Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

پەیامی لیستی کۆمەڵی ئیسلامیی کوردستان ژمارە ١٠٤

بسم الله الرحمن الرحیم
پەیامی‌ لیستی‌ کۆمەڵی‌ ئیسلامیی‌ کوردستان ژمارە (١٠٤)
بۆ هەڵبژاردنی ئەنجومەنی نوێنەرانی عێراق

هاونیشتمانییانی‌ بەڕێز.. دەنگدەرانی‌ ئازیز:
ئەمڕۆ عێراق و هەرێمی‌ کوردستان پێکەوە بەرەو ئەنجامدانی‌ پڕۆسەیەکی‌ نوێی‌ هەڵبژاردن هەنگاو هەڵدەگرن، ئەویش هەڵبژاردنی ئەندامانی خولی چوارەمی ئەنجومەنی‌ نوێنەرانی عێراقە، کە وا بڕیارە لە ڕۆژی 12/5/2018 لە ناوەوە و دەرەوەی وڵات بەڕێوە بچێت.
هەڵبژاردنی ئەنجومەنی نوێنەرانی عێراق، لە ڕووی یاسایی و دەستوورییەوە بۆ کورد و کوردستانییان، تایبەتمەندیی‌ و گرنگیی‌ خۆی‌ هەیە. ئەم هەڵبژاردنە پەیوەندیی‌ بە دۆزی‌ ڕەوای‌ کورد و بارودۆخی‌ سیاسی‌ و دەستووریی‌ و ئابووریی‌ و جوگرافی‌ و تەواوی‌ مافە نەتەوەییەکانی‌ ئەم گەلەوە هەیە. لەم میانەیەدا گەلی‌ کورد پێویستی‌ بە هەڵگرتنی کۆمەڵێک هەنگاوی‌ گرنگ و بوێرانە هەیە، لە لایەک پێویستە هەوڵ و کۆششی بۆ زیادکردن، یان لانی کەم پارێزگارییکردن لە سەنگ و قورسایی نوێنەرانی کورد لە پەرلەمانی‌ عێراق بێت، لە لایەکەی‌ دیکەش پێویستە بەشدارییکردنی ئەمجارەی لە پڕۆسەی دەنگداندا، بۆ سزادان و لێسەندنەوەی متمانە بێت لەو حیزب و نوێنەرانەی کە ساڵانێکە بە ناوی گەلی کوردەوە تەنها لە خزمەتی بەرژەوەندیی حیزبی و بنەماڵەییدا بوون و دوور لە ئەجێندای نیشتمانیی کاریان کردووە. بۆ ئەوەش پێویستمان بەوە هەیە کە بەشداریی‌ کارا و گەرموگوڕ لە پڕۆسەی‌ هەڵبژاردندا بکەین و هیچ پڕوپاگەندەیەکی‌ سیاسی‌ و دەروونیی‌ هێزە شکستخواردوو و ستەمکارەکان ساردمان نەکەنەوە.
دەنگدەری بەڕێز:
هەڵبژاردنی ئەمجارەی ئەنجومەنی نوێنەرانی عێراق لە ساتەوەختێکدا بەڕێوە دەچێت کە گەلی کورد بە هۆی سیاسەت و بەرژەوەندییە نادروستەکانی دەسەڵاتدارانی هەرێمی کوردستان و سیاسەتی‌ شکستخواردووی‌ بەناو ئابووریی‌ سەربەخۆ، نیوەی خاکی مێژوویی خۆی و بەشێکی زۆری دەسەڵاتە سیاسییەکانی لەسەر ئاستی عێراق لە دەستداوە. دەسەڵاتدارانی کوردستان بە هۆی نادیدەگرتنی پێشنیاز و دڵسۆزییەکانی کۆمەڵی ئیسلامیی کوردستان، بە تایبەت لە بابەتێکی هەستیار و چارەنووسسازی وەکو ڕیفراندۆمدا، دۆزی ڕەوای کوردیان گەڕاندەوە چوارگۆشەی یەکەم، خوێن و قوربانییدانی هێزی پێشمەرگەی کوردستانیان لە شەڕی دژ بە داعش بە فیڕۆ دا و هەرزانفرۆش کرد، نەهامەتییەکان و باری گرانی سەر شانی ئەم گەلەیان، لە ڕووەکانی ئابووریی و دارایی، چەند بەرانبەر کرد. هەربۆیە بە ئەرکی سەرشانی خۆمانی دەزانین کە بەوپەڕی توانامانەوە کار بۆ سازکردنی زەمینەیەکی لەبار و گونجاو بکەین تا هەنگاو بە هەنگاو لە بەدەستهێنانەوەی مافە یاسایی و داراییەکانتان نزیک دەبینەوە، بێگومان ئەو کارەش پێویستی بە کەسانێک هەیە کە لەگەڵ خەڵک و خۆیان و خوای خۆیاندا ڕاست بکەن و بەرژەوەندیی و پلە و پایە فریویان نەدات، هەموو ئەوانەش بە دڵنیاییەوە لە سیاسەت و ستراتیجی‌ کۆمەڵی‌ ئیسلامیی‌ کوردستانن.
