Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

بێ ئومێد مەبن

دیاری محه‌مه‌د


په‌یام 

ئەگەرچی هەڵبژاردنی ئەمجارە خراپترین جۆری هەڵبژاردن بوو و ئەوەی ڕوویدا لەتەزویر گەورەتر بوو و چەندین قۆناغ کۆمەڵگەی کوردیی هێنایە دواوە، ئەگەرچی دڵی هەموومان بریندارەو بێتاقەتین بە دزینی رەنج و ماندووبوونەکانمان کە بە هەموو پێوەرێك دەنگەکانی کۆمەڵ زۆر زیادیان دەکرد چونکە ئەوەی عەقڵ درکی پێکردبێت بەهەموومان گرتمانەبەر لەماوەی ئەم ئەم مانگەدا بە شەو بەڕۆژ لەخزمەت سەرخستنی لیستەکەدابوین ، بەڵام دەبێ بێ ئومێد نەبین و دووبارە ببێتەوە مەیدان.

ئەرکی هێزەکانی دەرەوەی (تەزویربۆکراو)ەکان ئەوەیە خۆیان بە دەستەوە نەدەن و بێئومێد نەبن، چونکە بێئومێد بوون ئامانجێکی خوازراوی ساختەچییەکانەو لەمێژە کاری بۆ دەکەن، ئەوان ویستیان جەماوەرو دەنگدەری ناڕازی بوو یەکجاری لە دەنگدان سارد بکەنەوەو ئێمەش دەبێ ڕێ لەو خواستەی ئەوان بگرین.

بۆیە داوام لەئەندام و کادێرانی خۆمان ئەوەیە بەگوڕو تینی لەجاران زیاترەوە بێنەوە مەیدان و سەرلەنوێ قۆڵی لێ هەڵماڵن، چونکە پێچەوانەوە بەدیلی کارکردن دانیشین و ڕاوەستانەو ئەمەش باشترین خزمەتە بەدەسەڵاتی خۆسەپێن و دەنگدز.

ئێمە لەماندووبانمانا پاداشتمان هەیە چونکە کاری باشەو چاکەخوازی لای خوا ون نابێت ، ئەگەر لێرەش تەزویرمان لی بکەن لەدواڕۆژا تەزویر نیە.

بەڕێزان ئەوەی دەیڵێین مانای تەسلیمبوون نییە بۆ ئەو ساختەکارییانەی بەرامبەرمان کراوەو ئەو بابەتە پێویستە ڕێڕەوی یاسایی و سیاسیی خۆی بگرێ و بەردەوام بێت تادەگاتە ئەنجام، بەڵام هاوکات پێویستە ئەندامانمان سارد نەبنەوەو لەکارەکانی خۆیان بەردەوام بن، بەتایبەت کەپرۆسەیەکی زۆر گرنگترمان لەبەردەمدایە کەهەڵبژاردنی پەرلەمانی کوردستانەو پێویستە بە هەمان گوڕو تینی زیاتر لەهەڵبژاردنەکانی عیراق و ئەمجارەیان بەچاوێکی کراوەترەوە کاری بۆ بکەین، بۆئەوەی مافی دەنگە دزراوەکان بگەڕێنینەوەو بەهەماهەنگی لەگەڵ لایەنە ناڕازییەکانی تر رێگا لەبەلاڕێدابردنی ئەنجامەکانی هەڵبژاردن بگرین.

ئەوانەی خواستی گەلیشیان خستە ژێر پێیان و لەپێناو مانەوەیان لە دەسەڵات هەموو ڕێگاکان لە هێزە جەماوەری و ئازادیخوازەکان دادەخەن، دەبێ بزانن ئەم ڕێگایە پێشتر زۆر تاقیکراوەتەوەو ئەنجامی کارەساتباری لێکەوتۆتەوەو یەکەم زەرەرمەندیش ئەو دەسەڵاتە خۆسەپێنە خۆیەتی، باشترین نموونەش دەمو چاوە ناشیرینەکانی وەک قەزافی و موبارەک و بنعەلی و هاوشێوەکانیان دەبێت نەک زیاتر.

لە کۆتایدا ڕوو لە کادیران و ئەندامانمان ئەکەم ئێوە ناڕەحەتی و تەنگانەی زۆر لەوە گەورەترتان بەسەردا هاوتوەو تێتانپەڕاندوەو خۆڕاگربون ئەبێت ئەم جارەش خۆڕاگربن و ساردنەبنەوە.

437 جار خوێندراوەتەوە
26/05/2018

هەموو وتارەکانی ئەم نوسەرە