Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ڤینگەر بڕیاری جێهێشتنی ئارسناڵی دا


په‌یام ـ 

دوای ٢٢ ساڵ لە راهێنەرایەتیکردنی یانەی ئارسناڵی ئینگلیزی، ئارسن ڤینگەری فەڕەنسی دواجار بڕیاریدا لە کۆتایی وەرز دەستبەرداری ئەرکی راهێنەرایەتی یانەکەی ببێت. 

ڤینگەری تەمەن ٦٨ ساڵ کە لە ١ی ئەیلولی ١٩٩٦ەوە ئەرکی راهێنەرایەتی یانەی ئارسناڵی ئینگلیزی لە ئەستۆ گرتووە، رایگەیاند کە دوای بیرکردنەوە و هەڵسەنگاندنێکی زۆر پێی وایە کە ئێستا باشترین کاتە بۆ جێهێشتنی یانەکە.

ڤینگەر لە لێدوانێکی بۆ ماڵپەری یانەی ئارسناڵ رایگەیاند کە ساڵانێکی لە بیرنەکراوی لەگەڵ ئارسناڵ بەڕێکردووە و هاوکات زۆر سوپاسی دەستەی کارگێڕی و هاندەرانی یانەکەی کرد بۆ متمانە پێکردنی لە ساڵانی رابردوودا.

ڤینگەر بۆ ماوەی ٢٢ وەرزە راهێنەرایەتی یانەی ئارسناڵ دەکات و لەگەڵ ئەو یانەش سێ نازناوی پرێمەرلیگ، حەوت نازناوی جامی یەکێتی ئینگلتەرای بەدەستهێناوە. 

یانەی ئارسیناڵ ئێستا لە پلەی شەشەمی ریزبەندی خولی پرێمەرلیگدایە و گەیشتووەتە یاریی پێش کۆتایی یورۆپالیگیش. هاوکات جگە لە بردنەوەی نازناوی یوروپالیگ هیچ بژاردەیەکی دیکە لەبەردەم یانەکەدا نەماوەتەوە بۆ بەشداریکردنی لە خولی یانە پاڵەوانەکان لە وەرزی داهاتوودا.

لە چەند وەرزی رابردوودا هاندەرانی گەنەرز ناڕەزایەتی زۆریان بەرامبەر ئاستی یانەکەیان پێشاندا و چەندینجار داوای رۆیشتنی ئەو راهێنەرەیان کردبوو. 

659 جار خوێندراوەتەوە
20/04/2018

بابەتی زیاتر