داخستن
بەرنامە کاتی پەخش دووبارە
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
ئه‌ندازه‌ 21:00 24:00
پرد 10:10
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ناوەندی زانایانى كۆمەڵ كوشتنی مامۆستایەكی ئایینی دیكە لە شاری هەولێر ئیدانە دەكات


ناوەندی زانایان و بانگەوازی كۆمەڵی ئیسلامی كوشتنی بەناحەقی مامۆستایەكی ئایینی دیكە لە شاری هەولێر ئیدانە دەكات.

ناوەندی زانایان‌و بانگەوازی كۆمەڵی ئیسلامی ڕایگەیاند: ئێمە بە توندی ئیدانەی ئەو كارە تیرۆریستییە دەكەین‌و پێمانوایە سەرەتایەكی زۆر خراپە كە خەڵكانی بێتاوان‌و مامۆستایانی ئایینی بە ئامانج بگیرێن‌و بە ناحەق تیرۆر بكرێن.

شەوی ڕابردوو لە گەڕەكی 121ی گوڵان لە شاری هەولێر مامۆستا مەحمود عوسمان مامۆستای ئایینی‌و خوێندنكاری خوێندنی باڵا لەلایەن چەند چەكدارێكەوە كوژرا.
ناوەندی زانایانی كۆمەڵ لە ڕاگەیەندراوەكەیدا ئاماژە بۆ ئەوەش دەكات "ئەم تاوانە بێجگە لە تیرۆر و تۆقاندنی هاوڵاتیان، تاوانی دزیشی لە خۆگرتووە، ئەگەر بەجددی بەدواداچوونی بۆ نەكرێت هیچ كەس لە سەر و ماڵی خۆی دڵنیا نابێت".

ئەو ناوەندەی كۆمەڵی ئیسلامی داوای دۆزینەوە بكەرانی ئەو ڕووداوە دەكات‌و بە پێویستیشی دەزانێت ئەم دۆسیەیە وەك دۆسیەكانی دیكەی لێنەكرێت، تا چیتر كەس نەوێرێت لەو جۆرە كارانە دووبارە بكاتەوە.

97 جار خوێندراوەتەوە
01/02/2017

بابەتی زیاتر