یانه‌یه‌كی چینی گرێبه‌ستێكی خه‌یاڵی پێشكه‌شی كریستیانۆ رۆناڵدۆی پرتوگالی وئه‌ستێره‌ی یانه‌ی ریاڵ مه‌درید ده‌كه‌ن وئه‌و یاریزانه‌ش گرێبه‌سته‌كه ره‌تده‌كاته‌وه .له‌وباریه‌وه پێگه‌ی لی ده‌سپۆرتی فه‌ره‌نسی ئاشكرای ده‌كات كه یه‌كێك له‌یانه‌كانی وڵاتی چین گرێبه‌ستێكی پێشكه‌شی رۆناڵدۆ كردووه به 300 ملیۆن یۆرۆ و هه‌روه‌ها موچه‌ی ساڵانه‌ی 150 ملیۆن یۆرۆ ، كه ئه‌مه موچه‌یه‌كی زۆر خه‌یاڵی وگه‌وره‌یه ، به‌ڵام راسته‌وخۆ ئه‌ستێره پرتوگالییه‌كه ئه‌و گرێبه‌سته‌ی ره‌تكردۆته‌وه .
لای خۆشییه‌وه خۆرخێ میندێزی بریكاری كاره‌كانی ئه‌و ئه‌ستێره‌یه هه‌واڵه‌كه‌ی پشت راستكردۆته‌وه‌و ئه‌وه‌شی ئاشكراكردووه كه رۆناڵدۆ هیچ كێشه‌یه‌كی مادی نییه .
ئه‌مه‌و رۆناڵدۆ گرێبه‌سته‌كه‌ی له‌گه‌ڵ یانه‌ی شاهانه تا 2021 ده‌خایه‌نێت وموچه‌ی ساڵانه‌شی 20 ملیۆن یۆرۆیه.
737 جار خوێندراوەتەوە
30/12/2016