داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

زریانی هارڤی كاره‌ساتی له‌ چه‌ند ویلایه‌تێكی ئه‌مریكا دروستكردووه‌


ژماره‌ی ئه‌و كه‌سانه‌ی کە له‌ ئه‌نجامی زریانی هارڤی كه‌ ویلایه‌تی تێكساسی باشووری ئه‌مریكای گرتووه‌ته‌وه‌ گیانیان له‌ده‌ستدا، گه‌یشته‌ 10 كه‌س.

ده‌زگای به‌ڕێوه‌بردنی بارودۆخی له‌ناكاوی فیدراڵی كه‌ سه‌ربه‌ وه‌زاره‌تی ئاسایشی ناوخۆی ئه‌مریكایه‌ له‌ روونكردنه‌وه‌یه‌كیدا ئاماژه‌ی به‌وه‌ كرد كه‌ ژماره‌ی ئه‌و كه‌سانه‌ی له‌ ئه‌نجامی ئه‌و كاره‌ساته‌ گیانیان له‌ده‌ستداوه‌ گه‌یشتووه‌ته‌ 10 كه‌س و، هۆشداریدا له‌باره‌ی ئه‌وه‌ی كه‌ ره‌نگه‌ 450 هه‌زار كه‌س پێویستیان به‌ هاوكاری فیدراڵی و، 30 هه‌زار كه‌سیش پێویستیان به‌ شوێنی مانه‌وه‌ی كاتیی هه‌بێت.

له‌ روونكردنه‌وه‌كه‌دا باس له‌وه‌ كراوه‌ كه‌ له‌ هاریس شه‌ش كه‌س و له‌ مۆنتگۆمیری دوو كه‌س و له‌ رۆكپۆرت و لامارگوی دوو كه‌س گیانیان له‌ده‌ستداوه‌.

له‌ شاری هیوستن كاره‌كانی گه‌ڕان و رزگاركردن درێژه‌ی هه‌یه‌ كه‌ به‌هۆی بارانی به‌خوڕه‌وه‌ لافاو تیایدا دروستبووه‌.

ته‌واوی سه‌ربازانی پارێزی نیشتمان كه‌ له‌ 12 هه‌زار كه‌س له‌ تێكساس پێكهاتووه‌، به‌شداری كاره‌كانی هیوستن ده‌كه‌ن.

به‌رپرسانی ناوخۆی ناوچه‌كه‌، ئاماژه‌ به‌وه‌ ده‌كه‌ن كه‌ باران بارینه‌كه‌ به‌درێژایی هه‌فته‌ به‌رده‌وام ده‌بێت و، داوایان له‌ خه‌ڵكی كرد به‌ ئۆتۆمبێله‌كانیانه‌وه‌ نه‌كه‌ونه‌ڕی.

429 جار خوێندراوەتەوە
29/08/2017

بابەتی زیاتر