Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

وەزیری دەرەوەی تورکیا: تورکیا ھیچ ھەڵەیەکی بەرامبەر ئەمریکا نەکردووە


په‌یام 

مەولود چاوشئۆغڵو، وەزیری دەرەوەی تورکیا لەبارەی پەیوەندییەکانی تورکیا و ئەمریکا، رایگه‌یاند: ئەمریکا نازانێت دۆستی راستەقینەی کێیە. 

مەولود چاوشئۆغڵو لە ١٠یەمین کۆنفرانسی باڵیۆزان لە شاری ئەنقەرە پایتەختی تورکیا، لەبارەی لێدوانەکانێكی دۆناڵد ترەمپ کە رایگەیاندبوو "تورکیا سەلماندی دۆستێکی باش نییە"، چاوشئۆغڵو وتی: "ئەمریکا نازانێت دۆستی راستەقینەی کێیە". 

چاوشئۆغڵو ئه‌وه‌یشی وت: تورکیا ھیچ ھەڵەیەکی بەرامبەر ئەمریکا نەکردووە و جەختیشی لەوە کردەوە کە ھەر کەسێک رووبەڕووی تۆمەت ببێتەوە ئەوا قۆناغی دادگایکردن لەبارەیەوە جێبەجێ دەکرێت. 

ئاماژەی بەوەشدا کە تورکیا پشتیوانی لەو کەسانە نەکردووە کە ھێرشیان کردووەتە سەر ئەمریکا و چەکی بە ھیچ رێکخراوێکی تیرۆریستی نەداوە.

وەزیری دەرەوەی تورکیا ئەوەیشی خستەڕوو کە چەندین جار بە ھاوتا ئەمریکییەکانیان راگەیاندووە کە گوشار و سەپاندنی سزا کاریگەری لەسەر تورکیا نابێت و راشیگەیاند چارەسەرکردنی کێشەکان لە چوارچێوەی یاسا و دۆستانەدابێت پێویست بە بارگرژی ناکات. 

چاوشئۆغڵو ئاماژه‌ی به‌وه‌شكرد: "ئەمریکا دەبێ ببینێت کە ئەم کارانە فیلمی کاوبۆی نییە. ئێمە یاری لە فیلمێکی کاوبۆی ناکەین. ئێمە وەک دوو وڵاتی گەورە، پێویستە بزانین چۆن رێز لە یەکتری دەگرین. رێز بە گوشار نابێت، رێز بە لێکتێگەیشتن دەبێت". 

ئه‌و وه‌زیره‌ باسی له‌وه‌شكرد سیاسەتی ئێستای ئەمریکا پێشبینی لەسەر ناکرێت و ئەورووپاش پشتیوانی لەو سیاسەتانە ناکات.

هاوكات جه‌ختی كرده‌وه‌: ئێمە نامانەوێت کێشەمان لەگەڵ ھیچ وڵاتێک ھەبێت. ئێمە خۆشحاڵ نابین بە ھەبوونی کێشە لەگەڵ ئەمریکا. دەتوانین کێشەکانمان لەگەڵ ئەمریکا زۆر بە ئاسانی چارەسەر بکەین بەڵام نەک لەگەڵ ئەو تێگەیشتنەی ئێستای ئەمریکا.

742 جار خوێندراوەتەوە
17/08/2018

بابەتی زیاتر