Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

نازم عه‌بدوڵا

‌    
له‌سه‌روبه‌ندی‌ ئه‌و هه‌موو قه‌یرانه‌ی‌ ڕوویان له‌ هه‌رێمی‌ كوردستان كردووه‌، به‌ تایبه‌ت دوای‌ هه‌ڵبژاردنه‌كانی‌ 12/5/2018 له‌ هه‌ندێك ده‌زگاو كه‌ناڵه‌وه‌ كه‌ هه‌ندێكیان لایه‌نی‌ سیاسی‌ گه‌وره‌یان له‌ پشته‌وه‌یه‌، هێرشێكی‌ ناڕه‌وا ئه‌كرێته‌ سه‌ر ئاینی‌ پیرۆزی‌ ئیسلام و شوێنكه‌وتوانی‌، زۆرجار ئه‌و كه‌سانه‌ی‌ چاوپێكه‌وتنیان له‌گه‌ڵ ئه‌كه‌ن كه‌سانێكی‌ شاره‌زاو پێگه‌ی‌ متمانه‌ی‌ زانستیان نیه‌، به‌ڵكو هه‌ندێك له‌وانه‌ی‌ ئاخاوتن ئه‌كه‌ن جار وا هه‌یه‌ خۆیان ده‌رباره‌ی‌ ئیسلام گومانیان هه‌یه‌، یان گومان له‌ لای‌ بینه‌ران دروست ئه‌كه‌ن!

لێره‌دا نامه‌وێ‌ قسه‌ له‌سه‌ر ئه‌و دیارده‌یه‌ بكه‌م چونكه‌ ئه‌وه‌ واقیعێكه‌ هاوڵاتیانی‌ هه‌رێم هه‌ستی‌ پێئه‌كه‌ن، به‌ڵكو ئه‌مه‌وێت هه‌ڵوێسته‌یه‌ك له‌سه‌ر هۆكاره‌كانی‌ ئه‌م دژایه‌تیكردنه‌ بكه‌م، و وه‌ڵامی‌ ئه‌و پرسیاره‌ بده‌مه‌وه‌ ئه‌و گێچه‌ڵكردنه‌ چ قازانجێك به‌ هاوڵاتیانی‌ هه‌رێم ئه‌گه‌یه‌نێت؟

دوای‌ بیر لێكردنه‌وه‌و تێڕامان زیاتر سێ‌ هۆكار به‌دی‌ ئه‌كرێت: 
1. ئه‌وكه‌سانه‌ خۆیان به‌ دوای‌ بیانویه‌كدا ئه‌گه‌ڕێن، كه‌ ئه‌وه‌ی‌ له‌ ناخیاندا شاردویانه‌ته‌وه‌ هه‌ندێكی‌ ده‌ربڕن، بۆیه‌ به‌شێك له‌و قسه‌و ڕایانه‌ی‌ ده‌رده‌بڕن ڕه‌نگدانه‌وه‌ی‌ ڕاستی‌ ناوه‌رۆكیانه‌، و بنه‌مای‌ بیركردنه‌وه‌و ڕۆشه‌نبیریان له‌سه‌ر به‌دگومانی‌ هه‌ڵچنراوه‌، وه‌ ئه‌گه‌ر دوو سه‌رچاوه‌ی‌ ڕاستیشیان ده‌رباره‌ی‌ ئیسلام و هه‌ڵگرانی‌ خوێندبێته‌وه‌، وه‌كو قورئان باسیان ده‌كات: (وَأَمَّا الَّژِینَ فِی قُلُوبِهِم مَّرَچٌ فَزَادَتْهُمْ ڕجْسًا إِڵی‌ٰ ڕجْسِهِمْ وَمَاتُوا وَهُمْ كَافِرُونَ) التوبه‌ 125،  یان ئه‌فه‌رموێت: (فَأَمَّا الَّژِینَ فِی قُلُوبِهِمْ زَیْغٌ فَێتَّبِعُونَ مَا تَشَابَهَ مِنْهُ ابْتِغَا‌وَ الْفِتْنَه‌ِ وَابْتِغَا‌وَ تَأْوِیلِهِ) العمران: 7 ئه‌و ڕاو تێگه‌یشتنه‌ هه‌ڵ ئه‌بژێرن كه‌ له‌گه‌ڵ ویست  و ئاره‌زوه‌كانیاندا یه‌ك ئه‌گرێته‌وه‌.

