Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

هێمن عه‌بدولقادر


بایی دەدوانزە دەفتەر دۆلار بینا و خانوو ئەکات بە ئاسمانا وەلێ ناتوانێت سەد دۆلار بدات بە کرێکارێک نە هێڵێت لم و چە و چیمەنتۆ و گەچ بچێتە بەردەرگای ماڵە هاوسێکەی، هێلکە هەشت دانەی بە هەزارە، کەچی دوو مریشک و کەڵەشێرێکی راگرتووە بە مانگ لە هێلکە ئەچنەوە تەنها و تەنها خزمەتێک کە پێشکەشی خاوەنەکەی ئەکەن بریتیە لە تووڕەیی و عەزێتدانی دراوسێکانی، مناڵەکانی ئەگاتە تەمەنی باڵغ بوون، سوڕی مانگانە، ژورێک نیە خۆیانی تیا بگۆڕن، ژورێکیان نیە خۆیانی تیا بەتاڵ بکەنەوە. کەچی قاتی سەرەوەی کردووە بە کولانەی کۆتر سەد نەوع کۆتری تیا ڕاگرتووە و  قاتی خوارەوەشی کردووە بە گەراجی دفن و ژێر زەمین داوێتی بە کرێ.

لە ژوورەوە خەریکی پلەیستەیشن و حەڵقەیە کەچی سەیارەکەی لە بەردەرگای خەڵکا ڕاگرتووە، 

خوای گەورە ئەفەرموێ (وجعلنا الیل لباسا) ئێمە شەومان گێڕاوە بە بەرگێکی ئارام بۆتان تا لە ماندوێتی و هیلاکی ڕۆژ بحەوێنەوە، وادەی زیندەگاه و عەشق و قەڵای مێردان و بیرکردنەوە و تێڕامانە شەو.

(وجعلنا نومکم سباتا) ئێمە خەومان گێڕاوە بە سکوت و بێ دەنگی بە ڕاحەت و ئارامی،

بە نزیکەیی هەموو ئاژەڵەکانی سروشتیش کە دنیا تاریک بوو بە بێ دەنگی ئەچنەوە ناو کولانە و هێلانەکانی خۆیان، ئەو ئاژەڵە کەم و تاک و تەرایەنەشی کە بە شەو دێنە دەرەوە لانی کەم بە ڕۆژ ئارامی و بێ دەنگیەک ئەدەن بە دراوسێکانیان ، 

بەڵام ئێمە وانین لە سەعات هەشتی بەیانی دەرگای کولانە و دەرگای حەوشە بۆ مناڵەکانمان ئەکەینەوە هەتا شەو مناڵ بەرەڵای کۆڵان ئەکەین، ئیتر بەلامانەوە گرنگ نیە خەڵک ئیزعاج ئەکەن، سەیارە لێیان ئەدات، ئیستیغلال ئەکرێن، توشی هەڵە ئەبن، نەخۆش ئەکەون، تەنگ بە ئیسراحەتی دراوسێ هەڵئەگرن هیچ کێشەیەک نیە، ئێوارەش کە دنیا تاریک بوو، ئیتر یەکێک گوێز ئەشکێنێت، یەکێک کونجی و خورما ئەکوتێ، یەکێک ئێڵتی ئەیات لە دیوار، یەکێک بزمار دا ئەکوتێ، یەکێک قەنەفە دا ئەگرێت، کاتێکیش لێیان بپرسە بە شەو بۆ ئەم کارانە ئەکەی؟ لە وەڵامدا ئەڵێن بەڕۆژ دەواممان هەیە، یان مەجالمان نیە، یان کارمان هەیە، خەڵکی ئامادە نیە تەنها یەک ڕۆژ لە مافی خۆی و لە دەوامی خۆی خۆش بێت وەلێ بەلایەوە هیچ گرنگ نیە هەتا دوانزەی شەو مافی تۆ پێشێل بکات.

(واعبدوا الله ولا تشركوا به شیئا وبالوالدین إحسانا ) ئەنجا چی تر ؟ (وبذی القربی‌) واتا کوفری گەورە تەنها هاوبەشی دانان نیە بۆ خودا، بەڵکو ئەوانەشە کە لەگەڵ خەڵکیدا باش نین، لەگەڵ منداڵەکانیان، لەگەڵ هاوسەرەکانیان، لە گەڵ دایک و باوکیان، لەگەڵ دراوسێکانیان.

لەگەڵ دراوسێکەتا باش بە، ئیمان و ئاین کاراتی و کۆنفۆ نیە، کۆمەڵێک (کاتا) و نوشتانەوە و هەستانەوە ئەنجام بدەیت و پێت وابێت خودا لێت رازیە، ئیمان مامەڵەیە نەک (کاتا) و حەرکات. 

هۆشیاری و مەعریفە، بریتی نیە لە کۆڕ و سیمینار و وەرگێڕان و خوێندنەوەی کتێب و ناوی نوسەر و فەیلەسوف، مەعریفە مامەڵەیە، مامەڵەیەک کەوەک مرۆڤ مامەڵە لەگەڵ خەڵک، لەگەڵ ژینگە، لەگەڵ ئاژەڵ، لەگەڵ دراوسێ بکەین نەک وەکو زومبی.
 
قانع ووتەنی :-

(باغی بێ نێرگس عەزیزم سەد گوڵی ژاڵەی بە هیچ) سەد گوڵی ڕەنگاو ڕەنگی  ژاڵە فلسێک ناکات کە بۆنی نێرگزی لێ نەبێ، چونکە مەعلومە ژاڵە بەس ڕەنگی هەیە و بۆنی نیە، هەروەکو چۆن زۆرینەمان تەنها (کاتا) و خۆنواندنمان هەیە ، نەک مەعریفە و ئیمان.

1581 جار خوێندراوەتەوە
26/01/2018

هەموو وتارەکانی ئەم نوسەرە