داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

سلێمانی‌ .. جێگری سه‌رۆكی په‌رله‌مانی عێراق و نوێنەری‌ بان کی‌ مۆن كۆبوونه‌وه‌



نوێنەری‌ سکرتێری گشتی نەتەوە یەکگرتووەکان، جۆرجی‌ بەستین لەگەڵ جێگری‌ سەرۆکی‌ ئەنجوومەنی‌ نوێنەرانی‌ عێراق ئارام شێخ محەمەد کۆبوویەوە و چەندین تەوەریان تاوتوێ کرد.


جۆرجی‌ بەستین، نوێنەری‌ سکرتێری گشتی نەتەوە یەکگرتووەکان، لە نووسینگەی‌ سلێمانی‌ لەگەڵ  ئارام شێخ محەمەد، جێگری‌ سەرۆکی‌ ئەنجوومەنی‌ نوێنەرانی‌ عێراق کۆبوویەوە و چەندین تەوەریان تاوتوێ کرد.

بە پێی زانیارییەکان لە کۆبوونەوەکەدا قۆناغی‌ داوی‌ شەڕی‌ داعش و دیالۆگی نێوان سەرجەم هێزە عێراقییەکان و هەروەها رۆڵی‌ نەتەوە یەکگرتوەکان لە هاوکاری‌ کردنی‌ ئاوارەکانی شەڕی داعش، تاوتوێ کران.

جێگری‌ سەرۆکی‌ ئەنجوومەنی‌ نوێنەرانی‌ عێراق ئارام شێخ محەمەد وێڕای پشتڕاستکردنەوە ئەم زانیارییانە وتیشی‌: "پەیوەندی‌ نێوان هەرێمی‌ کوردستان و بەغدا کۆمەڵێک کێشە و گرفتی‌ رابردوون وەک گرفتی‌ خاک و گرفتی‌ پێشمەرگە و گرفتی‌ نەوت وگرفتی‌ تر، جگە لەم گرفتانە گرفتی‌ نوێ هاتوەتە پێشەوە وەک گرفتی‌ ئەو ناوچانەی‌ کە لە ئێستادا لە ژێر دەسەڵاتی‌ پێشمەرگەدان لەگەڵ ئەمانەش گرفتەکانی‌ تریش وەک خۆی‌ ماونەتەوە و چارەسەر نەکراون".

لای‌ خۆشییەوە نوێنەری‌ نەتەوە یەکگرتوەکان بە رۆژنامەنووسانی‌ وت: "وەک نوێنەری‌ بان کی‌ مۆن سەردانی‌ نووسینگەی‌ سلێمانی‌ ئەنجوومەنی‌ نوێنەرانی‌ عێراقمان کردووە، سوپاس و ستایشی‌ پەرلەمانی‌ عێراقمان کردووە کە رۆڵیان هەبووە لە شەڕی‌ دژی‌ داعش، هەروەها لە کۆبووەکەماندا باسی‌ پەیوەندییەکانی‌ هەرێمی‌ کوردستان و عێراقمان کردووە". 

نوێنەری‌ بان کی‌ مۆن باسی‌ گرفتەکانی‌ نێوان هەرێم و بەغدای کرد و گوتی‌: "ئێمە دەمانەوێت ئەو کێشەو گرفتانەی‌ کە لەنێوان هەرێمی‌ کوردستان و بەغدادا هەیە بەگفتوگۆ چارەسەر بکرێت".


ـ ئاژانسی ئه‌نادۆڵ

373 جار خوێندراوەتەوە
01/02/2017

بابەتی زیاتر