمه‌ تۆ بڵێی له‌و له‌نده‌نه‌ كاره‌بای هه‌بێت .

327 جار خوێندراوەتەوە
29/11/2017

هەموو وتارەکانی ئەم نوسەرە