داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
ژێرخان 10:10 شه‌و، ته‌نها رۆژانی شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان
بەیانی 4:27
نیوه‌ڕۆ 11:54
عه‌سر 2:59
ئێواره‌ 5:48
خه‌وتنان 6:58

کێڵگە نەوتییەکانی‌ بای‌ حەسەن و هاڤانا له‌لایه‌ن حه‌شدی‌ شه‌عبییه‌وه‌ کۆنترۆڵکران

به‌پێی‌ زانیارییه‌كان کێڵگە نەوتییەکانی‌ بای‌ حەسەن و هاڤانا له‌لایه‌ن حه‌شدی‌ شه‌عبییه‌وه‌ کۆنترۆڵکراون

پێشتریش فەرماندەی ئۆپەراسیۆنە هاوبەشەکانی عێراق ڕایگەیاند، دەستیان بەسەر کێڵگەی نەوتی بابەگوڕگوڕدا گرتووە، سوپای عێراقیش ڕایگەیاند، هێزەکانیان لە فڕۆکەخانەی سەربازی کەرکوک بڵاوبووەتەوە.

هاوکات پۆلیسی ئیتیحادی ڕایگەیاند چوونەتە ناو فڕۆکەخانەی کەرکوکەوە هێزەکانیان لەناو فڕۆکەخانەکەدا بڵاوکراونەتەوە.

هەروەها هێزەکانی حەشدی شەعبی لە ئێستادا چوونەتە ناو گەڕەکی فەیلەقی شاری کەرکوکەوە و هێزەکانی پێشمەرگە و ئاسایش و پۆلیسی شارەکەش لە هەوڵدان بۆ ڕێگریکردن لە پێشڕەوییەکانیان.

هاوكات ئه‌نجومه‌نی وزاری بۆ ئاسایشی نیشتمانیی عێراق، رایده‌گه‌یه‌نێت: ده‌بێت له‌ناوچه‌ جێناكۆكه‌كان، هێزه‌ ئه‌منیه‌كانی‌ عێراق جێگیر بكرێن و له‌ژێر فه‌رمانده‌یی حكومه‌تی به‌غدا بن.
نوسینگه‌ی راگه‌یاندنی، سه‌رۆك وه‌زیرانی عێراق، راگه‌یه‌ندراوێكی بڵاوكردووه‌ته‌وه‌، و رایگه‌یاندووه‌، له‌ كۆبوونه‌وه‌ی ئه‌نجومه‌نی وزاری ئاسایشی نیشتمانیی له‌گه‌ڵ حه‌یده‌ر عه‌بادی، فه‌رمانده‌ی گشتی هێزه‌ چه‌كداره‌كان، جه‌خت له‌وه‌كراوه‌ته‌وه‌، ناوچه‌ جێناكۆكه‌كان، له‌لایه‌ن هێزكانی فیدراڵی و هێزه‌خۆجێییه‌كان به‌ڕێوه‌ببرێت.
له‌راگه‌یه‌ندراوه‌كه‌دا، هاتووه‌ لایه‌نه‌جێبه‌جێكاره‌كانی ریفراندۆم به‌بانگه‌شه‌ی جیاجیا، كه‌شێكی سه‌ربازییان دروستكردووه‌، بۆ سه‌رلێشێواندنی هاوڵاتی كورد، هۆشداریداوه‌، له‌ هه‌ڵكشانی ئاستیی  گرژییه‌كان، و ده‌ڵێت هێزه‌كانی هه‌رێمی كوردستان، له‌ده‌ره‌وه‌ی سنووری هه‌رێم ده‌یانه‌وێت وڵات به‌ره‌و شه‌ڕێكی ناوخۆیی ببه‌ن و نیه‌تی ئه‌وه‌یان هه‌یه‌ به‌ هێز ئه‌مری واقیع بسه‌پێنن.
ئه‌نجومه‌نی وزاری بۆ ئاسایشی نیشتمانیی عێراق جه‌ختی‌ له‌سه‌ر ئه‌وه‌شكردوه‌ته‌وه‌ كه‌ هێزێكی زۆری سوپای عێراق و حه‌شدی شه‌عبی له‌ سنوری كه‌ركوك جێگیركراون و هێزه‌كانی‌ پێشمه‌رگه‌ش له‌ سه‌نگه‌ره‌كانی‌ خۆیاندا ئاماده‌ن.  


2699 جار خوێندراوەتەوە
16/10/2017

بابەتی زیاتر