داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

قازه‌ سپییه‌كان ڕوو له‌ ده‌ریاچه‌ی‌ وان ده‌كه‌ن


به‌هۆی‌ سه‌رمای‌ زۆر و به‌ستنی‌ ئاوه‌كانی‌ وڵاتی‌ ڕووسیاوه‌، قازه‌ سپییه‌كان ڕوو له‌ ده‌ریاچه‌ی‌ وانی‌ باكووری‌ كوردستان ده‌كه‌ن و دیمه‌نێكی‌ جوان به‌ ناوچه‌گه‌شتیارییه‌كان ده‌به‌خشن.

ساڵانه‌ له‌ كۆتایی‌ پایزدا، قازه‌ سپییه‌كان و هه‌ندێك جۆری‌ باڵنده‌ی‌ دیكه‌ش، به‌هۆی‌ سه‌رمای‌ زۆر و به‌ستنی‌ ئاوه‌كانی‌ وڵاتی‌ ڕووسیاوه‌، ڕوو له‌ ناوچه‌ ئاوییه‌كانی‌ دیكه‌ ده‌كه‌ن.

ئه‌مساڵیش به‌شێك له‌و باڵندانه‌ و به‌ تایبه‌تیش قازه‌ سپییه‌كان، ڕوویان له‌ زۆنگاوه‌كانی كه‌ناری ده‌ریاچه‌ی وان و ئه‌رجیش له‌ باكووری‌ كوردستان كردووه‌، به‌مه‌به‌ستی به‌سه‌ربردنی وه‌رزی زستان و درێژه‌دان به‌ ژیان.

قازه‌ سپییه‌كان كه‌ له‌نێو خه‌ڵكیدا به‌ قاز و قوڵنگیش ناسراون، دیمه‌نێكی ناوازه‌یان به‌ ناوچه‌كه‌ به‌خشیووه‌ و، وێنه‌گرانی هه‌واداری باڵنده‌كان و چاودێرانی باڵنده‌كان، له‌ نزیك ئه‌و شوێنانه‌ی قازه‌كان روویان تێكردوون، له‌ هه‌وڵی تۆماركردنی وێنه‌ سه‌رنجڕاكێشه‌كاندان.

قازه‌كان تا كۆتایی مانگی نیسان و گه‌رمداهاتنی كه‌شوهه‌وادا، له‌ زۆنگاوه‌كانی ده‌ریاچه‌ی‌ وان و ده‌وروبه‌ری ده‌مێننه‌وه‌ و، دواتر به‌ره‌و رووسیا كۆچده‌كه‌نه‌وه‌.

1108 جار خوێندراوەتەوە
06/12/2016

بابەتی زیاتر