داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

ئۆباما ئامۆژگاری تره‌مپ ده‌كات

باراك ئۆبامای سه‌رۆكی ویلایه‌ته‌ یه‌كگرتووه‌كانی ئه‌مریكا ئامۆژگاریی سه‌رۆكی هه‌ڵبژێردراوی وڵاته‌كه‌ی كردووه‌ هه‌وڵ نه‌دات پرسه‌كانی كۆشكی سپی هاوشێوه‌ی به‌ڕێوه‌بردنی بازرگانییه‌كی خێزانی راپه‌ڕێنێت.

ئۆباما، له‌ چاوپێكه‌وتنێكیدا له‌گه‌ڵ كه‌ناڵی (ئه‌ی بی سی) وڵاته‌كه‌یدا رایگه‌یاند، ده‌بێت تره‌مپ "رێز" له‌ دامه‌زراوه‌كانی ئه‌مریكا بگرێت.

ته‌ئكیدیشی كرده‌وه‌ له‌وه‌ی له‌ نێوان به‌ڕێوه‌بردنی حكومه‌ت و كه‌مپینی هه‌ڵبژاردنه‌كاندا جیاوازی هه‌یه‌.

ئۆباما ئاماژه‌ی به‌وه‌شكرد، پایته‌ختی وڵاتان، بازاڕه‌كان و خه‌ڵكی به‌ گشتی له‌ سه‌رتاسه‌ری جیهاندا زۆر به‌ "جددیه‌وه‌" وته‌كانی سه‌رۆكی ئه‌مریكا (دۆناڵد تره‌مپ) وه‌رده‌گرن.

"دوای ئه‌وه‌ی كه‌ سوێندت خوارد، تۆ ده‌بیته‌ به‌رپرس له‌ گه‌وره‌ترین رێكخراوی سه‌ر زه‌وی" ئۆباما وایوت.

ئۆباما ئاماژه‌ی به‌ راپۆرتی ده‌زگا هه‌واڵگرییه‌كانی وڵاته‌كه‌ی سه‌باره‌ت به‌ هێرشه‌ گوماناوییه‌كانی روسیا بۆ دروستكردنی كاریگه‌ری له‌سه‌ر هه‌ڵبژاردنه‌كانی ئه‌مریكا له‌ ساڵی ٢٠١٦دا كرد و كاریگه‌ریی ئه‌و راپۆرتانه‌ی "به‌ كه‌م خه‌مڵاندووه‌".

هه‌روه‌ها له‌باره‌ی متمانه‌ی سه‌رۆكی ئه‌مریكا به‌ ده‌زگا هه‌واڵگرییه‌كانی وڵاته‌كه‌ی ئاماژه‌یكرد به‌وه‌ی كه‌ له‌مباره‌یه‌وه‌ گفتوگۆ له‌گه‌ڵ تره‌مپدا كراوه‌ "هه‌ندێك كات دێته‌ پێشه‌وه‌ كه‌ تاكه‌ رێگا بۆ دانی بڕیارێكی باش بریتی ده‌بێت له‌وه‌ی كه‌ متمانه‌ت هه‌بێت به‌وه‌ی كه‌ پرۆسه‌كه‌ كارده‌كات".

510 جار خوێندراوەتەوە
09/01/2017

بابەتی زیاتر