Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

تەزویر، چەندین رێگەو یەک ئەنجام

د. ئیسماعیل نامیق


تەزویر واتە شێواندنى راستى، ئەمەش دەکرێت مادى بێت کە بەکردارەکى ولەواقعدا راستیەکە دەشێوینرێت، وەکو گۆڕینى ژمارەو زانیارى بە کردارەکى. هەروەها دەکرێت مەعنەوى بێت، ئەوەش لەرێگەى پیشاندانى وێنەیەکى ناڕاستى واقع وشاردنەوەو شێواندنى وێنە راستەکە، وەکو بەدیموکراسى وشەفاف پیشاندانى زۆربەى زۆرى ئەو هەڵبژاردنانەى لەکوردستاندا ئەنجامدراون.

هەردوو شێوەکەى تەزویریش بەچەندین رێگەى جیاجیا وجۆراوجۆر دەکرێن، بەڵام هەمو رێگەو شێوەکان تەنها یەک ئەنجامیان هەیە، ئەویش بریتیە لەبێ بەهایى ئەو شتەى بەتەزویر بەدەست دەهێنرێَت، هەرکەسێکیش بەتەزویر هەرچیەکى بۆ بکرێت کەسێکى بێ ئیرادەو بێ بڕیار دەبێت، چونکە ئەگەر خۆى تەزویرەکەى کردبێ لەترسى ئاشکرانەبونى ناتوانێت خاوەنى ئیرادەى خۆى بێت، خۆ ئەگەر بۆشیان کردبێ ئەوا هەر لەسەرەتاوە رازى بوە واز لەئیرادەى خۆى بهێنێ و ببێت بە کۆیلەى ئەوکەسەى کە تەزویرەکە بۆ دەکات، وەکو لەعادەتى کۆمەڵایەتیدا دەوترێت: کلکى بەدەستى کەسێکى ترەوەیە.

رۆژى 29/ 7/ 2018 سەردانى یەکێک لە ئۆفیسەکانى کۆمسیۆنم کرد بەمەبەستى دڵنیابون لەبونى ناوەکەم لەتۆمارى دەنگدەراندا، پاش ئەوەى کارەکەم تەواو کردو لەدەرگاى ئۆفیسەکە هاتمە دەرەوە کەسێک بانگى کردم، وتى من خەڵکى سلێمانیم لەدایکبوى ساڵى 1985 م خێزاندارم وخاوەنى دوو منداڵم هیچیان شمولى دەنگدان ناکەن، بەڵام کەهاتوم بۆ دڵنیابون لەناوەکەم لەتۆمارى دەنگدەراندا دوو کەس بۆ خێزانەکەم زیادکراوە، ژمارەى ئەندامانى خێزانەکەم بوە بە چوار، ئەو دوو کەسەى کە زیادکراون شمولى دەنگدان دەکەن و لەیەکێک لەبنکەکانى دەنگدان لەشارى هەولێر مافى دەنگدانیان هەیە، پێى راگەیاندم تانەى لەو حاڵەتە داوەو، هاورێیەکیشى حاڵەتێکى هاوشێوەى ئەمەى بەسەردا هاتوە. 

جا نازانم ئەمە موجەڕەد هەڵەیەکى رێککارى ورێکخستنە، یان رێگەیەکى ترە بۆ تەزویر ودەنگ زیادکردن. ئەزمونى خراپى هەڵبژاردنەکانى رابردو وامان لێئەکات گومان لەهەمو شتێک یان حاڵەتێک بکەین، بۆ رەواندنەوەى ئەو گومانە پێویستە جەخت لەدروستى زانیاریەکانى خۆمان بکەینەوە لە تۆمارى دەنگدەراندا، لەهەر سەرپێچى وناڕێکیەک ئاگاداربین ولایەنى پەیوەندیداریشى لێ ئاگادار بکەینەوە، راستە ئەم کارە پێویستى بەهەندێک کات وماندوبونە، بەڵام نابێت بیرمان بچێت باشترکردنى ژیانى خۆمان ونەوەکانى ئایندە پێویستى بە ماندوبون وقوربانیدانە.

409 جار خوێندراوەتەوە
02/08/2018

هەموو وتارەکانی ئەم نوسەرە