Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

دیاری محه‌مه‌د


کوردی باشورو بەتایبەت شاری سلێمانی رەنگە قەدەری وابێت کەتاماوە هیچ نەکات بەهیچ، 
ئەبینین لەرۆژهەڵات هونەرو ئەدەب و دەستڕەنگینی و خۆبژێوی کشتوکاڵی زۆر بەجوانی پەرەی سەندووە، لەرۆژاوا شەڕڤان بە ژن و پیاوەوە لەسەنگەرێکدان و سەرۆک و بەرپرس و کەسە ئاساییەکان لەیەک ئاستداو پێکەوە بەرگری ئەکەن، بەڵام لای خۆمان لەم باشورە بەهۆی سیاسەت و بەڕێوەبردنی هەڵەی حوکمڕانانی کوردەوە ئەوەی هەیە بەشێکی زۆری بۆتە موچەڤان و خانەنشینەڤان و ملیارەوان و .... هیچ بوارێکی زانستی و هونەری و ئەدەبی و سیاسی بەرەوپێش نەچووەو چەندین ساڵە کەسێکی بەتوانا لەم باشورە پێنەگەیەنراوەو سەری هەڵنەداوە.

لەنێوەندی باشوریشدا سلێمانی ئەگەرچی دەنگی ناڕەزایی ساڵانێکە بڵندە، بەڵام زیاتر بۆدواوە گەڕێنراوەتەوە.
ئەگەر هەولێرو دهۆک و هەڵەبجەو کەرکوک ستەمێکیان لێکرابێت، ئەوە سلێمانی دوو ستەمی لێکراوە.
دەسەڵاتدارانی هەولێرو دهۆک خزمەتی ناوچەکانی خۆیان کردووەو سلێمانییان لەبیرکردووە یان داویانەتە دەست موحاسەسەو ناوچەگەریی حزبی و دەسەڵاتدارانی سلێمانیش دیسان ستەمێکی تریان لێکردووە بەخواردنی سامان و داهاتەکەی و فەرامۆشکردنی شارەکەو خەڵکەکەی.

ئەگەر لەهەولێرو دهۆک بازرگان و دەوڵەمەندی زۆر هەڵتۆقیبێت ئەوا لەسلێمانی هەژاری و بێدەسەڵاتی بۆتە بەشی خەڵکەکەی.
سلێمانی هەر ستەمی لێنەکراوە، بەڵکو خۆیشی بەهۆی ئەوەی گاڵتەی بەهەموو شتێک دێت نەبووە بەهیچ، لەم عیراق و کوردستانەدا چەند کەسی سلێمانی پۆستی باڵایان هەیە؟! دەسەڵات و پۆستە باڵاکانی خودی پارێزگاکەدا چەندی لەلایەن سلێمانەییەکانەوە بەڕێوەئەبرێن؟!

سلێمانی کەڕییادەی گۆڕانکاری ئەکات لەکوردستان، بۆئەوەی دەنگی بڵندبێ و بگاتە ئامانج پێویستە سەرەتا گۆڕان لەناو پارێزگاو دەسەڵاتەکەیەوە دەستپێبکات، چونکە هەتا سلێمانی خۆی نەبێتە خاوەنی خۆی ناتوانێ گۆڕانکاری لەتەواوی کوردستان دا بکات.

697 جار خوێندراوەتەوە
25/02/2018

هەموو وتارەکانی ئەم نوسەرە