داخستن
بەرنامە کاتی پەخش دووبارە
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
ئه‌ندازه‌ 21:00 24:00
پرد 10:10
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئەندامانی پێشنیارکراوی ئەنجوومەنی پارێزگای هەڵەبجە یاداشتنامەیەكیان بڵاوكردەوە

ئەندامانی پێشنیاز كراوی ئەنجومەنی پارێزگای هەڵەبجە راگەیەنراوێكیان بڵاوكردەوە تێیدا نیگەرانی خۆیان لە سست بەرێوەچوونی  هەوڵەکان بۆ تەواوکردنی پرۆسەی دروستکردنی پارێزگا،  بۆ بەرژەوەندی گشتی پارێزگاکەيان دەردەبرن 

یاداشتنامەی ئەندامانی پێشنیارکراوی ئەنجوومەنی پارێزگای هەڵەبجە

بەڕێزان/ ئەنجوومەنی وەزیرانی حکومەتی هەرێمی کوردستان
 لیژنەی دروستکردنی پارێزگای هەڵەبجە

بەڕێزان ئێمە وەک ئەندامانی دەسنیشانکراوی ئەنجوومەنی پارێزگای هەڵەبجە، وێڕای گلەیی و نیگەرانیمان لە سست بەڕێوەچوونی هەوڵەکان بۆ تەواوکردنی پرۆسەی دروستکردنی پارێزگا،  بۆ بەرژەوەندی گشتی پارێزگاکەمان، ڕایدەگەیەنین:

۱ـ ئێمە بەبێ ئەوەی چاومان بڕیبێتە پلە و پۆست و ئیمتیازات، ماوەیەکی زۆرە چاوەڕێی واژۆکردنی ناوەکانمان بووین تا خزمەت بە شارەکەمان بکەین و پرۆسەی دروستکردنی پارێزگاکە بخەینەوە سەر ڕێڕەوی ڕاستەقینەی خۆی، و لەو ڕێگایەشەوە بتوانین هەندێک لە خەم و ئازارەکانی خەڵکی ئەم پارێزگایە کەم بکەینەوە، بەڵام بەداخەوە هیچ کەس و لایەنێکی پەیوەندیدار کاردانەوەی ئەرێنییان بۆ هەوڵەکانمان نەبووە.

۲ـ دوای چەند مانگ لەچاوەڕوانی، کە بۆ یەکەمجار کۆبووینەوە لەنێوان خۆماندا بڕیارێکمان بەکۆی دەنگ گەڵاڵەکرد، کە ئێمە ئامادەین بەبێ هیچ ئیمتیازێکی مادی و تەنیا بەو موچەیەی ئێستا خۆمان لەفەرمانگەکانمان وەریدەگرین، بەشێوەی تەنسیب لە ئەنجوومەنەکە دەستبەکار بین و کار بۆ تەواوکردنی پرۆسەی دروستکردنی ئەم پارێزگایە بکەین.

۳ـ ئێمە ماندوو نابین و لە هەوڵەکانمان بەردەوام ئەبین، تا ئەو مافەی هەڵەبجە دەستەبەر دەکەین و وەک پارێزگاکانیتر دەبێتە خاوەنی ئەنجوومەنی تایبەت بەخۆی، کە بەداخەوە تائێستاش ئەو کارانەی کە پەیوەستن بە ئەنجوومەنەوە، یان لەبۆشاییدان، یان لەڕێگای ئەنجوومەنی پارێزگای سلێمانییەوە بەڕێوە دەبرێن.

۴ـ بەبڕوای ئێمە؛ هێشتنەوەی ئەم دۆخەی پارێزگاکە(بە تایبەتی نەبوونی ئەنجوومەن) وا دەکات کە ئێمە نائامادەبین لە هەڵبژاردنی پارێزگاکاندا وەک پارێزگایەکی سەربەخۆ بچینە کێبەرکێی هەڵبژاردنەوە، کە دیسان دەمانباتەوە بۆ مەعمەعەی چۆنێتی دیاریکردنی ئەنجوومەن، یان لەبنەڕەتدا بەپارێزگاکردنی هەڵەبجە دەخاتە ژێر پرسیارەوە و بێ ناوەڕۆکی دەکات.

بۆیە هیوادارین لەمە زیاتر دەستی دەستی بەم پرسە نەکرێت و خاڵ بخرێتە سەر پیتەکان، تا ڕای گشتی و خەڵکی پارێزگاکە بەرچاو ڕوون بن لەهەمبەر ئەم پرسەدا.

ئەندامانی پێشنیارکراوی پارێزگای هەڵەبجە
۲۵ی کانونی دووەمی۲۰۱۷

137 جار خوێندراوەتەوە
25/01/2017

بابەتی زیاتر