Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

دهۆك.. كه‌وتنه‌وه‌ی ئاگر له‌ گه‌راجێكی مۆلیده‌ی كاره‌بادا زیانێكی زۆری ماددی لێده‌كه‌وێته‌وه‌


په‌یام ـ 

کاتژمێر چوارى ئێوارەی ئەمڕۆ چوارشەممە لە گەڕەکى بەڕۆشکێى شاری دهۆک بەهۆى ئاگرکەوتنەوە زیاتر لە ١٥ مۆلیدەى کارەبا و دوو بارهەڵگر و ئۆتۆمبیلێکى جۆرى BMW گڕیان گرت و تا ئێستاش ئاگرەکە کۆنتڕۆڵ نەکراوە.

بەڕێوەبەرى راگەیاندن و پەیوەندییەکانى بەرگرى شارستانى دهۆک، رائید بێوار عەبدولعەزیز رایگەیاند: تیمەکانى ئاگر کوژێنەوە هەموو هەوڵێکى خۆیان خستووەتەگەڕ بۆ کۆنتڕۆڵکردنى ئاگرەکە".

رائید بێوار عەبدولعەزیز  وتیشی:"کاتژمێر چوارى ئەمڕۆ لە گەڕەکى بەڕۆشکێ لە شاری دهۆک ئاگر لە یەکێک لە مۆلیدەکانى گەڕەکە کەوتەوە و دواتر ئاگرەکە تەشەنەى سەند و تا ئێستاش ئاگرەکە بەردەوامە و زیاتر لە ١٥ مۆلیدەى کارەبا، دوو بارهەڵگر کە گازوایلیان بۆ مۆلیدەکان هێنابوو لەگەڵ ئۆتۆمبیلێکى هاووڵاتییان لە نزیک ئاگرەکە سووتاون".

گوتیشى: "بەهۆى بەردەوامبوونى ئاگرەکە تا ئێستا ژمارەی زیانە گیانییەکان نەزانراوە، تیمەکانى بەرگرى شارستانى سەربە بەڕێوەبەرایەتى بەرگرى شارستانى دهۆک سەرقاڵى کۆنتڕۆڵکردنى ئاگرەکەن و ئەگەر کەسانێک بەهۆى ئاگرەکە گیرى خواردبێت رزگار دەکرێن".

بەڕێوەبەرى راگەیاندن و پەیوەندییەکانى بەرگرى شارستانى دهۆک دەڵێت "پەڕاوى لێکۆلینەوەمان بۆ رووداوەکە هەڵداوەتەوە و بەداوى هۆکارەکان دەگەڕێین و هەوڵێش دەدەین لە کاتێکى کەم ئاگرەکە کۆنتڕۆڵ بکەین و راستەوخۆ پاشماوەى ئاگرەکەش نەهێڵین و تاوەکو ژمارەیەک مۆلیدە لە شوێنى مۆلیدە سووتاوەکان بەکاربهێندرێن".

لای خۆشییه‌وه‌ سلێمان عزەدین بەڕێوەبەری گشتی بەرگری شارستانی دهۆک ڕایگه‌یاند: "بەهۆی ئاگرکەوتنەوەکە 3 ئۆتۆمبێل و ئۆتۆمبێلێکی بەرزکەرەوە و تانکەرێکی گاز سووتاون و دوو تانکەریش تەقیونەتەوە، کەسێکیش بەناوی رزگار ئەزوەر، گیانی لەدەستداوە".

سه‌باره‌ت به‌ هۆكاری كه‌وتنه‌وه‌ی ئاگره‌كه‌ش، سلێمان عزەدین وتی: "رووداوەکە لە ئەنجامی خەمساردنی خاوەنی گەراجەکە بووە، ئێمە پێشتر رێنماییمان پێداون لە شوێنێک کە تانکی گازی تێدابێت نابێت لەحیم بکرێت، بۆیە هەر لە ئەگەری لەحیمکردن ئەو ئاگرە کەوتووەتەوە".

468 جار خوێندراوەتەوە
14/02/2018

بابەتی زیاتر