Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئه‌نجومه‌نی ئاسایشی هه‌رێم چوار هاوڵاتی و دوو کارمه‌ندی ئاسایش ده‌ستگیرده‌كات


په‌یام 

ئه‌نجومه‌نی ئاسایشی هه‌رێمی كوردستان ده‌ستگیركردنی دوو كارمه‌ندی ئاسایش و چوارهاوڵاتی پشتڕاستكرده‌وه‌ كه‌ تۆمه‌تبارن به‌  دزین و به‌ قاچاخبردنی نه‌وت. 

له‌ راگه‌یه‌ندراوێكدا ئه‌نجومه‌نی ئاسایشی هه‌رێم بڵاویكردووه‌ته‌وه‌: له‌چوارچێوه‌ی هه‌ڵمه‌ته‌کانی جێبه‌جێکردنی یاسا، بۆ به‌ره‌نگاربوونه‌وه‌ی گه‌نده‌ڵی و نه‌هێشتنی ده‌ستێوه‌ردان له‌ موڵکی گشتی له‌ ئۆپه‌راسیۆنێکی ده‌زگا ئه‌منییه‌کان و به‌ڕێوه‌به‌رایه‌تی ئاسایشی گشتی، گروپێکی دزین و به‌ قاچاخبردنی نه‌وت ده‌ستگیرکرا، که‌ پێکهاتووه له‌ چوار هاوڵاتی و دوو کارمه‌ندی ئاسایش.


ده‌قی راگه‌یه‌ندراوه‌كه‌:


راگه‌یاندراوێک له‌ ئه‌نجومه‌نی ئاسایشی هه‌رێمی کوردستانه‌‌وه‌

له‌چوارچێوه‌ی هه‌ڵمه‌ته‌کانی جێبه‌جێکردنی یاسا، بۆ به‌ره‌نگاربوونه‌وه‌ی گه‌نده‌ڵی و نه‌هێشتنی ده‌ستێوه‌ردان له‌ موڵکی گشتی. به‌پێی بڕیاری دادوه‌ر، له‌ ئۆپه‌راسیۆنێکی ده‌زگا ئه‌منییه‌کان و به‌ڕێوه‌به‌رایه‌تی ئاسایشی گشتی، گروپێکی دزین و به‌ قاچاخبردنی نه‌وت ده‌ستگیرکرا، که‌ پێکهاتووه له‌ چوار هاوڵاتی و دوو کارمه‌ندی ئاسایش. 
ده‌ستگیرکراوان به‌ پێی رێوشوێنه‌ یاساییه‌کان مامه‌ڵه‌یان له‌گه‌ڵدا ده‌کرێت و دوای ته‌واو بوونی لێکۆڵینه‌وه‌کانیش، له‌لایه‌ن دادگاوه‌ دۆسیه‌کانیان یه‌کلا ده‌کرێته‌وه‌.

ئێمه له‌ ئه‌نجومه‌نی ئاسایشی هه‌رێمی کوردستان، هه‌موو لایه‌ک دڵنیا ده‌که‌ینه‌وه، له‌ پێناو سه‌روه‌ری یاسا، ئه‌رک و شه‌ونخونی ده‌زگاکانمان به‌رده‌وام ده‌بێت و رێگه‌ ناده‌ین ده‌ستدرێژی بکرێته‌ سه‌ر موڵک و ماڵی گشتی و هاوڵاتیان، هه‌ر که‌س و لایه‌نێکیش یاساشکێنی بکات، رووبه‌رووی دادگا ده‌کرێته‌وه‌ و سزای یاسایی خۆی وه‌رده‌گرێت.
پێویسته ده‌زگا ئه‌منییه‌کان له‌ پارێزگا و ناوچه‌ جیاجیاکانی دیکه‌ی هه‌رێمی کوردستان‌، جێبه‌جێکاری یاسابن و به‌هه‌مانشێوه‌ مامه‌ڵه‌ له‌گه‌ڵ رێگر و یاساشکێنه‌کان بکه‌ن و داڵده‌ی قاچاخچی و گه‌نده‌ڵکاران نه‌درێت.

ئه‌نجومه‌نی ئاسایشی هه‌رێمی کوردستان 
١٨ی ئۆکتۆبه‌ری ٢٠١٨

 

1358 جار خوێندراوەتەوە
18/10/2018

بابەتی زیاتر