Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

1

عومه‌ر گوڵپی

ئه‌مڕۆ ڕۆژێكی‌ جیهانییه‌ به‌ناوی‌ گه‌نجانه‌وه‌، بیرۆكه‌ی‌ دانانی‌ ڕۆژه‌ جیهانییه‌كان بۆ بوارو توێژێك‌و گروپێك یان دیارده‌یه‌ك له‌لایه‌ن نه‌ته‌وه‌ یه‌كگرتووه‌كانه‌وه‌، بۆ ئاوڕدانه‌وه‌و تیشكخستنه‌سه‌ر ئه‌و گروپه‌ له‌ خه‌ڵكه‌، تا له‌ ڕوانگه‌ی‌ ئه‌و باسانه‌وه‌ سیاسه‌تێكی‌ نوێی‌ كار بێته‌ ئاراوه‌ كه‌ وڵات به‌ره‌و پێشه‌وه‌ به‌رێت‌و له‌ گرفت‌و نه‌خۆشییه‌ جۆراوجۆره‌كان ڕزگاری بكات.

ئه‌م سه‌رده‌مه‌ بۆ گه‌نجانی‌ وڵاتی‌ من ڕۆژانێكی‌ پڕ بێنازییه‌، وڵاتێك گه‌نج له‌ پلانیا نییه‌و گه‌نجێكیش خودی‌ خۆی‌ له‌ بیردا نییه‌.
گرنگه‌ حكومه‌ت پلانی‌ هه‌بێت بۆ ئه‌وه‌ی‌ گه‌نجان ببنه‌ مرۆڤێكی‌ به‌رهه‌مهێن، به‌شداری‌ بكه‌ن له‌ پرۆسه‌ی‌ بونیاتنانی‌ وڵاتدا، هه‌لی‌ كاریا بۆ بڕه‌خسێنرێت‌و كاربكه‌ن، له‌ پڕۆژه‌كاندا به‌شداربكرێن، خۆیان خاوه‌نی‌ ئابوری‌ خۆیان بن، دووربن له‌ نه‌خۆشیه‌ كوشنده‌كان‌و بێهۆشی‌، دووربن له‌ مه‌یدانه‌كانی‌ تاوان، دووربن له‌ سووڕانه‌وه‌ له‌نێو بۆشایی‌‌و بێكاری‌‌و هه‌ژاریدا.

به‌ڵام له‌ هه‌مانكاتدا له‌وه‌ گرنگتر ئه‌وه‌یه‌ گه‌نج خۆی‌ ئه‌و به‌رنامه‌یه‌ی‌ هه‌بێت، ئه‌گه‌ر حكومه‌ت ئه‌و به‌رنامه‌ باشانه‌ی‌ نییه‌، ئه‌گه‌ر حكومه‌ت ئه‌و توانایه‌ی‌ نییه‌، ئه‌گه‌ر حكومه‌تێك به‌و مانا گه‌ورانه‌ بوونی‌ نییه‌، ئه‌ی‌ ئێمه‌ی‌ گه‌نجان چی؟ ئه‌كرێت خۆمان بیربچێته‌وه‌؟ ئاگامان له‌ ئاینده‌ نه‌بێت، به‌دوای‌ كه‌مترین كارو زۆررترین پاداشتدا بگه‌ڕێین؟ له‌نێو خه‌وو خه‌یاڵدا بتلێینه‌وه‌؟ خه‌یاڵی‌ زه‌مه‌نی‌ هه‌رزه‌كاری‌ به‌رمان نه‌دا؟ به‌رژه‌وه‌ندی‌ خۆمان‌و گه‌له‌كه‌مان نه‌زانین؟ زۆرترین كارمان خه‌وتن بێت؟ وه‌ستانی‌ بێ‌ ماندووبوونی‌ به‌رده‌ركی‌ سه‌راو شه‌قامی‌ ئیسكان بێت؟ كوڕانمان چاومان ماخۆلانیان بێت له‌ دوای‌ كچان‌و كچانیشمان له‌به‌رده‌م ئاوێنه‌كاندا بووبنه‌ به‌رد؟ ده‌كرێت ئێمه‌ خۆمان ته‌نانه‌ت خودی‌ خۆمان بیربچێته‌وه‌؟ نه‌زانین جگه‌ره‌و نێرگه‌له‌و خواردنه‌وه‌ی‌ كحولی‌ چه‌ند به‌ زیانن؟ تێنه‌گه‌ین خوو دانه‌ خۆ بێهۆشكردن چه‌ند خۆ كوشتنه‌؟ دووركه‌وتنه‌وه‌ له‌ ڕێنماییه‌ ئاسمانییه‌كان چه‌ند ڕوو كردنه‌ له‌ نه‌هامه‌تی‌؟

