داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

كۆمه‌ڵی ئیسلامی كوردستان به‌بۆنه‌ی سه‌ری ساڵی كۆچییه‌وه‌ په‌یامێك بڵاوده‌كاته‌وه‌


به‌بۆنه‌ی هاتنی ساڵی 1439 ی كۆچیه‌وه‌، ئه‌نجومه‌نی سیاسی كۆمه‌ڵی ئیسلامی كوردستان پیرۆزبایی ئاراسته‌ی موسوڵمانانی جیهان به‌ گشتیی و موسوڵمانان و گه‌لی كوردستان به‌ تایبه‌تی ده‌كات


بسم الله الرحمن الرحیم

إِلَّا تَنْصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ فَأَنْزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَىٰ ۗ وَكَلِمَةُ اللَّهِ هِيَ الْعُلْيَا ۗ وَاللَّهُ عَزِيزٌ حَكِيمٌ

به‌بۆنه‌ی هاتنی ساڵی 1439 ی كۆچیه‌وه‌ ، پیرۆزبایی گه‌رم پێشكه‌شی موسوڵمانانی جیهان به‌ گشتیی و موسوڵمانان و گه‌لی كوردستان به‌ تایبه‌تی ده‌كه‌ین ، له‌خوای باڵاده‌ست ده‌خوازین بیكاته‌ ساڵی به‌ده‌ستهێنانی هێواو ئاواته‌ گه‌وره‌و له‌ مێژینه‌كانی گه‌له‌كه‌مان ، به‌ تایبه‌تی گه‌ڕانه‌وه‌ی سه‌قامگیریی سیاسیی و كۆمه‌ڵایه‌تیی و یه‌كڕیزیی نیشتمانیی .

كۆچی پێغه‌مبه‌ری سه‌روه‌رمان ( صلی الله علیه وسلم ) له‌ مه‌ككه‌وه‌ بۆ مه‌دینه‌ ، هه‌ڵاتنی رۆژێكی نوێ بوو ، بۆ ئه‌وه‌ی مرۆڤایه‌تیی له‌ تاریكیی گومڕایی ببات به‌ره‌و رووناكیی و ئازادیی و رزگاربوون له‌ كۆت و زنجیره‌كان ، هه‌روه‌كو خوای گه‌وره‌ش ئه‌و پێناسه‌یه‌ی بۆ ئه‌و نازداره‌ كردووه‌ {  الَّذِينَ يَتَّبِعُونَ الرَّسُولَ النَّبِيَّ الْأُمِّيَّ الَّذِي يَجِدُونَهُ مَكْتُوبًا عِنْدَهُمْ فِي التَّوْرَاةِ وَالْإِنْجِيلِ يَأْمُرُهُمْ بِالْمَعْرُوفِ وَيَنْهَاهُمْ عَنِ الْمُنْكَرِ وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ وَيَضَعُ عَنْهُمْ إِصْرَهُمْ وَالْأَغْلَالَ الَّتِي كَانَتْ عَلَيْهِمْ ۚ فَالَّذِينَ آمَنُوا بِهِ وَعَزَّرُوهُ وَنَصَرُوهُ وَاتَّبَعُوا النُّورَ الَّذِي أُنْزِلَ مَعَهُ ۙ أُولَٰئِكَ هُمُ الْمُفْلِحُونَ } .

ئه‌و پێغه‌مبه‌ره‌ نازداره‌ ره‌حمه‌ت بوو بۆ هه‌موو جیهانیان و له‌سه‌ر بنه‌مای مرۆڤایه‌تیی دادگه‌ریی چه‌سپاند هه‌روه‌كو خودا ده‌فه‌رموێت { و لقد كرمنا بنی آدم } ، نه‌ك له‌سه‌ر بنه‌مای ئایدیۆلۆژیی و جیاكاریی ، هه‌روه‌كو ده‌فه‌رموێت { لا إكراه فی الدین } یا ده‌فه‌رموێت { فمن شاء فالیؤمن و من شاء فالیكفر } ، رێبازی تێكۆشانه‌كه‌شی بۆ چه‌سپاندنی دادگه‌ریی به‌رفراوانی كۆمه‌ڵایه‌تی بوو { إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَىٰ وَيَنْهَىٰ عَنِ الْفَحْشَاءِ وَالْمُنْكَرِ وَالْبَغْيِ ۚ يَعِظُكُمْ لَعَلَّكُمْ تَذَكَّرُونَ } هه‌ربۆیه‌ چه‌وساوه‌كان له‌ ریزی پێشه‌وه‌ی خه‌باته‌كه‌یدا بوون ، بوونه‌ گه‌وره‌و سه‌رداری مرۆڤایه‌تیی ، كه‌ به‌ خه‌ونیش له‌ مێژووی مرۆڤایه‌تیدا رووداوی له‌و شێوه‌یه‌ رووی نه‌دابوو .

كۆچی پێغه‌مبه‌ری نازدار له‌ مه‌ككه‌وه‌ بۆ مه‌دینه‌ ، گۆڕانكارییه‌كی گه‌وره‌ی سیاسیی بوو كه‌ تا ئه‌و كاته‌ جیهان دیارده‌ی له‌و شێوه‌یه‌ی نه‌دیبوو ، ئه‌وه‌ بوو بۆ یه‌كه‌مین جار له‌ مێژووی مرۆڤایه‌تیدا یه‌كه‌مین ده‌ستووری مه‌ده‌نیی و شارستانیی نوسراو له‌ نێوان موسوڵمانان و جوله‌كه‌و بێباوه‌ڕانی هاوپه‌یمانیاندا ئه‌رك و مافی هه‌موانی به‌رانبه‌ر نیشتمان و قه‌واره‌ی نوێ دیاریی كردبوو ، هه‌موانیش به‌ سه‌ركردایه‌تیی ئه‌و سه‌رداره‌ی مرۆڤایه‌تیی رازیی بوون و ئاماده‌ی قوربانیدان بوون .

له‌ ئه‌مڕۆدا كه‌ جیهانی ئیسلامیی به‌ گشتیی و هه‌رێمی كوردستان به‌ تایبه‌تیی تووشی قه‌یرانی پێشێلكاریی ده‌ستووریی بوونه‌ته‌وه‌ و نه‌هامه‌تی یه‌خه‌ی گرتوون و له‌ به‌رانبه‌ر گه‌لان و وڵاتانی تردا بێهێزو ناكارامه‌ن و قورسایی خۆیان له‌نێو كۆمه‌ڵگه‌ی نێوده‌وڵه‌تیدا له‌ده‌ستداوه‌ ، ئه‌م بۆنه‌ پیرۆزه‌ باشترین بیرخه‌ره‌وه‌یه‌ بۆ ئه‌وه‌ی هه‌موان بگه‌ڕێنه‌وه‌ بۆ یاسا سه‌روه‌ریی و به‌وه‌ هه‌موان وه‌كو یه‌ك له‌به‌رده‌می یاسادا مافیان هه‌بێت و ئه‌ركه‌كانیان جێبه‌جێ بكه‌ن ، هه‌ر ئه‌وه‌شه‌ زامنی پێشكه‌وتن و به‌ده‌ستهێنانی ده‌سكه‌وتی گه‌وره‌ .

جارێكی تر پیرۆز بێت ئه‌م بۆنه‌ شیرینه‌ و خوای گه‌وره‌ بیكاته‌ مایه‌ی خێر و سه‌ركه‌وتنمان ...

 

  ئه‌نجومه‌نی سیاسیی

كۆمه‌ڵی ئیسلامیی كوردستان


704 جار خوێندراوەتەوە
20/09/2017

بابەتی زیاتر