داخستن
بەرنامە کاتی پەخش دووبارە
هەواڵى سياسى 10:00 + 12:00 + 14:00 + 17:00 + 18:00 + 19:00 + 20:00 + 22:00 + 23:00 + 23:45
هەواڵی وەرزشی 10:30 + 13:00 شيكارى وەرزشی + 18:30 + 23:30
ئەمرۆ 10:10 شەو، جگە لە رۆژانی هەینی 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 3:17
نیوه‌ڕۆ 12:17
عه‌سر 4:05
ئێواره‌ 7:29
خه‌وتنان 8:44

ھەرێم و عێراق و تورکیا بەنیازن چەند بەنداوێک لەسەر سنوور درووست بکەن

په‌یام


عەبدولستار مەجید وەزیری کشتوکاڵ و سەرچاوەکانی ئاو پێشوازی کرد لە شاندێکی وەزارەتی سەرچاوەکانی ئاوی عێراق کە پێکھاتبوو لە مەدیحە عوسمان یاریدەدەری بەڕێوەبەری گشتی مەڵبەندی توێژینەوەو دیزایینە ئەندازەییەکان و حاتەم حەمید لە مەڵبەندی نیشتمانی بەڕێوەبردنی سەرچاوەکانی ئاوو عەباس عەبدولکازم لە دەستەی گشتیی بەنداوو کۆگاکانی ئاو و عەممار عەبدلوەھاب نوێنەری وەزارەتی کارەبای عێراق.

لە کۆبوونەوەیەکدا کە بەڕێوەبەرانی گشتیی سەرچاوەکانی ئاوو پلان و بەدواداچوون ئامادەی بوون، باس لە ئامانجی ئەو سەردانە کرا کە تایبەتە بە پرۆژەگەلێکی درووستکردنی چەند بەنداوێک بە ھاوکاریی عێراق و حکومەتی تورکیا، لەوانە بەنداوی حاجی بێگ و زابی بچووک لە سەر خابوور.

وەزیری کشتوکاڵ و سەرچاوەکانی ئاو وێڕای قسەکردن لەسەر چۆنێتیی درووستکردن و تەواوکردنیان، دووپاتی کردەوە "وەک وەزارەت لە ھەرێمی کوردستان مەرجی ئەوەیان ھەیە کە پێش درووستکردن پێویستە رێکەوتنی سێ لایەنە بکرێت لەنێوان ھەرێمی کوردستان و عێراق و وڵاتی تورکیا، ھەروەھا بۆ ئەوەی بزانرێت ماف و دەستکەوتەکانی ئەو ھەموو لایەنانە لەو پڕۆژانە چی دەبێت؟"

وتیشی "بۆ ئەوەی متمانەی نێودەوڵەتیی لەسەر مسۆگەربکرێت تاکو لە ئاییندەدا کێشەمان بۆ درووست نەبێت"

لە تەوەرێکی دیکەدا ھەموو لا ھاوڕاوکۆک بوون کە لە داھاتوودا کۆبوونەوەکان بە بەشداریی نوێنەری حکومەتی تورکیا لەنێوان ئەو لایەنە پەیوەندیدارانە بەردەوام بن تاکو بگەنە دوا رێکەوتن و بڕیار لەسەردانی جێبەجێ کردنی ئەو پڕۆژانە.

1404 جار خوێندراوەتەوە
18/08/2017

بابەتی زیاتر