Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

سۆران عومه‌ر: سوتانی بازاری لەنگە گومانی گەورە ھەڵدەگرێ


په‌یام 

سۆران عومه‌ر كاندیدی سه‌ركه‌وتووی پكۆمه‌ڵی ئیسلامی بۆ په‌ڕله‌مانی كوردستان رایده‌گه‌یه‌نێت سوتانی بازاری لەنگە گومانی گەورە ھەڵدەگرێ، بەڵام سەلماندنی زۆر ئەستەمە. 

ئه‌و ئه‌ندامه‌ی پێشووی په‌ڕله‌مانی كوردستان و كاندیدی سه‌ركه‌وتوو بۆ چوارساڵی داهاتوو نوسیویه‌تی:"رۆژێکی پشوو نھۆمی چوارەمی باڵەخانەی پەرلەمان سوتا، وتیان سەلاجەکە شۆرتی کردووەو دۆسێکانی سەرۆکایەتی پێشوویان تێدا سوتاند."

هاوكات رۆژێکی دیکە پشوو بوو وتیان ژێر زەمینی ئەنجومەنی وەزیران سوتاوە، ئەودۆسیانەی سەرۆکایەتی حکومەت و نەوت سوتێنرا کە د.بەرھەم بوو بەسەرۆکی حکومەت. 

سۆران عومه‌ر نوسیویشیه‌تی:"ئەم دەسەڵاتە ھێندە بۆگەنە کەسانێک دەنێرن شەوانە نەوت دەکاتە بنی سنەوبەرەکانی ئەو شوێنانەی تەماعیان لە زەویەکەیدایە تاکو داگیری بکەن و بیکەن بە پرۆژە."

جه‌ختیشیكردووه‌ته‌وه‌: سوتانی بازاری لەنگە گومانی گەورە ھەڵدەگرێ، بەڵام سەلماندنی زۆر ئەستەمە. 

له‌ پۆسته‌كه‌یدا سۆران عومه‌ر ئه‌وه‌یشی وتووه‌: بۆیە زۆر ئاساییە بازاری لەنگە کە ھەزارەھا خێزانی ھەژار ژیانی لەسەری بووە بەرپرسێکی دز تەماعی تێیدایە وەری بگرێ و بیکاتە بازارو دوکانەکانی بەپارەی خەیاڵی بفرۆشێتەوە وەک چۆن بازاری نیشتمان و چەندین شوێنی دیکەیان بە خەڵک چۆڵکرد. 

وتوشیه‌تی: ھەندێ بەرپرسی دزی چاوچنۆک زۆر لایان ئاساییە لەنیوەشەودا ئاگر بەربدەنە ئەو بازارە تا بیکەنە بەھانەی چۆڵکردنی. 

ئه‌و ئه‌ندامه‌ی په‌ڕله‌مانی كوردستان ئاماژه‌ی به‌وه‌شكردووه‌:"ئەمان خاک فرۆشتن و داگیرکردنی، دزینی داھاتەکەی و ڕشتنی خوێنی ھاوڵاتییەکانی لەپێناو دەسکەوتی خۆیان لایان وەکو شەراب خواردنەوە وایە."

508 جار خوێندراوەتەوە
26/10/2018

بابەتی زیاتر