داخستن
بەرنامە کاتی پەخش دووبارە
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 3:17
نیوه‌ڕۆ 12:17
عه‌سر 4:05
ئێواره‌ 7:29
خه‌وتنان 8:44

خاڵۆ حسێنی كێوكه‌ن به‌ یه‌كجاریی ماڵئاوایی كرد


سه‌رله‌بیانی ئه‌مڕۆ له‌ ناحیه‌ی بانه‌وڕێ (بانه‌وره‌) له‌ قه‌زای پاوه‌ له‌ خۆرهه‌ڵاتی كوردستان، پیاوێك چاوه‌كانی لێكنا، كه‌ جیهان ده‌بێت سه‌رسامی بێت و ڕێزی لێ بنێت.
خاڵۆ حسێنی كێوكه‌ن ناوێكه‌ هه‌موومان بیستوومانه‌ و جێده‌سته‌كه‌یشیمان بینیوه‌.

ئه‌و ناوی حسێن كوڕی سه‌لیم، ناسراو به‌ حسێنی عوسمانییه‌ و له‌ناو خه‌ڵكدا به‌ خاڵۆ حسێنی كێوكه‌ن و لالۆ حسێنی كێوكه‌ن و فه‌رهادی كوهكه‌نی دووه‌م ناسراوه‌.
ساڵی 1930ز له‌ گوندی دڕۆڵه‌ی خواروو سه‌ر به‌ قه‌زای پاوه‌ له‌ پارێزگای كرماشان له‌دایكبووه‌.

سه‌ره‌تای ژیانی به‌ شوانیی و هه‌ژاریی به‌سه‌ر بردووه‌. له‌ ته‌مه‌نی بیست ساڵییدا له‌گه‌ڵ ڕابیعه‌ی ئامۆزای ژیانی هاوسه‌ریی پێكهێناوه‌. له‌و ژیانی هاوسه‌رییه‌دا بوونه‌ته‌ خاوه‌نی 3 كوڕ و 3 كچ.
خاڵۆ حسێن ڕۆژێك ده‌چێت بۆ ڕاو فیشه‌كێكی له‌ده‌ست ده‌رده‌چێت و به‌ر قاچی ده‌كه‌وێت، به‌وهۆیه‌وه‌ قاچێكی له‌ كیس ده‌دات.

له‌ شه‌ڕی عێراق ـ ئێراندا ماڵه‌كه‌ی به‌ بۆمب وێران ده‌بێت و ناچار ده‌بێت له‌ گونده‌كه‌ی خۆیه‌وه‌ كۆچ بكات بۆ گوندی قشڵاغ.
خاڵۆ حسێن چه‌رمه‌سه‌ری ژیانی زۆر چه‌شتووه‌. هاوسه‌ره‌كه‌ی و هه‌رسێ كوڕه‌كه‌ی كۆچی دوایی ده‌كه‌ن.

سێ كچه‌كه‌ی ژیانی هاوسه‌ری پێكده‌هێنن، به‌ڵام دواتر هه‌ر سێ زاواكه‌ی كۆچی دوایی ده‌كه‌ن. ئیتر خاڵۆ حسێن ژیانی ده‌بێته‌ پارچه‌یه‌ك غه‌م و مه‌ینه‌تی.
دواتر بڕیار ده‌دات خۆی ڕاده‌ستی خه‌م و گۆشه‌گیریی نه‌كات و قوڵنگه‌كه‌ی خۆی هه‌ڵده‌گرێت و ڕێچكه‌ی فه‌رهادی كێوكه‌ن (فرهاد كوهكن) ده‌گرێته‌به‌ر. 

جه‌نگ له‌گه‌ڵ شاخ ده‌ستپێده‌كات و له‌ دڵی گابه‌ردی ئه‌و كێوه‌دا خانووه‌یه‌كی ده‌گمه‌ن دروست ده‌كات. 

خانووه‌كه‌ی خاڵۆحسێن له‌ ژوور و ڕاڕه‌و و حه‌مام و ته‌والێت پێكهاتووه‌ و بووه‌ته‌ جێگه‌ی سه‌رسوڕمانی ته‌واوی ئێرانییه‌كان. له‌ وڵاتانی جیهانه‌وه‌ خه‌ڵك ده‌چوونه‌ سه‌ردانی خاڵۆ حسێنی كێوكه‌ن و ماڵه‌ جوانه‌كه‌یان به‌سه‌ر ده‌كرده‌وه‌ و چه‌ندین به‌رنامه‌ی دۆكیۆمێنتاریی  وڕاپۆرتی ڕۆژنامه‌وانیی له‌سه‌ر پێكهێنراوه‌.

هه‌ر به‌هۆی گرنگیی ئه‌و كاره‌ی كه‌ ئه‌نجامی دابوو خه‌ڵكی ئێران نازناوی فه‌رهادی دووه‌میان پێبه‌خشی.
دوای ته‌مه‌نێك له‌ ناوبانگی مه‌زنیی بۆ ئه‌و پیاوه‌. به‌ڵام ماوه‌یه‌كی زۆره‌ له‌سه‌ر جێگه‌ كه‌وتووه‌ و ململانێ له‌گه‌ڵ مه‌رگ ده‌كات.

چه‌ند ڕۆژێك به‌رله‌ئێستا هه‌واڵی مه‌ری ئه‌و پیاوه‌ بلیمه‌ته‌ به‌ كوردستاندا بڵاوبووه‌وه‌ و دواتر ده‌ركه‌وت كه‌ هێشتا له‌ژیاندا ماوه‌.

سه‌رئه‌نجام سه‌رله‌به‌یانی ئه‌مڕۆ26ی ته‌مووزی 2016، له‌ ته‌مه‌نی 86 ساڵییدا له‌ ناحیه‌ی (بانه‌وڕێ) سه‌ر به‌ قه‌زای (پاوه‌) له‌ پارێزگای (كرماشان) له‌ خۆرهه‌ڵاتی كوردستان به‌ یه‌كجاریی چاوه‌كانی لێكنا و به‌ هه‌تاهه‌تایی ئه‌م دنیا پڕ زه‌حمه‌ته‌ی به‌جێشێت.

خاڵۆ حسێن به‌ جه‌سته‌ ڕۆیشت، به‌ڵام یادگاریی گه‌وره‌كه‌ی هه‌ر ماوه‌ته‌وه‌ و شوێنپنجه‌ی دوای خۆیشی هه‌ر زیندووه‌ و له‌ وڵاتانه‌وه‌ خه‌ڵكیی ده‌چنه‌ سه‌ردانی خانوه‌كه‌ی و لێی ڕاده‌مێنن.

1653 جار خوێندراوەتەوە
26/07/2016

بابەتی زیاتر