Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

هه‌ژار فه‌قێ سلێمان


لە دنیای نوێدا، یەکێک لەو بابەتانەی جەختی لێ دەکرێتەوە، ئەدەبی گێڕانەوە و چیرۆکگێڕانەوەیە بۆ منداڵ، کە پێدەر و درووستکەری کەسایەتییەکی هاوسەنگ و تەندرووست و دەرووندرووستە.

پەروەردەی ساغ دامەزێنەری کۆمەڵی ساغە، بێ ئاوڕدانەوە لە ئەدەبی مناڵ ئەستەمە بەتەمای کۆمەڵێکی ساغ بین. کارکردن لەسەر ئەدەبی مناڵ و بەگشتی و ئەدەبی گێڕانەوە بەتایبەتی، لەخۆوە و بەهەوانتە نابێت، بۆ ئەمە پێویستمان بە گێڕەرەوە، توێژەری دەروونیی و کۆمەڵایەتیی، تەندروستکار، ژینگەدۆست،  وێنەکێش، هاوکاتیش زمانناس دەبێت.

کاریگەری گێڕانەوەی چیرۆک لەسەر مناڵ، بە دیدی توێژەرانی پەروەردەیی لە خاڵگەلێکدا خۆی دەبینێتەوە، ئەوانیش:

۱-لەڕێگەی چیرۆکەوە، منداڵ توانای وێناکردن و خەیاڵکردنی زیاد دەکات، ئەنیشتاین دەڵێت: وێناکردن لە زانین گرنگترە.

۲-توانای زمانیی و دەربڕینی زیاد دەکات، هاوکات فەرهەنگی  وشە و ئاوەزیی دەوڵەمەند دەکات.

۳-لەڕێگەی چیرۆکەوە فێری بەها و ڕەفتارە کۆمەڵایەتییەکان دەبێت، وەک ڕۆحی هاوکاریی و ژینگەپارێزیی و ڕێزگرتن لە گیانداران و پاراستنی شتەکانی دەوروبەر و ...هتد.

٤-دەستکەوتنی وەڵامی پرسیارەکان لە ڕێگەی چیرۆکەوە.

٥-خوێندنەوە و کتێبی لا شیرین و خۆشەویست دەبێت.

٦-هەست بە ئاسوودەییکردن و دوورکەوتنەوە لە وەڕەسیی و بێزاریی، لەڕێگەی چێژبینین لە گاڵتەوگەپی نێو چیرۆکەکانەوە.

۷-ناسین و ئاشنابوون بە شتەکانی دەوروبەر.

۸-دەبێتە قسەکەر و گوێگرێکی باش.

۹-گەشەکردنی بیر و توانا و زوو دەرکردن و پەیوەندیکردن، هاوکات توانای لێکدانەوە و شیتەڵکردنیشی زیاد دەکات.

۱۰-جوڵاندنی هەست و سۆز و زیادکردنیان.

ڕۆژی جیهانیی منداڵان، پیرۆزە لە چاوگەشەکانی ئێوە و تەواوی منداڵانی جیهان.

782 جار خوێندراوەتەوە
01/06/2018

هەموو وتارەکانی ئەم نوسەرە