Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

هاوژین عومەر کەریم


لەگەڵ نزیکبوونەوەمان لە هەڵبژاردنەکانی ١٢ـی ئایاری ئەمساڵ، دیسانەوە حیزبەکانی دەسەڵات لە هەرێمی کوردستان کەوتنەوە جموجوڵ و هەوڵە نادروستەکانیان بۆ مسۆگەرکردنی دەنگی دەنگدەرانی هەرێم.. ئەمەش بەکارهێنانی دەسەڵات و سامانی گشتییە بۆ بەرژەوەندیی حیزب و سیاسەت و ڕەفتارێکی قێزەون و دواکەوتوانەشە..

ئەگەر سەرنج بدەن، لە ماوەی ڕابردوودا چ یەکێتی و چ پارتی، دوای داخستنی دۆزەخ بۆ دانیشتوانی هەرێم لە چوار ساڵی ڕابردوودا و سزادانی گشتیی خەڵک و برسییکردنیان و بێمنەتبوون لە داواکارییەکانیان، ئێستا کەوتوونەتە بەخشینەوەی هەندێک ماف و ئیمتیازات بۆ بەدەستهێنانی دەنگی دەنگدەران. نوێنەرانی یەکێتی لە حکومەت هەر لە چەند ڕۆژی ڕابردوودا (بە تایبەتیش قوباد تاڵەبانی)، دوو بڕیاریان داوە، ئەوانیش تاپۆکردنی خانووە بێتاپۆکان و دابەشکردنی هەزارەها پارچە زەوییە بە ناوی کەسوکاری سەربەرزی شەهیدانەوە، دڵنیاشین هەوڵ و جموجوڵی دیکەشیان بەڕێوەیە.

هەرچی تایبەت بە پارتی دیموکراتیشە، ئەویش هەمان کار و جموجوڵی دەست پێکردووە، بۆ نموونە لە چەند ڕۆژی ڕابردوودا بە ناوی قەرزی کۆمپانیایەکی کەرتی تایبەتەوە (کە من بڕوام بەو سیناریۆیە نییە)، جادەی (١٢٠) مەتریی شاری هەولێریان کردەوە، هەر لەو سەروبەندەشدا ڕێگای نێوان هەولێر ـ موسڵیان کردەوە، لە کاتێکدا لە دوای ١٦ی ئۆکتۆبەرەوە ڕێگاکانی کەرکوک ــ هەولێر، هەولێر ـ موسڵ، هەولێر ــ مەخموریان داخستووە و خەڵکی ئەو ناوچانەیان دووچاری زەحمەت و نەهامەتیی گەورە کردووە.. هۆکاری کردنەوەی ڕێگای هەولێر ــ موسڵ و نەکردنەوەی ڕێگای کەرکووک ــ هەولێر، ڕەنگە پەیوەندیی بەوەوە هەبێت کە پارتی زیاتر گرەوی لەسەر دەنگەکانی دەنگدەرانی کوردی موسڵ بێت، بە پێچەوانەی کەرکووکەوە.

ئەو هەوڵانەی یەکێتی و پارتی لە سەروبەندی هەر پڕۆسەیەکی هەڵبژاردندا، گوزارشت لە دواکەوتوویی بیرکردنەوەی سیاسیی ئەو دوو هێزە و ئیفلاسییان دەکەن، ئەوان هەرگیز نەیان توانیوە بە شێوەی ئاسایی و یاسایی بڕوا بە خەڵکی کوردستان بهێنن کە متمانە و شەرعییەتیان پێببەخشنەوە، بەڵکو هەردەم پێش هەڵبژاردنەکان لە ڕێگەی کۆمەڵێک بڕیاری حکومی و بە پەلەپەل و بە ساختەکاریی ڕاستەوخۆ و ناڕاستەوخۆ و بە بەکارهێنانی دەسەڵات و سامانی گشتی، ئەو کارانەیان کردووە.

ئەوەی گرنگە ئەوەیە دوای ئەو سێ چوار ساڵەی ڕابردوو کە گەورەترین نسکۆ و نەهامەتییان بە سەر ئەم گەلەدا هێنا، خەڵکی ئەم جارە بە هیچ هەوڵێکی ئەو دوو حیزبە نەخەڵەتێن و بە هەر بارێک بووە سزای یەکجارییان بدەن.

933 جار خوێندراوەتەوە
21/02/2018

هەموو وتارەکانی ئەم نوسەرە