Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سه‌فین دزه‌یی: عه‌بادی بڕیاریداوه‌ پێش نه‌ورۆز مووچه‌ بنێریت، به‌ڵام جارێ هیچ شتێك ڕوون نییه‌


په‌یام ـ 


لە میانی بەشداریکردنییان لە کۆنفڕانسی ساڵانەی هەشتی مارس بەبۆنەی رۆژی جیهانی ئافرەتان، گوتەبێژی حکوومەتی هەرێمی کوردستان سەفین دزەیی لە کۆنگرەیەکی رۆژنامەوانیدا، وەڵامی پرسیارەکانی رۆژنامەنووسانی دایەوە کە کۆمەڵێک تەوەر لەخۆ دەگرێت. 

گوتەبێژی حکوومەتی ھەرێمی کوردستان، سەفین دزەیی لە کۆنگرەیەکی رۆژنامەوانیدا ئاماژەی بەوەکرد کە لەماوەی رابردوودا، هەردوو سەرۆکوەزیرانی عێراق و هەرێمی کوردستان لە رێگای پەیوەندی تەلەفۆنەوە گفتوگۆیان لەبارەی چارەسەرکردنی کێشەکان کردووەتەوە. 

لە کۆنگرە رۆژنامەوانییەکەدا، سەبارەت بە پەیوەندییەکانی نێوان هەولێر و بەغدا، سەفین دزەیی گوتی: "لەم ماوەیەدا گفتوگۆیەکی جددی ھەبووە لە نێوان ھەردوو سەرۆکوەزیرانی عێراق و هەرێم لە رێگای تەلەفۆن و، لە رووی مەبدەئەوە بابەتی مووچە و فڕۆکەخانەکان نزیکبوونەوەی ھەیە و سەرۆکوەزیرانی عێراق، عەبادیش لە پرێس کۆنفڕانسەکەی دوێنێ ئاماژەی پێکرد، بڕیاریشدراوە پێش جەژنی نەورۆز مووچە بنێرێت بەڵام جارێ هیچ شتێک روون نییە". 

سەفین دزەیی گوتیشی: "ئێمە ھەوڵمانداوە چارەسەری کێشەکان بەپێی دەستوور و یاسا بێت، نامانەوێت کارتی فشار ببێتە بنەما و هیچ لایەک ناکرێت کارتی فشار دژی لایەنێکی دیکە بەکاربهێنێت". 

سەبارەت بە داهاتی نەوتیش، سەفین دزەیی گوتی: "حکوومەتی ھەرێم، بۆ ئەوەی ئەو نەوتە ھەناردە بکات و بیفرۆشێت، پێوسیتی بە پابەندبوون هەیە بەرامبەر کۆمپانیاکانی بەرهەمهێنانی نەوت، ئەویش بەپێدانی ١٠٠ ملیۆن دۆلارە لە مانگێکدا، لەگەڵ ئەوەشدا کرێی دەربازبوونی نەوت بەناو تورکیادا و، بەشێک لە دانەوەی قەرزەکانیش لە کۆی گشتی ئەو پارەیە دەردەکەین، بەم جۆرە نیوەی ئەو پارەیەش نامینێتەوە کە جاران نیوەی پاشەکەوتی مووچەی پێی دەدرا". 

لە بەشێکی دیکەی قسەکانیدا، گوتەبێژی حکوومەتی هەرێمی کوردستان لەبارەی پرسی هەڵبژاردنەوە گوتی: "کۆبوونەوە کراوە، ماوەتەوە سەر ئەوەی کە ئامادەکاری بکرێت و پێدەچێت ئەو کۆدەنگییە نەبێت لە نێوان لایەنە سیاسییەکان، ئێستا حکوومەت دەیەوێت وادەکە دیاری بکات بەڵام بە کۆبوونەوە لەگەڵ پەرلەمان".

917 جار خوێندراوەتەوە
08/03/2018

بابەتی زیاتر