Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

به‌پرسێكی‌ یه‌كێتی‌ به‌پێویستی‌ ده‌زانێت سه‌رۆكایه‌تی هه‌رێم هه‌ڵبوه‌شێنرێته‌وه‌


ئه‌ندامێكی سه‌ركردایه‌تی‌ یه‌كێتی‌ نیتشیمانی‌ كوردستان رایده‌گه‌یه‌نێت پێویسته‌ ده‌زگای سه‌رۆكایه‌تی هه‌رێم له‌ بنه‌ڕه‌ته‌وه‌ هه‌ڵبوه‌شێته‌وه‌ و سیسته‌مه‌كه‌ بكرێته‌ په‌رله‌مانی و تا هه‌ڵبژاردنی داهاتوو حكومه‌تێكی نیشتمانی پێكبهێندرێ. 

ئارێز عه‌بدوڵلاَ ئه‌ندامی سه‌ركردایه‌تی‌ یه‌كێتی‌ نیشتیمانی‌ له‌ نوسینێكدا ده‌ڵێت هۆكاری ئه‌و نه‌هامه‌تیه‌ گه‌وره‌یه‌ی به‌سه‌ر گه‌له‌كه‌ماندا هاتووه‌ دیاره‌و ده‌بێ لایه‌نه‌ بڕیارده‌ره‌كانی، دانی‌ پیابنێن و ئۆباڵه‌كه‌ هه‌ڵبگرن.
ئارێز عه‌بدولاَ ده‌ڵێت بارودۆخی كوردستان چیتر به‌رگه‌ی درێژه‌دان به‌و سیسته‌مه‌ حوكمڕانی و سیاسیه‌ سه‌قه‌ته‌و قه‌یرانه‌كان ناگرێ. بۆ ئه‌وه‌ی خراپتر و وڵاته‌كه‌مان وێرانتر نه‌بێ، نابێ چیتر خۆ له‌گێلی بدرێ و له‌ ئاستی كاره‌سات و هۆكاره‌كانی چاومان بنوقێنین.
له‌باره‌ی‌ رێگاچاره‌كانی‌ ئه‌م قۆناغه‌ی‌ ئێستای هه‌رێمی كوردستان ئه‌و ئه‌ندامه‌ی سه‌ركردایه‌تی‌ یه‌كێتی‌ رایده‌گه‌یه‌نێت پێویسته‌ په‌رله‌مان به‌ ئاماده‌بوونی هه‌موو لایه‌نه‌كان كارا و كاریگه‌ر بكرێ و ده‌زگای سه‌رۆكایه‌تی هه‌رێم له‌ بنه‌ڕه‌ته‌وه‌ هه‌ڵبوه‌شێته‌وه‌، بۆ ئه‌وه‌ی سیسته‌مه‌كه‌ بكرێته‌ په‌رله‌مانی و تا هه‌ڵبژاردنی داهاتوو حكومه‌تێكی نیشتمانی له‌ هه‌موو لایه‌نه‌ سیاسیه‌كان پێكبهێندرێ.
ئارێز عه‌بدوڵلاَ جه‌خت له‌سه‌ر ئه‌وه‌ ده‌كاته‌وه‌ كه‌ ئه‌گه‌ر ئه‌م هه‌نگاوانه‌ به‌زوویی نه‌نرێن و قه‌یرانه‌ سیاسی و یاساییه‌كانی كوردستان تێنه‌په‌رینین ئه‌وا لانی كه‌م قه‌یرانێكی ئابوری چاوه‌ڕوانكراو وڵاته‌كه‌ هه‌ڵده‌ته‌كێنێ.

1311 جار خوێندراوەتەوە
21/10/2017

بابەتی زیاتر