Frequencies
پەخشی راستەوخۆ
خشتەی بەرنامەکان کاتەکانی بانگ
داخستن
بەرنامە کاتی پەخش دووبارە
هەواڵى سياسى 11:00 + 14:00 + 18:00 + 20:00 + 22:00 كورته‌ی هه‌واڵه‌كان + 23:00
باس و خواس 17:00، جگه‌ له‌رۆژانی پێنج شه‌ممه‌
دوانگه‌ی خه‌ڵك 17:00 ته‌نها رۆژانی پێنج شه‌ممه‌
هەواڵی وەرزشی 11:30 + 18:30 + 23:30
ئەمرۆ 10:10 شەو، جگە لە رۆژانی هەینی و شه‌ممه‌ 03:00 نیوەرۆِی رۆژی دواتر
داخستن
كاته‌كانی بانگ به‌پێی شاری هه‌ولێری پایته‌ختی هه‌رێمی كوردستان

ئیندۆنیزیا.. فرۆكه‌یه‌ك به‌ 188 سه‌رنشینه‌وه‌ كه‌وته‌ خواره‌وه‌


 په‌یام

پارچەکانی ئەو فڕۆکە نەفەرهەڵگرەی کە لە ئیندۆنێزیا بە ١٨١ سەرنشین و ٧ کارمەندی فڕۆکەکەوە دوای ماوەیەکی کەم لە هەڵفڕینی کەوتە دەریاوە، دۆزرایەوە.

کاربەدەستان ئاشکرایانکرد لە کاتژمێر ٠٦:٣٣دا پەیوەندییان بەو فڕۆکەیەوە پچڕاوە کە لە ٠٦:٢٠دا فڕیوە. 


سەرۆکی دامەزراوەی نیشتمانیی گەڕان و پشکنین، محەمەد سیاوگی رایگەیاند، پارچەکانی ئەو فڕۆکە نەفەرهەڵگرەیان دۆزیوەتەوە کە لە جاکارتاوە ویستوویەتی بەرەو شاری پانگال پینانگی دوورگەی سوماترا بفڕێت و دوای ماوەیەکی کەم لە هەستانی کەوتووەتە خوارەوە و ١٨٨ کەسی تێدابووە.  

محەمەد سیاوگی باسی لەوەکرد کە کارەکانی گەڕان و رزگارکردن لە ناوچەکە درێژەی هەیە و سەبارەت بە چارەنووسی سەرنشینەکانیش هیچ زانیارییەکی نەدرکاند. 

لای خۆشییەوە وەزارەتی گواستنەوەی ئیندۆنێزیا بڵاویکردەوە، لەنێو ١٨١ سەرنشینەکەدا، سێ منداڵ هەن کە دووانیان ساوان و کارمەندانی فڕۆکەکەش حەوت کەسن کە دووانیان فڕۆکەوانن. 

هاوکات سەرۆکی لیژنەی نیشتمانیی ئاسایشی گواستنەوە، سوێرجانتۆ جاهجۆنۆ ئاشکرایکرد فڕۆکەکە سەربە هێڵی ئاسمانیی لیۆنە و لە جۆری بۆینگ-٧٣٧ ماکس هەشتە و یەکێکە لەو فڕۆکە نوێیانەی کە کۆمپانیاکە بەم دواییانە کڕیویەتی.

150 جار خوێندراوەتەوە
29/10/2018

بابەتی زیاتر