کۆمەڵی ئیسلامیی کوردستان هەرزوو ئەوەی زانی کە  هێزەکانی دەسەڵات لە هەرێمی کوردستان ناتوانن لە بەغدا نوێنەرایەتییەکی دڵسۆزانە و ڕاستەقینەی دەنگدەرانی هەرێمی کوردستان و تەواوی ناوچە کوردستانییەکانی دەرەوەی هەرێم بکەن و پەیوەندیی‌ تەندروست و دامەزراوەیی‌ لەگەڵ پێکهاتە و هێزە سیاسییەکانی‌ دیکەی‌ عێراق بۆ بەرژەوەندیی‌ گەلی‌ کورد دروست بکەن، هەر بەوهۆیەشەوە بوو کە کۆمەڵی ئیسلامیی ساڵانێکی زۆرە وەکو هێزێکی ئۆپۆزسیۆن و نەیار بەو سیاسەتە چەوت و ماڵوێرانکارانانە، دوور لە دەستی نائەمینی گرووپ و لایەنە بەرژەوەندخوازەکان، کاری بۆ بونیاتنانی ئایندەیەکی باشتر بۆ هاووڵاتیانی هەرێم و ناوچە کوردستانییەکانی دیکە کردووە.
دەنگدەری‌ خۆشەویست:
کۆمەڵی‌ ئیسلامیی‌ کوردستان، وەکو هێزێکی دڵسۆز کە هەمیشە لە ناو بەرەی گەلدا خۆی بینیوەتەوە و بە گژی‌ ستەم و تاوانەکارییەکانی‌ دەسەڵاتدا چۆتەوە و شەڕی‌ یاسایی‌ و سیاسی‌ و مەدەنی‌ لەسەر قووت و بژێویی‌ و ژیانتان کردووە، چاوەڕوانی‌ لە تۆی‌ بەڕێز و هاونیشتمانییانی‌ دیکەی کوردستان ئەوەیە کە متمانە و دەنگی‌ خۆتانی‌ پێبدەن، تا بەشدار و پاڵپشتمان بن بۆ گێڕانەوەی مافی خوراوتان و بەسزاگەیاندنی گەندەڵکاران، لەگەڵمان بن بۆ گێڕانەوەی شکۆی  نیشتمانەکەمان کە لە دوای پڕۆسەی ڕیفراندۆمەوە لەکەدار بووە. داوا لە هێزی‌ پێشمەرگەی‌ کوردستان و تەواوی‌ ئەندامانی‌ هێزە ئەمنییەکان و دەنگدەرانی‌ تایبەتیش دەکەین، کە لە ڕۆژی‌ دەنگدانی‌ تایبەت و پرۆسەی‌ هەڵبژاردندا، بە دەنگدانتان بە لیستی‌ کۆمەڵی‌ ئیسلامیی‌ کوردستان، تۆڵەی‌ خۆتان لەو هێز و لایەنانە بکەنەوە کە خوێن و قوربانییدانیان لە شەڕی‌ دژ بە داعش بەفیڕۆ دان و هەر لەگەڵ تەواوبوونی‌ ئەو شەڕە، ستەمی‌ مووچەیان لەسەر ئێوەش زیاد کرد و لە هەموو بەڵێن و پەیمانەکانیان بەرانبەرتان پاشگەز بوونەوە.
کۆمەڵی‌ ئیسلامیی‌ پەیمانتان پێدەدات کە لەسەر سیاسەت و هەڵوێستەکانی‌ ڕابردووی‌ بۆ خزمەتی‌ ئێوە بەردەوام دەبێت، دەیەوێت لە دوای‌ ئەو بێهیواییەی باڵی کێشاوە بەسەرتاندا، هیواتان بۆ دروست بکاتەوە، لە دوای‌ ئەو بێمتمانەییەی دەسەڵات دروستی کردووە، متمانە بونیات بنێتەوە، لە دوای‌ ڕەشبینی‌، گەشبینیتان بۆ بگەڕێنێتەوە.
هەمیشە و هەردەم سەرکەوتوو و سەرفراز بن.

لیستی‌ کۆمەڵی‌ ئیسلامیی‌ کوردستان ژمارە (١٠٤)
بۆ هەڵبژاردنی ئەنجومەنی نوێنەرانی عێراق


342 جار خوێندراوەتەوە
22/04/2018

بابەتی زیاتر