Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سووریا.. ٣٠ هه‌زار كه‌س له‌ غوته‌ی رۆژهه‌ڵاتی دیمه‌شق گواسترانه‌وه‌

په‌یام ـ 

هه‌شته‌مین كاروانی مەدەنی و چه‌كدارانی ئۆپۆزسیۆنی سووریا له‌ غوته‌ی رۆژهه‌ڵاتی گه‌مارۆدراوه‌وه‌ گه‌یشته‌ پارێزگای حه‌ما.

په‌یامنێرانی ئاژانسی ئانادۆڵو له‌ غوته‌ی رۆژهه‌ڵات ئاماژه‌ به‌وه‌ ده‌ده‌ن کە له‌ ئاكامی ئه‌و كۆبوونه‌وانه‌ی‌ رووسیا گرێنتیده‌ریان بووه‌ راگواستنی خه‌ڵك له‌ ناوچه‌كانی نیشته‌جێبوونی عەربین، زه‌مه‌لكا و عه‌ین ترما سەر بە غوته‌ی رۆژهه‌ڵات باشووری سووریا به‌رده‌وامه‌.

سه‌رله‌به‌یانی ئه‌مڕۆ كاروانی هه‌شته‌م كه‌ له‌ ٨٠ پاس پێكهاتبوو و پێنج هه‌زار و ٢٨٢ نه‌خۆش و بریندار و چه‌كداری ئۆپۆزسیۆنی له‌خۆ ده‌گرت له‌ به‌شی ناوه‌ڕاسته‌وه‌، گه‌یشتنه‌ حه‌ما.

چاوه‌ڕوان ده‌كرێت ئه‌و كه‌سانه‌ ره‌وانه‌ی بنكه‌كانی په‌نادانی كاتی له‌ گونده‌واره‌كانی رۆژئاوای حه‌له‌ب و ئیدلب بكرێن كه‌ ده‌كه‌ونه‌ ژێر كۆنتڕۆڵی ئۆپۆزسیۆن، به‌ڵام به‌ هۆی پڕبوونی ئه‌و بنكانه‌ هاووڵاتییانی مەدەنی ده‌بردرێنه‌ مزگه‌وت و قوتابخانه‌كان.

ژماره‌ی ئه‌و كه‌سانه‌ی له‌ هه‌فته‌ی رابردووه‌وه‌ له‌ غوته‌ی رۆژهه‌ڵاته‌وه‌ راگوێزراون گه‌یشتووەته‌ ٣٠ هه‌زار كه‌س.  

588 جار خوێندراوەتەوە
29/03/2018

بابەتی زیاتر