Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

وه‌زیری‌ ده‌ره‌وه‌ی‌ ئه‌مریكا: 98% ناوچه‌كانی‌ ژێر ده‌ستی‌ داعش ئازادكراوون

وه‌زیری‌ ده‌ره‌وه‌ی‌ ئه‌مریكا له‌ كۆبوونه‌وه‌ی‌ هاوپه‌یمانی‌ نێوده‌وڵه‌تی‌ دژ به‌ داعش له‌ كوێت رایگه‌یاند، 98% ئه‌و خاكه‌ی‌ كه‌ له‌ژێر ده‌ستی‌ داعش بووه‌ كۆنترۆڵكراوه‌ته‌وه‌.

ریگس تیله‌رسن وه‌زیری‌ ده‌ره‌وه‌ی‌ ئه‌مریكا له‌ كۆبوونه‌وه‌ی‌ هاوپه‌یمانی‌ نێوده‌وڵه‌تی‌ دژ به‌ داعش له‌ كوێت رایگه‌یاند، 98% ناوچه‌كانی‌ ژێر ده‌ستی‌ داعش له‌ عێراق و سووریا له‌ پاككراونه‌ته‌وه‌و داعشی‌ تێدا له‌ناوبراوه‌.

هاوكات ئیداره‌ی ئه‌مریکا داوای ته‌رخانکردنی 39 ملیار و 300 ملیۆن دۆلاری له‌ پرۆژه‌ یاسای بوودجه‌ی ساڵی 2019دا بۆ وه‌زاره‌تی ده‌ره‌وه‌ و ئاژانسی گه‌شه‌پێدانی نێوده‌وڵه‌تی ئه‌مریکا ناسراو به‌ USAID له‌ کۆنگرێس کردووه‌.

وه‌زاره‌تی ده‌ره‌وه‌ی ئه‌مریکا پرۆژه‌ یاسای ساڵی دارایی 2019ی که‌ په‌یوه‌ست به‌ خه‌رجییه‌ ناوخۆ و ده‌ره‌کییه‌کان ئاماده‌کراوه‌، بڵاوکرده‌وه‌.

له‌و پرۆژه‌یه‌دا که‌ پێشکه‌شی کۆنگرێس کراوه‌ و تایبه‌ته‌ به‌ وه‌زاره‌تی ده‌ره‌وه‌، ئاماژه‌ به‌وه‌کراوه‌ که‌ بڕی پێنج ملیار و 700 ملیۆن دۆلار بۆ به‌ره‌نگاربوونه‌وه‌ی رێکخراوی تیرۆریستیی داعشه‌. ئه‌و پاره‌یه‌ش جگه‌ له‌ سووریا و عێراق له‌ وڵاتانی هاوشێوه‌ی ئه‌فغانستانیش که‌ رێکخراوه‌که‌ چالاکییان تیادا ئه‌نجامده‌دات، خه‌رجده‌کرێت.

باس له‌وه‌شکراوه‌ سێ ملیار و 300 ملیۆن دۆلار له‌و بوودجه‌یه‌ ره‌وانه‌ی ئیسرائیل ده‌کرێت که‌ له‌ چوارچێوه‌ی ''پرۆگرامی پشتیوانیی سوپای بیانی بۆ ئیسرائیل''دا جێگه‌ی کراوه‌ته‌وه‌. له‌ پاڵ ئه‌مه‌شدا یەک ملیار و 300 ملیۆن دۆلار ده‌درێته‌ ئوردن له‌ پێناو پشتیوانییکردنی ئه‌و وڵاته‌ له‌ رووی ئابووریی ئاسایشی نیشتمانییه‌وه‌.

تیشك خراوه‌ته‌ سه‌ر ئه‌وه‌ش که‌ له‌و بوودجه‌یه‌ی بۆ وه‌زاره‌تی ده‌ره‌وه‌ داواکراوه‌، بڕی 127 ملیۆن دۆلاری بۆ به‌ره‌نگاربوونه‌وه‌ی په‌ره‌پێدانی چه‌ک له‌ لایه‌ن وڵاتانی هاوشێوه‌ی ئێران و کۆریای باکووره‌وه‌، به‌کارده‌هێنرێت.






437 جار خوێندراوەتەوە
13/02/2018

بابەتی زیاتر