Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

پارتی: داوا ده‌كه‌ین پۆستی سەرۆككۆمار بۆ ئێمە بێت


په‌یام

مەكتەبی سیاسی پارتی دیموكراتی كوردستان راگەیێندراوێک لەبارەی پۆستی سەرۆککۆماری عێراق بڵاودەکاتەوە و تێیدا هاتووە: "ئەو پۆستە بەش و ئیستیحقاقی گەلی كوردستانە و هەرگیز تاپۆ و پاوانی حیزبێكی دیاریكراو نییە". هەروەها رایدەگەیێنێت،  داوا دەكەین ئەمجارە پارتی پۆستی سەرۆك كۆمار بگرێتە دەست


دەقی راگەیێندراوەکە 

هاوڵاتیانی بەڕێز...

لای هەموتان روون و ئاشكرایە كە پارتی نەك هەر لە دوای هەڵبژاردنی ئەنجومەنی نوێنەرانی عێراقەوە، بەڵكو هەمیشە پەرۆشی پێكەوەیی و یەكڕیزی بووە و هەموو هەوڵەكانیشی لەو پێناوەدا بووە. 

سەبارەت پۆستی سەرۆك كۆماری عێراق، ئێمە لە كۆبونەوەكانمان لەگەڵ برایانی یەكێتی هەمیشە دووپاتمان كردۆتەوە كە ئەو پۆستە بەش و ئیستیحقاقی گەلی كوردستانە و هەرگیز تاپۆ و پاوانی حزبێكی دیاریكراو نییە. لە دوایین كۆبونەوەشمان لە بارەگای بەرێز كاك كۆسرەت جارێكی دیكە ئەم بابەتەمان لەگەڵ تاوتوێ كردن، زۆر بە راشكاوی پێمان گووتن لەبەرئەوەی چەند جاری رابردوو پۆستی سەرۆك كۆمار لە لای یەكێتی بووە، پێمان باشە بۆ ئەم جارە پۆستەكە لە لایەن پارتیمانەوە كاندیدی بۆ دیاری بكرێت و لەبەرامبەردا یەكێتی پۆست و ئیستحقاقی دیكە پڕبكاتەوە، بڕیاریش وابوو لە نێوخۆیاندا گفتوگۆی زیاتر لەسەر ئەم پرسە بكەن و دواتر وەڵاممان لێ بگێڕنەوە. بەڵام بە داخەوە لە بری ئەوە لە راگەیاندنەكانەوە بیستمان كە تاك لایەنە و بێ مشوەرەت لەگەڵ پارتیمان و لایەنەکانی دیکەی کوردستان و، بێ گوێدانە داواكارییەكەی ئێمە، كاك بەرهەم ساڵحیان گەڕاندەوە نێو یەکێتی و کاندیدیان کرد بۆ پۆستی سەرۆک کۆمار، بۆیە جێی سەرسڕمانە كە دەبیستین یەكێتی چوونی وەفدی ئێمە بۆ بەغدا بە هەڵوێستێكی تاك لایەنە دەزانێ. 

لە راستیدا پێداگیریی یەكێتی لەسەر وەرگرتنی ئەو پۆستە هیچ بەهانەیەكی موقنعی نییە، ئەگەر باسی رێكەوتنی ساڵی 2005ی نێوان سەرۆك بارزانی و مام جەلالی رەحمەتی دەكەن، ئەوا لە ئێستادا نە سەرۆك بارزانی سەرۆكی هەرێمە و نە پۆستەكە بۆ مام جەلالە و كۆی هەل و مەرجەكەش گۆڕاوە . جگە لەوەی زۆر لە بڕگەكانی ئەو رێكەوتنە چوار خاڵییە و تەنانەت رێكەوتنی ستراتیژی 2007 یش لە لایەن خودی یەكێتییەوە دەمێكە پشتگوێ خراون. خۆ ئەگەر ئیستحقاقی ئینتیخابییش پێوەر بێت، مەعلومە كە پارتی وەك هێزی براوەی یەكەم لە هەموان موستەحەقترە بۆ وەرگرتنی پۆستی باڵا. 

ئێمە كە داوا دەكەین ئەمجارە پارتی پۆستی سەرۆك كۆمار بگرێتە دەست، شەڕمان بۆ پلە و پایە نییە و رابردووش شاهیدە كە ئێمە هەرگیز خوازیاری پلە و پۆست نەبووین، بەڵام مەبەستمان ئەوەیە بە پشتیوانیی هەموو لایەك وا بكەین لەمەودوا ئەو پۆستە رۆڵ و كاریگەرییەكی باشتری هەبێت و داكۆكیكار بێت لە بەرژەوەندییەكانی كوردستان و بە كەڵكی میللەتەكەمان بێت نەك بێ تەئسیر و بێ سوود. 

ئێمە ئێستاش پەرۆشی یەكرێزی و پێكەوەیین، داواشمان ئەوەیە لەگەڵ برایانی یەكێتی بگەڕێنەوە بۆ درێژەدان بە گفتوگۆیەكانی دوا كۆبونەوەمان و هیواداریشین ئەو راگەیاندراوەی بە ناوی مەكتەبی سیاسی یەكێتی بڵاوكراوەتەوە، هەڵوێستی هەموو یەكێتی نەبێ. 

مەكتەبی سیاسی
پارتی دیموكراتی كوردستان
23ی ئەیلول 2018


567 جار خوێندراوەتەوە
23/09/2018

بابەتی زیاتر