Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

هه‌رێمی كوردستان.. قه‌یرانی دارایی كاریگه‌ری له‌ سه‌ر خوێندنه‌وه‌ش كردووه‌


په‌یام ـ 

کتێب، یەکێکە لە گرنگترین دەستکەوتەکانی مەعریفی لە مێژووی مرۆڤایەتیدا، کە خزمەتێکی ئێجگار گەورەی بە مرۆڤایەتی کردووە لە ھەموو بوارەکانی ژیاندا و لەم خزمەتەش بەردەوامە. خوێندنەوەی ئەو کاڵایە چێژی تایبەتی خۆی ھەیە و، تاقە شتێکە کە ھەموو مرۆڤایەتی بە جیاوازی بیروباوەڕ و ئایینەوە بە گرنگی دەزانن. جگە لەوەش، کتێب بە باشترین ھاوڕێی مرۆڤ ناوی دەرکردووە و بنەمای ھەموو شارستانیەت و پێشکەوتنێکە، به‌ڵام ئه‌وه‌ی له‌ هه‌رێمی كوردستان ده‌بینرێت له‌ ئێستادا، لاوازبوونی ئه‌و په‌یوه‌ندییه‌ی نێوان مرۆڤ و كتێبه‌ و شاره‌زایانیش هۆكاره‌كه‌ی بۆ قه‌یرانی دارایی ده‌گێڕنه‌وه‌. 

پێشتر بازاڕەکانی کتێبفرۆشان لە هەرێمی کوردستان پڕبوون لە خوێنەران و دەزگاکانی چاپ و بڵاوکردنەوەش بەردەوام خەریکی چاپکردنی کتێبە جۆراوجۆرەکان بوون، بەڵام ماوەی چوار ساڵە بەهۆی قەیرانیی دارایییەوە رێژەی چاپکردنی کتێب رووی لە لاوازی کردووە و کتێبفرۆشانیش ئاماژە بە پووکانەوەی بازاڕەکە دەکەن، تاوه‌كو هه‌ندێك له‌ ده‌زگاكان بانگه‌شه‌ی ئه‌وه‌شیانكردووه‌ كه‌ له‌به‌ر نه‌بوونی هاوكاری دارایی داده‌خرێن. 

لە چاوپێکەوتنێکی لەگەڵ ئاژانسی ئانادۆڵ، سیروان عوسمان، بەڕێوەبەری بەڕێوەبەرایەتی راگەیاندن و چاپ و بڵاوکردنەوەی هەولێر ڕایگه‌یاندووه‌: "لە ساڵی ٢٠١٤دا، ئاستی چاپکردن باش بوو بەڵام لە ساڵی ٢٠١٥ بەدواوە ئیتر رێژەکە دابەزی، ئەگەر داتاکانی پێنج ساڵی رابردوو بخەیەڕوو دەبینین کە ساڵانە ئاستی چاپکردن کەم بووەتەوە، بۆ نموونە لە ساڵی ٢٠١٣ دا ١٩٦ ناونیشانمان چاپکردووە و لە ساڵی ٢٠١٤ دا ٩٢ ناونیشان و لە ساڵی ٢٠١٥دا ٩١ ناونیشان و، لەساڵی ٢٠١٦دا ٢٤ ناونیشان و، لە ساڵی ٢٠١٧ دا ١٩ ناونیشان و، ئەمساڵیش تەنیا ٣ ناونیشانمان چاپکردووە".

له‌ وڵاتانی دیكه‌ حكومه‌ت و لایه‌نه‌ په‌یوه‌ندیداره‌كان به‌رده‌وام له‌ هه‌وڵی بوژاندنه‌وه‌ی ژێرخانی ڕۆشنبیرین به‌ ڕێگا جیاوازه‌كان و كردنه‌وه‌ی كتێبخانه‌ و ڕاگه‌یاندنی پێشبڕكێ و پڕۆگرامی خوێندنه‌وه‌، به‌ڵام ئه‌وه‌ی له‌ ماوه‌ی ساڵانی ڕابردوودا ده‌بینرێت، حكومه‌تی هه‌ریمی كوردستان و لایه‌نی په‌یوه‌ندیدار نه‌یانتوانیوه‌ هیچ ژینگه‌یه‌كی له‌بار بۆ خوێندنه‌وه‌ و بوژاندنه‌وه‌ی ڕۆشنبیری بڕه‌خسێنن، به‌ڵكو له‌لای زۆرێك ئه‌وه‌ بووه‌ته‌ جێگه‌ی پرسیار و مشتوومڕ كه‌ ئه‌م ده‌سه‌ڵاته‌ خۆی كه‌سانێكی نه‌خوێنده‌واری ده‌وێت. 

440 جار خوێندراوەتەوە
08/03/2018

بابەتی زیاتر