داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

پێنج خولە گەورەکەی تۆپی پێی وڵاتانی ئەورووپا




جۆش و خرۆشی پێنج خولە گەورەکەی تۆپی پێی وڵاتانی ئەورووپا، ئینگلتەرا (پرێمیەر لیگ)، ئیسپانیا (لا لیگا)، ئەڵمانیا (بۆندسلیگا)، ئیتاڵیا (سێری ئەی) و فەڕەنسا (لیگ یەک) بەیارییەکانەوە دیاربوو.

هەریەک لە چێڵسی لە ئینگلتەرا، ریال مەدرید لە ئیسپانیا، بایەرن میونخ لە ئەڵمانیا، یوڤێنتوس لە ئیتاڵیا و مۆناکۆ لە فەڕەنسا، توانییان پارێزگاریی لە پێشەنگیی خۆیان لە خولەکاندا بکەن.

- لا لیگا

هەریەک لە ریال مەدرید و بەرشەلۆنە کە رکابەریی یەکتر دەکەن بۆ بوونە پاڵەوانی لا لیگا لە هەفتەی 31دا، خاڵیان لەدەستدا.

یاریی دێربی نێوان ریال و ئەتلەتیکۆ مەدریددا، بە یەکسانبوونیان بە گۆڵێک بۆ هەر لایەکیان کۆتاییهات.

هاوکات یانەی بەرشەلۆنە تووشی شکست هات لە بەرامبەر یانەی مالەگادا بەئەنجامی 2-0.

- پرێمیەر لیگ

یانەی چێڵسی پێشەنگی پرێمیەر لیگ توانی لە یارییەکانی هەفتەی 32ی خولەکەدا، بەئەنجامی 3-1 لە یانەی بۆرنێماوسی بباتەوە و کۆی خاڵەکانی گەیاندە 75 خاڵ.

- بۆندسلیگا

لەمیانی یارییەکانی هەفتەی 28ی بۆندسلیگادا، یانەی بایەرن میونخ میوانداریی یانەی بوروسیا دۆرتمۆندی کرد و یارییەکەی بە ئەنجامی 4-1 لێبردەوە و توانی پارێزگاریی لە پێگەی خۆی بکات.

- سێری ئەی

لە خولی ئیتاڵیادا یانەی یوڤێنتوس میوانداریی یانەی کیێڤۆی کرد و بەئەنجامی 2-0 یارییەکەی لێبردەوە.

لە کۆتایی هەفتەی 31دا یانەی یوڤێنتوس توانی کۆی خاڵەکانی بگەیەنێتە 77 خاڵ و لە پێشەنگدا بمێنێتەوە. بەو شێوەیەش 6 خاڵ لە پێش رۆماوە و 10 خاڵ لەپێش ناپۆلییەوەیە.

- لیگ یەک

هەریەک لە یانەکەنی مۆناکۆ و پاریس سان جێرمان کە لە پلەی یەک و دووی ریزبەندی خولی فەڕەنسادان، هەفتەی 32یان بە بردنەوە تەواو کرد.

لە یارییەکدا یانەی پاریس سان جێرمان بەئەنجامی 4-0 لە یانەی گوینگامپی بردەوە و مۆناکۆش لە دەرەوەی یاریگای خۆی بە ئەنجامی 1-0 سەرکەوتنی بەسەر ئانگەرزدا بەدەست هێنا.

هەردوو یانە یارییەک کەمتریان ئەنجامداوە و مۆناکۆ بە 74 خاڵ پێشەنگی خولەکەیە و پاریس سان جێرمان بە 71 خاڵ لە پلەی دووەمدایە.


1236 جار خوێندراوەتەوە
10/04/2017

بابەتی زیاتر