داخستن
بەرنامە کاتی پەخش دووبارە
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
ئه‌ندازه‌ 21:00 24:00
پرد 10:10
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

منداڵەکانی عەلی حەمەساڵح لە پردێ چیان بە یەکتر وتووە؟

عەلی حەمەساڵح پەرلەمانتاری بزوتنەوەی گۆڕان لە پۆستێکدا لە بارەی ڕوداوی رێگری کردنیان لە لایەن هێزەکانی پارتی لە بازگەی پردێ گفتوگۆیەکی نێوان هەردوو منداڵەکەی لە کاتی ڕوداوەکەدا بڵاوکردوەتەوە.
پەرلەمانتارەکەی گۆڕان ڕایگەیاندووە " کاتێک ژماره‌یه‌کی زۆر چه‌کدار میلی ته‌فنگیان هێنایه‌وه‌ له‌ ئۆتۆمبیله‌که‌ی کاک سۆران و چه‌ند چه‌کدارێکیش هاتنه‌ به‌رده‌م ئۆتۆتۆمبیله‌که‌ی من بۆ ئه‌وه‌ی دانه‌به‌زم   
،ڕاڤین(٧ساڵ) به‌ ڕۆڤان(٥ساڵ)ی وت: ڕۆڤان سه‌ردانه‌وێنه‌ با فیشه‌ک لێتنه‌دات!!! "
عەلی حەمەساڵح نوسیویەتی هەردوو منداڵەکەی بەردەوام پرسیاری ئەوەیان کردووە " بابه‌ ئه‌وه‌ چیه‌ بۆ ناهێڵن بڕۆین!" بەڵام بە وتەی خۆی وەڵامی نەداونەتەوە بەو پێیەی ئەوان لەو بارودۆخە تێناگەن و کە بۆچی ڕێگەیان لێدەگیرێت.
هەروەها ئەوەشی نوسیوە ئەوە‌ یه‌که‌م جار نییه‌ باری ده‌روونی منداڵه‌کانی "تێکبده‌ن" و دەڵێت "ئه‌و کاته‌ش هه‌ڵیان کوتیایه‌ سه‌ر ماڵ خه‌زورم (خێزان و منداڵی من له‌وی بوون) و ٢٥ فیشه‌کیان پێوه‌نان وکه‌سێکیان بریندارکردو که‌س نه‌گیرا، تاماوه‌یه‌کی زۆر دۆخی ده‌روونی منداڵه‌کان تێک چووبو."
شەوی ڕابردوو هەردوو پەرلەمانتار سۆڕان عومەر و عەلی حەمەساڵح لە بازگەی پردێ لە لایەن چەکدارانی پارتیەوە ڕێگرییان لێکرا بچنە شاری هەولێر و دوای دوو کاتژمێر دەستبەسەر کردن بەرەو سلێمانی ڕەوانە کرانەوە.

30403 جار خوێندراوەتەوە
11/01/2017

بابەتی زیاتر