گرفته‌كه‌ دوو لایه‌نه‌یه‌، به‌شێكی‌ لای‌ حكومه‌ته‌و به‌شێكیشی‌ لای‌ خۆمان، ئه‌گه‌ر گه‌نج به‌ هیممه‌ت بێت، به‌ توانابێت، ئیش كه‌ر بێت، تامه‌زرۆی‌ كارو یارمه‌تیدان‌و خێرو چاكه‌و به‌خشین بێت، ئه‌گه‌ر گه‌نج وریاو به‌هۆش بێت، به‌رژه‌وه‌ندی‌ خۆی‌ بزانێت، ده‌ستی‌ چین‌و توێژه‌كانی‌ تری‌ وڵاتیش ده‌گرێت، بۆیان ده‌بێت به‌سایه‌و سێبه‌ر، ته‌نانه‌ت حكومه‌ت‌و ده‌سه‌ڵاتیش ناچار ده‌كات ڕاست بێت‌و به‌رپرسه‌ نابه‌رپرسه‌كان ڕاست ده‌كاته‌وه‌.

زۆر شت هه‌یه‌ له‌مباره‌یه‌وه‌ ده‌بێت بوترێت، زۆر ڕاستی‌ هه‌یه‌ من له‌ سه‌دا سه‌د تیایدا لایه‌نگری‌ گله‌یی‌‌و گازنده‌ی‌ گه‌نجه‌كانی‌ وڵاتی‌ خۆمم، به‌ڵام زۆر گله‌یش هه‌یه‌ ئه‌بێت ئێمه‌ له‌ خۆمانی‌ بكه‌ین، له‌ گه‌نجه‌كان، پێویسته‌ ئێمه‌ هه‌بین، ئه‌گه‌ر ئێمه‌ هه‌بووین ئه‌وسا شاخه‌كانیش له‌به‌رده‌مماندا ده‌له‌رزن.
هیچ شتێك له‌سه‌رو ئیراده‌ی‌ گه‌نجانه‌وه‌ نابینم، ئیراده‌ی‌ گه‌نجان ئه‌گه‌ر به‌ ئاراسته‌ی‌ ڕاست بكه‌وێته‌ كار، ئه‌گه‌ر بكه‌وێته‌ جوڵه‌، ئه‌گه‌ر گه‌نج كارو پلانی‌ هه‌بێت، هه‌موو شتێك له‌به‌رده‌میدا وه‌ك ماستی‌ مه‌یو واده‌بێت، وڵاتانی‌ پێشكه‌وتوو گه‌نجه‌كان بونیاتیان نا، پیشه‌سازی‌‌و كشت‌و كاڵ ده‌بێت گه‌نج بیبوژێنێته‌وه‌، به‌ بازووی‌ پڕ له‌ كارو توانای‌، شۆڕشه‌كان گه‌نجه‌كان ده‌یكه‌ن، گه‌وره‌ترین دوژمنه‌كان گه‌نجه‌كان به‌زاندنی‌، زانستگاكان گه‌نجه‌كان كردنیانه‌ شوێنی‌ گۆڕین‌و هه‌نگاوی‌ گه‌وره‌، ئه‌ی‌ گه‌نجه‌كانی‌ وڵاتی‌ ئێمه‌؟

ده‌یڵێمه‌وه‌، بیری‌ خۆم‌و تۆی‌ گه‌نجیشی‌ ده‌خه‌مه‌وه‌، هه‌رچی‌ بڵێین له‌سه‌ر حكومه‌ت‌و حزبه‌ سیاسییه‌كان‌و له‌باره‌ی‌ گه‌نده‌ڵی‌‌و كه‌مته‌خه‌می‌‌و نادڵسۆزییه‌وه‌ ڕاسته‌ له‌ كوردستان، به‌ڵام قسه‌ی‌ دڵم زۆره‌ به‌رانبه‌ر گه‌نجه‌كان، گله‌یم زۆر زۆره‌، له‌ خۆم‌و له‌ ئێوه‌ش: ( ناخوێنین، ناخوێنینه‌وه‌، كار ناكه‌ین) ئه‌بێت دان به‌م ڕاستیه‌ تاڵه‌دا بنێین‌و بیگۆڕین، چاومان له‌ كار بێت نه‌وه‌ك پشوو، بخوێنین، بخوێنینه‌وه‌، هه‌ر ئه‌مه‌ ڕاسترین ڕێگه‌ی‌ گه‌نجانه‌و به‌هۆیه‌وه‌ خۆشگوزه‌رانی‌ بۆ خۆیان‌و میلله‌ته‌كانیان هێناوه‌.

1492 جار خوێندراوەتەوە
12/08/2016

هەموو وتارەکانی ئەم نوسەرە