Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

به‌غدا بودجەی 2018ی په‌سه‌ندكردو پشكی‌ هه‌رێمیش بۆ له‌سه‌دا 12 كه‌مكراوه‌ته‌وه‌


ئامانج ڕەحیم سكرتێری ئەنجومەنی وەزیرانی هەرێم لەئەكاونتی تایبەتی خۆی لە تۆڕی كۆمەڵایەتی فەیسبوك بڵاویكردەوە: حكومەتی عیراق پرۆژەیاسای بودجەی 2018ی بەهەموو ئەو بڕگە نادەستورییانەی لەدژی هەرێم هەبوون، پەسەندكرد.

ئاماژه‌ی‌ به‌وه‌شكردووه‌ ئەمڕۆ 5ی تشرینی دووەمی 2017، ئەنجومەنی وەزیرانی حكومەتی فیدڕاڵ پڕۆژەیاسای بودجەی گشتی فیدڕاڵی ساڵی 2018 ی پەسەندكرد بەهەموو ئەو بڕگە نا دەستورییانەی لە پڕۆژەكەدا لە دژی بەرژەوەندی هەرێم هاتبوو، بەتایبەتش لابردنی ناوی (هەرێمی كوردستان ـ عێراق) لە ناو پڕۆژەكەو ناونانی هەرێم بە (پارێزگاكانی باكووری عێراق).

ئه‌وه‌شی‌ خستوووه‌ته‌ڕوو: ئەمە سەرپێچییەكی زەقی بڕگەی یەكەمی هەردوو ماددەی117 و 121 ی دەستووری‌ عێراقە، كە دانی بەهەرێمی كوردستان و گشت دەسەڵاتەكانیدا ناوە وەك هەرێمێكی فیدڕاڵی، ئەمە سەرەڕای ناوهێنانی وەزارەتی دارایی و ئابووری هەرێم بە وەزارەتی دارایی پارێزگاكان و ناوهێنانی دیوانی چاودێری دارایی هەرێمیش بە دیوانی چاودێری دارایی پارێزگاكان.

سكرتێری ئەنجومەنی وەزیرانی هەرێم  راشیگه‌یاندووه‌: هه‌ر له‌ پڕۆژه‌ یاساكه‌دا حكومه‌تی‌ عێراق بەشە بوودجەی هەرێمی‌ بۆ 12.6% كه‌مكردووه‌ته‌وه‌و تەنها بڕی 334 ملیار دیناری مانگانەی‌ بۆ گشت موچەخۆران بە خانەنشینان و سودمەندانی كۆمەڵایەتی و مینحەی كەسوكاری شەهیدانیشەوە، ته‌رخانكردووه‌.

بەوتەی سكرتێری ئەنجومەنی وەزیرانی هەرێم، ئەو بڕیارەی بەغدا ئاماژەیەكی مەترسیدارە بە ئاڕاستەی ئامانجی هەڵوەشاندنەوەی سیستمی فیدڕاڵی لەعێراق و گەڕانەوە بۆ دەوڵەتی ناوەندیی.

900 جار خوێندراوەتەوە
05/11/2017

بابەتی زیاتر