Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

كه‌شناسى: رۆژی سێشەممە 20 ی ئادار، یەكەم رۆژی وەرزی بەهارە


لە رووی فەلەكناسییەوە، بەیانی رۆژی سێشەممە 20 ی ئادار، یەكەم رۆژی وەرزی بەهارە 

به‌رێوه‌به‌رایه‌تی‌ كه‌شناسی‌ و بومه‌له‌رزه‌زانی‌ هه‌رێمی‌ كوردستان رایگه‌یاندووه‌، لە رووی فەلەكناسییەوە، بەیانی رۆژی سێشەممە 20 ی ئادار، یەكەم رۆژی وەرزی بەهارە 

به‌رێوه‌به‌رایه‌تی‌ كه‌شناسی‌  رایگه‌یاند، بەیانی، سێشەممە 2018.3.20 زەوی دەگاتە یەكێ لە خاڵە هەرە ناودارەكانی خۆی لە كاروانی خولانەوەی بەدەوری خۆردا، ئەویش خاڵی (هاوسەنگبوونی بەهاریی) ە كە لە هەمان كاتدا مانای یەكسان بوونی تەواوی ماوەی نێوان شەوو رۆژ بۆ 12 بە 12 كاتژمێرو بە پێوانە فەلەكییەكان ماوەی نێوان خۆرو زەوی لەو رۆژەدا دەگاتە نێوەندی دووریی، كە 149 ملیۆن و 598 هەزارو 23 كیلۆمەتر.

كه‌شناسی‌ روونیكردوه‌ته‌وه‌، (هاوسەنگبوونی بەهاریی – Vernal Equinox) كە لە 20 یان 21 یان لە 22 ی ئاداری هەموو ساڵێك دووبارە دەبێتەوە، تیشكی خۆر تیایدا بە شێوەیەكی 100% ی دەكەوێتە سەر (هێڵی یەكسانی)، چونكە بەپێی لاری تەوەری خولانەوەی زەوی لەسەر خولگەكەی بەدەوری خۆردا بە ئاستی 23 پلە، تیشكی خۆر هەڵبەزین و دابەزین دەكات لەسەر هەردوو نیوەگۆیەكانی باكوورو باشووردا، بەمەش لەنیوەگۆی باكووردا (وەرزی بەهار) دەست پێدەكات و لەهەمان كاتدا (یەكسانبوونی پاییزی) لەنیوەگۆی باشووردا دەست پێدەكات، واتە لە وڵاتەكانی باشووری هێڵی كەمەری زەوی دەستپێكی پاییزە. 

به‌رێوه‌به‌رایه‌تی‌ كه‌شنایی‌ وتووشیه‌تی‌، لە 20 ئاداردا، خۆر رێك لەسەر خاڵی جوگرافی 90 ی رۆژهەڵاتەوە هەڵدێت، كە ئەمەش زۆر گرنگە بۆ ئەو كەسانەی كە دەیانەوێت بەشێوەیەكی زۆر ورد ئاڕاستەی رۆژهەڵات دەستنیشان بكەن، كە لەهەمان كاتدا لە هەمان خاڵی رۆژئاواشدا ئاوادەبێت و هەمان سوودی هەیە بۆ دۆزینەوەی وردی ئاڕاستەی رۆژئاوا. 

كه‌شناسی‌ ئاشكرایشیكردووه‌، كەواتە لە رووی فەلەكییەوە ئەم دیاردەیە، بەیانی رۆژی سێشەممە 20 ی ئاداری 2018 كاتژمێر 07:15 ی ئێوارە بەكاتی هەرێمی كوردستاندا روودەدات، بەڵام بۆ ئێمەی گەلە كورد لە رۆژی 21 ی ئاداری هەموو ساڵێك دەبێتە ئاهەنگی دەستپێكی وەرزی بەهارو بێگومانیش لامان بە (نەورۆز) ناسراوە. 

له‌ كۆتایی‌ راگه‌یه‌نراوه‌كه‌ی‌ كه‌شناسیشدا هاتووه‌، لە رووی زانستییەوە، لە ساڵی 2010 تا 2020، هەموو دیاردەكانی (هاوسەنگبوونی بەهاریی – Vernal Equinox) لە 20ی ئاداردا روویانداوەو روودەدەن. 


860 جار خوێندراوەتەوە
19/03/2018

بابەتی زیاتر