2. ئه‌و جۆره‌ ده‌ربڕین و به‌رنامانه‌ زۆر جار ئامانجێكی‌ سیاسی‌ له‌ پشته‌وه‌ ئه‌یانجوڵێنێت، به‌ مه‌به‌ستی‌ به‌ لاڕێدا بردنی‌ ڕوداوو قه‌یرانه‌ سیاسی‌ و ئابوریه‌كان، بۆ چوار ساڵ ئه‌چێت هه‌رێمی‌ كوردستان له‌ قه‌یرانێكه‌وه‌ ئه‌سپێردرێت به‌ قه‌یرانێكی‌ تر، دانیشتوانی‌ هه‌رێمیش ئه‌زانن ئه‌م قه‌یرانانه‌ پارته‌ ده‌سه‌ڵاتداره‌كان له‌ پێناوی‌ به‌رژه‌وه‌ندی‌ حیزبی‌ خۆیاندا دروستی‌ ئه‌كه‌ن و خه‌ڵكی هه‌رێم كراون به‌ قوربانی‌، بۆیه‌ ده‌سه‌ڵاتیش به‌ دوای‌ ڕێگه‌ یه‌كدا ئه‌گه‌ڕێت بۆ له‌ بیربردنه‌وه‌ی‌ ئه‌و بابه‌تان لای‌ خه‌ڵكی‌ و لایه‌نه‌ ئۆپۆزۆسیۆنه‌كان، وه‌ وروژاندنی‌ ململانێی‌ فیكری‌ و مه‌زهه‌بی‌ و جوڵاندنی‌ سۆزی‌ ئاینی‌ یه‌كێكه‌ له‌ ڕێگاكانی‌ گه‌نده‌ڵی‌ و قه‌یرانه‌كان لای‌  خه‌ڵكی‌ كوردستان.
بۆیه‌ هه‌ر جاره‌وهه‌ندێك به‌ ناو ڕۆشه‌نبیرو شاره‌زا كه‌ به‌ دڵی‌ ئه‌وان قسه‌ ئه‌كه‌ن، ئه‌جوڵێنن و ئه‌وانیش هه‌ندێك گومان دروستئه‌كه‌ن و بابه‌تی‌ لاوه‌كی‌ ئه‌وروژێنن، وه‌ زۆریان پێ‌ خۆشه‌ كه‌سایه‌تی‌ دیارو لایه‌نه‌ ئیسلامی‌ و ڕێكخراوه‌ كان بینه‌ سه‌ر خه‌ت و ببێته‌ ده‌مه‌ ده‌مێ‌ و وه‌ڵام و وه‌ڵامكاری‌ به‌ ئومێدی‌ ئه‌وه‌ی‌ بابه‌ته‌ سیاسی‌ و ئابوریه‌ چاره‌نوسسازه‌كان له‌ بیری‌ خه‌ڵك به‌رنه‌وه‌، له‌ باتی‌ ئه‌وه‌ی‌ له‌ڕاگه‌یاندن و تۆڕه‌كۆمه‌ڵایه‌تیه‌كان باس له‌ گه‌نده‌ڵی‌ و ته‌زویرو ناپاكی‌ بكرێت، باس باسی‌ هه‌ندێك ململانێی‌ فیكری‌ و فیقهی‌ بێت و یه‌ك دوكه‌سیش وه‌كو پاڵه‌وان سینگ ده‌ر په‌ڕێنن و خۆیان به‌ شاره‌زا و پاڵه‌وانی‌ فیقهو زانست پیشان بده‌ن، بۆیه‌ وروژاندنی‌ ئه‌و بابه‌تانه‌ به‌شێوه‌یه‌كی‌ گشتی‌ له‌زه‌ره‌ری‌ هاوڵاتیانی‌ هه‌رێم به‌گشتی‌ و مامۆستایانی‌ ئاینی‌ و بانگخوازو پارته‌ ئۆپۆزۆسیۆن و لایه‌نه‌ ئیسلامیه‌كان ته‌واوده‌بێت، بۆیه‌ چاك وایه‌ به‌هیچ شێوه‌یه‌ك توخنی‌ ئه‌و جۆره‌ جه‌ده‌له‌ نه‌زۆك و بێ‌ بنه‌مایانه‌ نه‌كه‌ون، به‌ڵكو هه‌مولایه‌ك قسه‌ له‌سه‌ر بابه‌ته‌ سه‌ره‌كیه‌كان بكه‌ن.

3. مامۆستانی‌ ئاینی‌ به‌ڕێزو بانگخوازه‌كان له‌ وتارو قسه‌و لێدوانه‌كانیاندا پێویسته‌ زیاتر ڕه‌چاوی‌ بنه‌ماكانی‌ بانگه‌وازو ئوسلوبی‌ بانگخوازو بكه‌ن، با له‌ وتارو لێدوانه‌كاندا ئامانج ڕونكردنه‌وه‌ی‌ بنه‌ما ئیسلامیه‌كان و پیشاندانی‌ جوانی‌ ئیسلام و ئاكاری‌ به‌رزی‌ پێغه‌مبه‌ر( صلی‌ الله‌ علیه‌ وسلم) بێت، كه‌ له‌ كتێبه‌كانی‌ بانگه‌وازدا باسیان لێوه‌ كراوه‌، وه باشوایه‌ خۆیان بپارێزن له‌ هه‌ندێك بابه‌تی‌ خیلافی‌، یان له‌ واقیعی‌ ئێستادا باس بكرێن یان نه‌كرێن وه‌ك یه‌ك وایه‌، یان هه‌ندێك بابه‌ت له‌ مێژودا بووه‌، ئێستا نه‌ماون خه‌ڵكی‌ لێیان تێناگه‌ن، و خۆ به‌دورگرتن له‌ هه‌ندێك قسه‌و باس كه‌ له‌ وانه‌یه‌ ببنه‌ هۆی‌ بریندار كردنی‌ هه‌ستی‌ خه‌ڵكی‌، یان ئاگادار بن په‌رچه‌كرداری‌ به‌رانبه‌ره‌كانیان په‌لكێشیان نه‌كه‌ن بۆ هه‌ندێك قسه‌وئاخاوتن و هه‌ندێك ده‌ر بڕین كه‌ له‌وان ناوه‌شێنه‌وه‌ له‌ وانه‌یه‌ زیانیش بگه‌یه‌نێت به‌ پێگه‌یان ،ئه‌وانیش سه‌نتیمیترێك هه‌ڵه‌ی‌ مامۆستایانی‌ ئاینی‌ و بانگخوازه‌كان به‌ ئه‌ندازه‌ی‌ كیلو میترێك ئه‌خه‌نه‌ پێش چاوی‌ خه‌ڵكی‌.

597 جار خوێندراوەتەوە
14/06/2018

هەموو وتارەکانی ئەم نوسەرە