Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

شازاده‌ی جێنشینی سعوودیه‌: سعودیه‌ له‌به‌رانبه‌ر پارستنی ئاسایشی خۆیدا هیچ باجێك نادات


په‌یام

شازاده‌ی جێنشینی سعوودیه‌ محه‌مه‌د بن سه‌لمان رایگه‌یاند، وڵاته‌كه‌ی 30 ساڵ له‌پێش ئه‌مریكاوه‌ بوونی هه‌یه‌ و له‌به‌رانبه‌ر ئاسایشی وڵاته‌كه‌یاندا، هیچ باجێك ناده‌ن.

له‌دیمانه‌یه‌كیدا له‌ كه‌ناڵی ته‌له‌فزیۆنیی بڵومبێرگ، شازاده‌ی جێنشینی سعوودیه‌ باسی له‌ڕوونكردنه‌وه‌كه‌ی سه‌رۆكی ئه‌مریكا دۆناڵد تره‌مپ له‌باره‌ی سعوودیه‌وه‌ كرد.

بن سه‌لمان گوتی، "سعوودیه‌ له‌ ساڵی 1744ه‌وه‌ هه‌یه‌. پێم وایه‌ زیاتر له‌ 30 ساڵ پێش ئه‌مریكاوه‌ هه‌یه‌" و ئاماژه‌ی به‌وه‌دا كه‌ روونكردنه‌وه‌كه‌ی تره‌مپ له‌جێی خۆی نییه‌.

بن سه‌لمان رایگەیاند: "سعوودیه‌ له‌به‌رانبه‌ر پارستنی ئاسایشی خۆیدا هیچ باجێك نادات. پاره‌ی ته‌واوی ئه‌و چه‌كانه‌مان داوه‌ كه‌ له‌ئه‌مریكا كڕدراوه‌. ئه‌م چه‌كانه‌ به‌خۆڕایی نه‌هاتوون".

بن سه‌لمان هه‌روه‌ها ئاماژه‌ی به‌وه‌دا كه‌ پێی خۆشه‌ له‌گه‌ڵ تره‌مپ كاربكات و گوتی، "له‌كاتێكدا په‌یوه‌ندییه‌كانی نێوان هه‌ردوو وڵات سه‌دا 99 باشه‌، سه‌دا یه‌كی وه‌ك بابه‌تێكی خراپ له‌رۆژه‌ڤدایه‌".

947 جار خوێندراوەتەوە
06/10/2018

بابەتی زیاتر