داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

سۆران عومه‌ر و عه‌لی حه‌مه‌ ساڵح: سكاڵا تۆمار ده‌كه‌ین


په‌یام ـ سلێمانی

سۆران عومه‌ر ‌و عه‌لی حه‌مه‌ساڵح ڕایانگه‌یاند، له‌ به‌رانبه‌ر ڕێگری‌ لێكردنیان بۆ چوونه‌ ناو شاری‌ هه‌ولێر، سكاڵای‌ یاسایی‌ له‌سه‌ر به‌رپرسانی‌ بازگه‌ی‌ پردێ‌ تۆمار ده‌كه‌ن.

پاش ئه‌وه‌ی‌ شه‌وی‌ ڕابردوو له‌ بازگه‌ی‌ پردێ‌ ڕێگری‌ له‌ هه‌ردوو په‌رله‌مانتار سۆران عومه‌ر و عه‌لی حه‌مه‌ساڵح كرا بچنه‌ ناو شاری‌ هه‌ولێره‌وه‌، ئه‌مڕۆ له‌ كۆنگره‌یه‌كی‌ ڕۆژنامه‌وانیدا ئه‌و په‌رله‌مانتارانه‌ ڕوونكردنه‌وه‌یان له‌باره‌ی‌ ڕووداوه‌كه‌وه‌ خسته‌ ڕوو.

سۆران عومه‌ر له‌وباره‌یه‌وه‌ وتی‌: شه‌وی‌ رابردوو پاش ئه‌وه‌ی‌ گه‌یشتوونه‌ته‌ بازگه‌ی‌ پردێ‌، ڕایان گرتوون، هه‌رچه‌نده‌ له‌ سه‌ره‌تادا وتویانه‌ نایان ناسن، به‌ڵام پاش خۆناساندن و پیشاندانی‌ پێناسیش ڕێگه‌یان نه‌داوه‌ تێپه‌ڕن.

سۆران عومه‌ر ئاماژه‌ی‌ به‌وه‌ش كرد، به‌شێك له‌ به‌رپرس و كارمه‌ندانی‌ بازگه‌كه‌ هه‌ڵسوكه‌وتی‌ نه‌شیاویان نواندووه‌ و هه‌رچه‌نده‌ ئه‌و له‌ ئۆتۆمبێله‌كه‌ی‌ دانه‌به‌زیوه‌، به‌رپرسێك به‌ بۆكس هێرشی‌ كردووه‌ته‌ سه‌ری‌، له‌ هه‌مان كاتدا ئه‌ویش وه‌ڵامی‌ داوه‌ته‌وه‌.

وتیشی‌ "هه‌ستمان كرد رووداوه‌كه‌ به‌ به‌رنامه‌ی‌ پێشوه‌خته‌ بووه‌ و میلی‌ تفه‌نگ و ده‌مانچه‌یان لێ‌ ڕاكێشاین و هه‌ڕه‌شه‌یان لێ‌ كردین، ئه‌گه‌ر به‌رپرسیارانه‌ مامه‌ڵه‌مان نه‌كردایه‌ خوێن ده‌ڕژا".

ئه‌و په‌رله‌مانتاره‌ی‌ كۆمه‌ڵی‌ ئیسلامی‌ ڕایگه‌یاند "پاش نزیكه‌ی‌ دوو كاتژمێر ڕاگرتنمان، به‌رپرسی‌ بازگه‌كه‌ پێیوتین ده‌مدرێژی‌ مه‌كه‌ن"، هه‌روه‌ها وتوشیه‌تی‌ "ئێمه‌ فه‌رمانی سه‌رووی خۆمان جێبه‌جێ ده‌كه‌ین و بۆتان نییه‌ بچنه‌ ناو شاری‌ هه‌ولێره‌وه‌".

لای‌ خۆیشیه‌وه‌ به‌رپرسی نووسینگه‌ی‌ سلێمانیی په‌رله‌مانی كوردستان به‌ ناوی سه‌رۆكایه‌تیی په‌رله‌مان ‌و سه‌رۆك فراكسیۆنه‌كانه‌وه‌، ئیدانه‌ی‌ ئه‌و ڕووداوه‌ی‌ كرد.


1283 جار خوێندراوەتەوە
11/01/2017

بابەتی زیاتر