داخستن
بەرنامە کاتی پەخش دووبارە
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 3:17
نیوه‌ڕۆ 12:17
عه‌سر 4:05
ئێواره‌ 7:29
خه‌وتنان 8:44

سعوودیە دەستی بەسەر بەلەمێكی هەڵگری چەك و تەقەمەنیدا گرت

 


ئاژانسی هەواڵی فەرمی سعوودیە: "هێزی دەریایی سعوودیە رووبەڕووی سێ‌ بەلەم بوونەوە كە هەوڵیاندا كێڵگەیەكی نەوتی هاوبەش لەگەڵ ئێراندا بكەنە ئامانج".

سعوودیە رایگەیاند كە هێزە دەریاییەكانی رووبەڕووی سێ‌ بەلەم بوونەوە كە هەوڵیاندا كێلگەی نەوتی مەرجانی ئەو وڵاتە بكەنە ئامانج كە كێڵگەیەكی هاوبەشە لەگەڵ ئێران و دەكەوێتە كەنداوی عەرەبی.

ئاژانسی هەوڵی فەرمی سعوودیە لە زمانی سەرچاوەیەكی بەرپرسی وڵاتەكەی راگەیاند كە ئێوارەی رۆژی هەینی رابردوو سێ‌ بەلەم كە ئاڵای سپی و سووریان هەڵگرتبوو هاتنە ناو سنووری درەیایی سعوودیە.

بەرپرسەكە گوتوویەتی: "سێ‌ بەلەمەكە بە خێراییەكی زۆری بەرەو كێڵگەی نەوتی مەرجانی سعوودیە دەرۆیشتن و دواتر هێزی دەریایی سعوودیە بە تەقەكردن بەلەمەكانیان ئاگادار كردەوە".

بە گوتەی بەرپرسەكە، یەكێك لە بەلەمەكان دەستی بەسەردا گیرا كە چەكی هەڵَگرتبوو و دوو بەلەمەكەی دیكەش هەڵاتوون.

كێڵگەی مەرجانی سعوودیە كێڵگەی نەوتی هاوبەشە لەگەڵ كێڵگەی فروزانی ئێران لە كەنداوی عەرەبی.

پێشتریش ئاژانسی هەواڵی فەرمی ئیرنای ئێران بڵاوی كردەوە كە شەوی هەینی رابردوو، هێزی دەریایی سعوودیە تەقەی لە سێ‌ بەلەمی راوچی ئێرانی كردبوو دوای ئەوەی بەبێ‌ هیچ مەبەستێك چووبوونە ناو سنووری دەریایی سعوودیەوە.

ئاژانسەكە راشیگەیاند كە بە هۆی تەقەكردنەكەوە یەكێك لە راوچییەكان كوژراوە.


1284 جار خوێندراوەتەوە
19/06/2017

بابەتی زیاتر