داخستن
بەرنامە کاتی پەخش دووبارە
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
ئه‌ندازه‌ 21:00 24:00
پرد 10:10
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

به‌رهه‌م ساڵح : نه‌وشیروان مسته‌فا بەوپەڕی ئەمانەتەوە بەڵێنەکانی خۆی بەجێگەیاند

په‌یام

كاتژمێر 8ی به‌ره‌به‌یانی ئه‌مڕۆ هه‌ینی 19-5-2019 نه‌وشیروان مسته‌فا ڕێكخه‌ری گشتی بزووتنه‌وه‌ی گۆڕان كۆچی دوایی كرد

دكتۆر به‌رهه‌م صاڵح به‌و بۆنه‌یه‌وه‌ په‌یامێكی بڵاو كرده‌وه‌ كه‌ئه‌مه‌ ده‌قه‌كه‌یه‌تی :

بەداخەوە ئەمڕۆ گەلی کوردستان ڕێبەرێکی گەورەی لەدەستدا. کاک نەوشیروان وێڕای ئەوەی بۆ زۆربەمان مامۆستا و سەرکردە و جێگەی هیوای گەلێکی مەزڵومیش بوو، کەمێژوویەکە لەپێناو ئازادیی نیشتیمانەکەی و دادپەروەری بۆ گەلەکەی، سەخترین تێکۆشانی نەپساوەی هەڵگیرساندووە.
کاک نەوشیروان وێڕای کەسایەتیە کاریگەر و کارێزماییەکەی، نەخشەکێش و سەرکردەیەکی پشودرێژی چەندین وێستگەی گرنگی ناو مێژووی زیاتر لە چارەگە سەدەیەکی شۆڕش و کوردایەتی بوو. ئەندازیارێکی دیار و کاریگەری شۆڕشی نوێ و ڕاپەڕین بوو، کەلەسۆنگەیاندا ئەم ڕۆژگارانەی ئازادی و ئەزموونی خۆبەڕێوەبردنی میللەتەکەمان بەدیهاتن.
با کۆچی دوایی ئەو ڕێبەرە مەزنە بکەین بەهەوێنی ئاشتەوایی و یەکڕیزی و هاوخەباتی نوێ، لەپێناو سەرخستنی خەباتی ڕەوای گەلەکەمان و بەزیندوویی هێشتنەوەی ئەو بەهاو باوەڕە بەرزانەی، کاک نەوشیروان زیاتر لەنیوسەدە، سەربەرزانە لەپێناویاندا، خەباتی کەم وێنەی کرد. با هاوڕێ دڵسۆزەکانی کاک نەشیروان، تێكۆشەرانی ڕاستەقینەی کوردایەتی و دادپەروەری، هاوکار و هاوپەیمان بین بۆ ئازادی و دادپەرەری و خزمەتی خەڵکی.
کاک نەوشیروانی ڕابەر و سەرکردە ئەمڕۆ بەئەوپەڕی ئەمانەتەوە ، بەڵێنەکانی خۆی بەجێگەیاند، کاتێک لەگەڵ مام جەلالی هاوڕێ و هاوخەباتی لەژێر تاشەبەردێکی نیشتیماندا بەڵێنیاندا بۆ گەلەکەیان بژین و لەناو گەلەکەیاندا بمرن.
بەرهەم ساڵح
سلێمانی
۱۹ / ٥ / ۲٠۱۷

4942 جار خوێندراوەتەوە
19/05/2017

بابەتی زیاتر